Levítico 22:4 - Bible in Tzotzil de Chenalhó with Deuterocanon

⁴ “Me oy junuc smomnich'nab Aarón ip cha'ay c'a'el chamel, o me oy c'usi chloc' ta sbec'tale, mu xu' tsti' li ch'ul matanaletique; ja' to xu' tsti' me laj yich' lecubtasele. “Me oy boch'o ta spic li c'usi soquem ta scoj junuc animae, o me ta spic jun vinic ti oy c'usi tsjelubtase,

Bible in Tzotzil de Chamula

⁴ “Mi junuc snitilultac ti Aarón mi ip ta xa'i ta c'a'emale, mi snuptanoj vocol ti xmalmun ti c'usi xjelav ta yichone, mi ja'uc xu' ta sve' ti c'usi c'otem ta yu'un ti Diose ja' to ti mi laj yich' poquel tusele. “Ti buch'u ta spic ti c'usi ta soquesvan ta scoj ti chamem xae, mi ta spic jun vinic ti oy svocol yu'un ti c'usi xjelav yu'une,

Levítico 22:4 Iomraidhean Croise

Levítico 11:39

“Me oy chcham jcotuc chonbolometic ti stac' ti'ele, me oy boch'o la spique, chopol chcom noxtoc c'alal to ch-och ac'ubal.

Levítico 15:17

“Me oy jlicuc c'u'il, o me nucul ti chatin c'usi la sjelubtas li vinique, ac'o yich' chuq'uel lec ta vo', pero chopol chcom c'alal to ch-och ac'ubal.

Levítico 2:10

Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' ac'o yich'ic li Aarón xchi'uc xnich'nabtaque.

Levítico 2:3

Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' yu'un li Aarón xchi'uc xnich'nabtaque.

Levítico 21:1

Li Muc'ul Diose jech laj yalbe li Moisese: “Albo li paleetic, xnich'nabtac Aarone, mu me xbat scap sbaic ta sq'uelel me oy chcham junuc yuts' yalale yu'un ta soques sbaic me jech tspasique.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Hageo 2:13

Jech la sjac' noxtoc li Hageoe: —Me oy jun boch'o soquem ta scoj ti la spic jun animae, me chbat spic li ve'liletic le'e, ¿me soquem chcom o li ve'liletique? —xut. —Soquem chcom o —xiic li paleetique.

Números 18:19

Scotol li c'usi chiyac'bicun achi'iltac sventa tstoj o spatanique, ja' vo'ot chacac'bot achi'uc li aquerem atsebetic ti te co'ol nacalot achi'uque. Ja' jech jmantal ta xcom o. Ja' jun c'usi chapal chcom o cu'un ta atojol xchi'uc ta stojol li amomnich'nabtaque. Mu'yuc boch'o xu' ta sjel o”, x'utat yu'un Muc'ul Dios li Aarone.

Números 18:9

Li jmoton chiyac'bicun ti chic'bil tsc'ane, ja' xa avu'unic scotol ti bu mu'yuc chich' chiq'uele. Ja' li arinaetique, xchi'uc li matanal chiyac'bicun sventa mulile, xchi'uc li jmoton chiyac'bicun ta sventa c'unil muliletic tstaique. Scotol li matanaletic ti ac'bilun xa ta jtojole, ja' avu'unic o xchi'uc li anich'nabe.

Números 19:20

Me oy boch'o soquem ti mu xac' sba ta lecubtasele, ac'o loc'uc ta atojolic yu'un tsocbe sc'oplal li ch'ulna yu'un Muc'ul Diose, yu'un muc xac' sba o ta vijel ta vo' ti ja' sventa lecubtasele. Jech mu'yuc lecuben chcom o.