Levítico 23:1 - Bible in Tzotzil de Chenalhó with Deuterocanon

¹ Li Muc'ul Diose la sc'opan yan velta li Moisese, jech laj yalbe:

Bible in Tzotzil de Chamula

¹ Ti Diose xi laj yalbe ti Moisés ti c'alal laj sc'opon talele:

Levítico 23:1 Iomraidhean Croise

1 Crónicas 23:31

Xchi'uc ja' chchic'beic smoton Muc'ul Dios ta sc'ac'alil chcux yo'ntonic, ta yorail unin u, xchi'uc ta jujun muc'tic q'uinetic. Ti c'u yepal tsacajtic sbiique ja' te chtunic o ta stojol Muc'ul Dios scotol c'ac'al.

2 Crónicas 2:4

Yu'un li vu'une ja' ta jva'anbe xch'ulna li Muc'ul Dios cu'une. Ja' ch'ulna chcom o yu'un. Jech te ta jchic'becutic pom ta stojol, te ta jcholancutic o li pan ta stojole, xchi'uc ja' te ta jchic'becutic li smoton ta jujun sob, ta jujun mal c'ac'al, ta yorail ta jcux co'ntoncutic, ta yorail unin u, xchi'uc ta yorail muc'tic q'uinetic ta sventa Muc'ul Dios te ta Jerusalene, yu'un jech tsc'an ta jpascutic o vu'uncutic li israeluncutique.

2 Crónicas 8:13

Ja' jech c'ac'al laj yac' ti c'usi ora yaloj comel li Moisese. Ja' ta sc'ac'alil cuxub o'ntonal, xchi'uc ta sq'uinal ch-uninaj u,, xchi'uc ta yorail oxcoj muc'tic q'uinetic ta jun jabil: ja' ti c'alal tsve'ic pan mu'yuc yich'oj svolesubile, xchi'uc c'alal tspasic li q'uin yu'un Xemunaetique, xchi'uc li q'uin sventa ch-ochic ta yaxnaetique.

Isaías 1:13

Mu xa xavich'bicun tal yan matanal; i'ech' xa co'nton yu'un li xch'ayilal apomique. Mu xa sts'ic cu'un ti chatsobic tal scotol achi'iltaquic yu'un chapasic q'uin sventa ach' u, xchi'uc sventa chatsob abaic ta sc'ac'alil chacux avo'ntonique; mu'yuc stu chquil li q'uin chapasique yu'un toj chopoloxuc.

Ezequiel 44:24

C'alal me oy c'ope, ja' yabtel ac'o xchapanic jech chac c'u cha'al chal li mantaletic cu'une. Ac'o spasic scotol li mantaletic caloj ta sventa li q'uinetic chich' pasel ta jventae, xchi'uc ac'o ja'uc ch'ul c'ac'al cha'yic li sc'ac'alil cuxub o'ntonal cu'une.

Ezequiel 45:17

Yu'un ja' tsventain yaq'uel li matanal ti chich' chiq'uel scotlijile, xchi'uc li milbil matanale, xchi'uc li yantic matanal sventa q'uinetique, xchi'uc ti c'alal ch-uninaj ue, xchi'uc ti c'alal ja' sc'ac'alil cuxub o'ntonale, xchi'uc ta sventa scotol li q'uinetic chich' pasel ta Israele. Ja' tsventain yaq'uel noxtoc li milbil matanal ta sventa mulile, xchi'uc li yantic matanal jech chac c'u cha'al trigoe, xchi'uc li milbil matanaletic ta sventa co'ol co'ntontique yu'un jech xu' ta jch'aybe smulic scotol li achi'iltaquique.

Ezequiel 46:11

Ta jujun q'uin ti c'alal tsoboloxuc acotolique, ac'o yac' jtob (20) anmul trigo ta jujucot ch'ium tot vacax, xchi'uc jtob (20) anmul ta sventa li jujucot tot chije. Yan ta sventa li jujucot ch'ium chije, ac'o yac' ti c'u yepal tsnop chaq'ue. Li jtob (20) anmul trigoe tsc'an chac'be o'lol xchanibal litro yaceiteal noxtoc.

Levítico 22:33

Xchi'uc vu'un la jloq'uesoxuc tal ta Egipto jech vu'un Diosun chic'ot o avu'unic”, xi li Muc'ul Diose.

Levítico 23:2

“Jech xavalbe scotol li achi'iltac ta israelale: Li otoletic xchi'uc li c'ac'aletic ti voc'bil chcom o ta jventa, ja' li ch'ul tsobajeletic sbi chcom avu'unique, ja' li'i:

Levítico 23:44

Li Moisese laj yalbe scotol xchi'iltac c'usitic ora tsc'an tspasic jujun q'uin ta sventa li Muc'ul Diose.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Gálatas 4:10

Yu'un ca'yoj ti oy xa c'usi chachabibeic sc'ac'aliltac, yualtac, yorailtac, xchi'uc sjabilaltaque.

Colosenses 2:16

Ja' yu'un mu me xatuc'ulanic me oy boch'o oy c'usi chayalboxuc ta sventa li ve'liletique, ta sventa li c'usitic chcuch'tique, ta sventa li sc'ac'alil q'uinetique, ta sventa li sepet ue, xchi'uc ta sventa li cuxub o'ntonale.