Levítico 22:8 - Bible in Tzotzil de Chenalhó with Deuterocanon

⁸ Me oy c'usi jech no'ox chcham stuque xchi'uc me scomelal xa ta ti'el yu'un jti'vanej bolome, mu xu' ta sti'ic yu'un jech mu soques sbaic ta sventa. Jech chcal vu'un li Muc'ul Diosune.

Bible in Tzotzil de Chamula

⁸ Mu xu' ta sti'be sbec'tal jun chamem chon bolom, mi ja' ti lilinbil ta ti'el yu'un jun te'tical jti'oval chone yo' jech mu soques sba xchi'uc. Yu'un vu'un ti Ajvalilune.

Levítico 22:8 Iomraidhean Croise

Éxodo 22:30

Ac'bicun noxtoc li sba yol avacaxic achijique. Te to ac'o xchi'in vucubuc c'ac'al li sme'ique; ta xvaxquibal c'ac'al svoq'uel xu' xa chavac'bicun ta jtojol.

Éxodo 22:31

“Li vo'oxuque tsc'an ch'ul vinic chapas abaic ta jtojol. “Mu me xati'beic scomelal sbec'tal ats'unub avovolic ti lajem xa ta ti'el yu'un jti'val chonbolometique; ac'beic sti' ts'i'etic.

Ezequiel 4:14

Jech la jtac'be: “Ay, Cajval Muc'ul Dios, li vu'une mu'yuc baq'uin jsoquesoj jba. Ta jbic'tal ono'ox mu baq'uin jti' c'usi chamen, xchi'uc c'usi milbil ta chonbolom. Mu'yuc baq'uin jtic' ta que li c'usi mu stac' ti'ele”, xcut.

Ezequiel 44:31

Li paleetique mu xu' tsti'ic li c'usi chamene xchi'uc li c'usi milbil ta chonbolome, ac'o me mutetic, o me chonbolometic.

Levítico 17:15

“Boch'ouc no'ox, me achi'iltac ta israelal, o me yanlum tsti' li c'usi jech no'ox icham stuque, o me scomelal ta ti'el yu'un jti'vanej bolome, ac'o xchuc' lec sc'u'; ac'o atinuc lec, pero chopol chcom o c'alal to ch-och ac'ubal. Ts'acal lec chcom yan velta.

Levítico 7:24

Li xepual ats'unub avovolic ti jech no'ox chcham stuque, o me scomelal ta ti'el yu'un jti'vanej bolome, nopic xa no'ox c'u x'elan xu' chatunesic. Mu me xati'ic.

Deuteronomio 14:21

“Me oy bu jech no'ox chcham stuc li chonbolometique, mu me xati'ic, yu'un vo'oxuc jun ta lum ti voc'biloxuc yu'un li Muc'ul Dios cu'untique. Yan li boch'otic te co'ol nacaloxuc achi'uquic ti yan slumalique, xu' chavac'beic sti', xchi'uc xu' chachonbeic batel li boch'otic te chjelovique. “Mu me xapanic ta ya'lel xchu' sme' li biq'uit tentsune.