Levítico 23:23 - Bible in Tzotzil de Chenalhó with Deuterocanon

²³ Li Muc'ul Diose la sc'opan li Moisese, jech laj yalbe:

Bible in Tzotzil de Chamula

²³ Ti Diose xi laj yalbe ti Moisés ti c'alal laj sc'opon talele:

Levítico 23:23 Iomraidhean Croise

Levítico 23:22

“C'alal tsta yorail chatuch' atrigoique, mu me solel xquechetuc xatuch'ic scotol, xchi'uc mu xa me xbat acha'q'uelic ti butic chcome. Te ac'o comuc ta sventa me'onetic xchi'uc yanlumetic. Jech chcal; vu'un li Muc'ul Diosun avu'unique”, xi li Muc'ul Diose.

Levítico 23:24

“Jech xavalbe ya'yic scotol li achi'iltac ta israelale: Ta sba c'ac'al li svucubal ue chabiic jun c'ac'al sventa chacux avo'ntonic, xchi'uc pasic jun ch'ul tsobajel sventa chavich'icun ta muc', xchi'uc jupano avoq'uesic sventa chana'icun.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 29:1

“Li sba c'ac'al ta svucubal ue, pasic jun ch'ul tsobajel ta jventa. Li jun c'ac'al le'e me junuc mu me boch'o spas jchopuc abtel avu'unic. Ja' yorail chajupanic li oq'uesetique.