Levítico 23:2 - Bible in Tzotzil de Chenalhó with Deuterocanon

² “Jech xavalbe scotol li achi'iltac ta israelale: Li otoletic xchi'uc li c'ac'aletic ti voc'bil chcom o ta jventa, ja' li ch'ul tsobajeletic sbi chcom avu'unique, ja' li'i:

Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: Ti tsots sc'oplal yorailtac ti ta xich' pasel ta sventa ti Diose, ja' jech s'elan ti ta xavac'be sbiin ch'ul tsobleje:

Levítico 23:2 Iomraidhean Croise

2 Reyes 10:20

Jech te lic yal mantal ti ac'o spasic junuc muc'ta q'uin ta sventa li Baale, jech la spasic.

1 Crónicas 23:31

Xchi'uc ja' chchic'beic smoton Muc'ul Dios ta sc'ac'alil chcux yo'ntonic, ta yorail unin u, xchi'uc ta jujun muc'tic q'uinetic. Ti c'u yepal tsacajtic sbiique ja' te chtunic o ta stojol Muc'ul Dios scotol c'ac'al.

2 Crónicas 2:3

Li Salomone jech laj yalbe batel li ajvalil Hiram te ta Tiroe: “C'uxubinun ec jech chac c'u cha'al laj apasbe li jtot Davide, yu'un laj atacbe tal ep ch'ut te'etic ti c'alal la sva'an li na bu chnaquie.

2 Crónicas 30:5

jech la xchapanic ti ac'o batuc mantal ta scotol li israeletique. Te la sliquesic ta Beerseba c'alal to ta Dan, yu'un ac'o tal spasic q'uin Coltael yu'un Muc'ul Dios scotolic te ta lum Jerusalén. Yu'un ep xa jabil mu'yuc bu spasojic o jech chac c'u cha'al ts'ibabil ono'ox ti tsc'an ac'o spasilanique.

Esdras 3:5

La xchiq'uic li matanaletic ti tsc'an ono'ox chiq'uel ta jujun c'ac'ale, xchi'uc ta yorail unin ue, xchi'uc ta jujun muc'tic q'uinetic sventa Muc'ul Diose; xchi'uc laj yaq'uic yantic smoton Muc'ul Dios ta yutsil yo'ntonic.

Salmos 81:3

Jupano avoq'uesic ti c'alal mucul ue, xchi'uc ti c'alal sepet ue, yu'un ja' sc'ac'alil li q'uin cu'untique.

Éxodo 32:5

C'alal laj yil jech li Aarone, lic spasbe jun scajleb smoton li sloc'obal ch'ium tot vacaxe. Tsots i'avan, jech laj yal: —Oc'ome ta jpastic jun q'uin ta sventa li Muc'ul Diose —xi.

Isaías 33:20

Q'uelavil li Sione, ja' li lum ti bu ono'ox ta jpastic q'uinetic cu'untique. Ac'o batel asat te ta lum Jerusalene, ja' li lum ti jun co'ntontic tee, ja' jun lum ti mu xa stac' jinesele, ti mu stac' bulbel jbejuc ste'eltaque, ti mu stac' tuch'bel jbejuc yaq'uile.

Lamentaciones 1:4

Xch'ijan icom ta jyalel li sbelal Sione, yu'un mu'yuc xa boch'o chtal ta q'uel q'uin. Ta ti'coraltonetique mu xa junuc boch'o chjelov te; li paleetique xvicte-victeic ta oq'uel; li tsebetique toj abul sbaic ta at-o'nton; li lum Jerusalene toj ven tsots svocol cha'ay.

Ezequiel 44:24

C'alal me oy c'ope, ja' yabtel ac'o xchapanic jech chac c'u cha'al chal li mantaletic cu'une. Ac'o spasic scotol li mantaletic caloj ta sventa li q'uinetic chich' pasel ta jventae, xchi'uc ac'o ja'uc ch'ul c'ac'al cha'yic li sc'ac'alil cuxub o'ntonal cu'une.

Oseas 2:11

Ta jlajesbe sc'oplal o li xcuxetel yo'ntone, li q'uinetic yu'une, li q'uin c'alal ch-uninaj ue, xchi'uc li sc'ac'alil chcux yo'ntone, xchi'uc scotol li muc'tic q'uinetic yu'une.

