Levítico 23:3 - Bible in Tzotzil de Chenalhó with Deuterocanon

³ “Vaquib no'ox c'ac'al xu' cha'abtejic; yan ta svucubal c'ac'ale ja' sc'ac'alil chacux avo'ntonic. Ja' yorail chapasic jun ch'ul tsobajel sventa chavich'icun ta muc', jech mu xu' chapasic jchopuc abtel. Buyuc no'ox nacaloxuc batel, ja' sc'ac'alil chacux avo'ntonic o li jun c'ac'al le'e.

Bible in Tzotzil de Chamula

³ “Vaquib c'ac'al sjalil ti stac' xa'abtejique. Ja'uc ti ta yucubal c'ac'ale, mi ja'uc xa stac' xa'abtejic mi jset'uc. Yu'un ja' jun c'ac'al ti tsots sc'oplal cuxob o'ntonal ta j'ech'ele. Ta xc'ot ta ch'ul tsoblej avu'unic. Ti buyuc no'ox ta xanaquie, ti jech c'ac'al taje, ja' cuxob o'ntonal ta sventa yich'el ta muc' ti Diose.

Levítico 23:3 Iomraidhean Croise

Éxodo 16:23

Li Moisese jech laj yal: —Le'e ja' jech yaloj mantal li Muc'ul Diose, yu'un li oc'ome ja' xa ch'ul c'ac'al; yorail ta jcux co'ntontic. Ja' xcuxubil co'ntontic ti voc'bil yu'un Muc'ul Diose. Meltsanic me oy meltsanel tsc'an ave'elique. Panic me oy c'usi panel tsc'an avu'unique. Li scomelale naq'uic sventa oc'om —xut.

Éxodo 16:29

Na'ic me ti vu'un cac'oj li jun c'ac'al sventa chacux avo'ntonic, vu'un li Muc'ul Diosune. Ja' yu'un ta svaquibal c'ac'ale chacac'boxuc ave'elic sventa chib c'ac'al. Ta svucubal c'ac'ale mu'yuc xa boch'o xu' chloc' ta sna avu'unic li jujunoxuque; te no'ox chacomic o —xut.

Éxodo 16:30

Ja' yu'un scotol li israeletique la xcux yo'ntonic ta svucubal c'ac'al.

Éxodo 23:12

“Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, yu'un jech xu' chcuxic lec ec li avacaxique, li aburoique. Xchi'uc jech xu' chcuxic ec li amozoique xchi'uc li yanlumetique.

Éxodo 34:21

“Vaquib no'ox c'ac'al xu' cha'abtejic. Ta svucubal c'ac'ale tsc'an chacux avo'ntonic, ac'o me yorail ovol, o me yorail c'aoj.

Isaías 56:2

Toj xcuxet no'ox yo'nton li boch'o tspas jech chac le'e, ti solel scotol yo'nton tspas oe, ti chchabi li sc'ac'alil cuxub o'ntonale, ti mu soquesbe sc'oplale, ti tsq'uel sba lec ta sventa li c'usi chopole”, xi li Muc'ul Diose.

Isaías 56:6

Jech noxtoc li yanlum cristianoetic ti chac' sbaic ta jc'obe, ti chtunic cu'une, ti chisc'anicun leque, ti chc'otic ta mero cajtuneltaque, xchi'uc ti chchabiic li sc'ac'alil cuxub o'ntonale, ti mu soquesbeic sc'oplale, ti scotol yo'nton chch'unic li c'usi chapanbile,

Isaías 58:13

“Chabiic me li sc'ac'alil chacux avo'ntonique; mu me xachonolajic, mu me xamanulajic ta yorail li ch'ul c'ac'al cu'une. Li jun c'ac'al le'e, ja'uc me sc'ac'alil ti xcuxet no'ox avo'ntonique; ja'uc me ch'ul c'ac'al chc'ot avu'unic sventa chavich'icun ta muc'. Tsotsuc me sc'oplal chava'yic, mu me bu xaxanovic; mu me xachonolajic, mu me xamanulajic; mu me xachapan ava'yejic.

Levítico 19:3

“Jujunoxuc ich'ic ta muc' li atot ame'ique. “Chabiic me li sc'ac'alil chacux avo'ntonique, vu'un li Muc'ul Diosun avu'unique.

San Lucas 13:14

Li banquilal te ta nail tsobobbaile i'ilin ti c'alal icoltavan Jesús ta sc'ac'alil cuxub o'ntonale, jech laj yalbe li cristianoetique: —Oy vaquib c'ac'al xu' chij'abtejutic. Ja'o xatalic me chac'anic coltaele. Mu xatalic ta sc'ac'alil ta jcux co'ntontic —xut.

San Lucas 23:56

C'alal isutic batel ta snaique, c'ot xchapanic muil vomoletic xchi'uc muil poxiletic, pero la xcux yo'ntonic ba'yuc ta sc'ac'alil ta chcux yo'ntonic jech chac c'u cha'al chal li mantaletic yu'unique.

Hechos 15:21

Yu'un ta vo'one ono'ox tal, ta jujun lum c'alal ja'o sc'ac'alil ta xcux yo'ntonique, ja' ono'ox ta xaptaic ta nail tsobobbailetic yu'unic li smantaltac Dios laj yal comel Moisés ta vo'onee —xi li Santiagoe.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.