Joel 1:14

Ictaic ixim, tijo aba acotolic ta muc'ta tsobajel te ta xch'ulna li Muc'ul Diose. Ac'o stsob sba scotol li moletique xchi'uc scotol li jnaclumetic ta avosilalique. C'anbeic vocol li Muc'ul Diose.

Joel 2:15

¡Jupanic oq'ues te ta vits Sión! Tijo abaic ta muc'ta tsobajel acotolic, ictaic ixim.

Levítico 23:1

Li Muc'ul Diose la sc'opan yan velta li Moisese, jech laj yalbe:

Levítico 23:21

“Li jun c'ac'al le'e tsc'an chapasic jun ch'ul tsobajel sventa chavich'icun ta muc'. Mu me boch'o spas jchopuc tsatsal abtel. Li'i ja' jun mantal chcom o ta atojolic c'alal ta avalab anich'nabic ti buyuc no'ox nacaloxuque.

Levítico 23:37

“Ja' jech li sc'ac'alil q'uinetic ti tsots sc'oplal tsc'an chapasic ta jventae, xchi'uc ti tsc'an ja'o te chapasic jun ch'ul tsobajel sventa chavich'icun ta muq'ue, xchi'uc ti tsc'an te chachic'bicun, chamilbicun jmotone. Xchi'uc ja'o tsc'an te chavich'bicun tal jmotonin li ya'lel ats'usubique, ja' ti c'u x'elan tsc'an aq'uel jujun c'ac'al ta jujuchope.

Levítico 23:4

“Li c'usitic ora tsc'an chapasic jun ch'ul tsobajel, o jun q'uin sventa chavich'icun ta muc, ti persa tsc'an chatsob abaic c'alal me la sta sc'ac'alile, ja' li'i:

Levítico 23:44

Li Moisese laj yalbe scotol xchi'iltac c'usitic ora tsc'an tspasic jujun q'uin ta sventa li Muc'ul Diose.

Nahúm 1:15

Q'uelo avilic, le' xa xtal ta vitsetic li boch'o chtal yal lequil a'yeje, li boch'o chtal yal ti ta jta jun co'ntontique. Judá, nicuc no'ox q'uinetic avu'un; paso me li c'usitic avaloj chapase. Mu xa xtal stsacot o ta pleito li chopol cristianoetique, yu'un i'ulic xa o ta j'ech'el.

Números 10:10

C'alal toj xcuxet no'ox avo'ntonique, jupanic oq'ues noxtoc, jech chac c'u cha'al c'alal yorail q'uin avu'unique, xchi'uc c'alal chlic uninajuc li ue, xchi'uc c'alal chachic'bicun jmotone, xchi'uc c'alal chavac'bicun jmoton sventa lec chquiloxuque. Jech chat'abic o ta co'nton acotolic, vu'un li Muc'ul Diosun avu'unique”, x'utat yu'un Muc'ul Dios li Moisese.

Números 29:39

“Ja' jech li jmoton tsc'an chavac'bicun ta jujun q'uin ti laj xa yich' alele. Xchi'uc tsc'an te chavaq'uic o li jmoton sventa chc'ot ta pasel avu'unic li c'usi avalojic ta jtojole xchi'uc li jmoton ti yutsil avo'ntonic chavaq'uique, c'usiuc, me ja' ti chich' chiq'uele, o me ja' li trigoe xchi'uc li c'usitic yan jech chac c'u cha'al trigo xchi'uc ya'lel ts'usube, o me ja' li milbil matanal sventa co'ol co'ntontic oe”, x'utat yu'un Muc'ul Dios li Moisese.

San Juan 5:1

Ts'acal to la sta sc'ac'alil yan q'uin cu'uncutic, vu'uncutic li judiouncutique. Jech ibat ta Jerusalén li Jesuse.

Colosenses 2:1

Ta jc'an chana'ic c'u stsatsal chi'abtej ta aventaic, xchi'uc ta sventa li boch'otic te oyic ta lum Laodiceae xchi'uc ta sventa scotol li boch'otic mu'yuc to yilojbicun jsate.

Colosenses 2:16

Ja' yu'un mu me xatuc'ulanic me oy boch'o oy c'usi chayalboxuc ta sventa li ve'liletique, ta sventa li c'usitic chcuch'tique, ta sventa li sc'ac'alil q'uinetique, ta sventa li sepet ue, xchi'uc ta sventa li cuxub o'ntonale.