Levítico 22:25 - Bible in Tzotzil de Chenalhó with Deuterocanon

²⁵ Jech noxtoc mu me xatsaquic me ja' jech x'elan chtal yac'boxuc ve'lil chtun te ta ch'ulna avu'unic li yanlumetique yu'un mu'yuc lequic, jech mu'yuc ta jtsac”, xi li Muc'ul Diose.

Bible in Tzotzil de Chamula

²⁵ Ja' jech xtoc mu xu' xach'ambeic ta yich'bel jech s'elan chon bolometic yu'unic ti jyanlumetic ti ta xich' ac'bel ti Dios avu'unic ti xu' ta xtun ta ve'lile. Yu'un ja' jun chon bolom ti oy xchopolile, mi ja'uc tsacbil ta xc'ot.”

Levítico 22:25 Iomraidhean Croise

Ezequiel 44:7

Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Levítico 22:26

Li Muc'ul Diose la sc'opan noxtoc li Moisese, jech laj yalbe:

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Efesios 2:12

Mu'yucoxuc to'ox ta stojol li Cristoe, voc'oloxuc to'ox ta stojol li slumal Israele. Me jutuc mu'yuc ta aventaic li c'usi chapal yu'un Diose xchi'uc li c'usi yaloj chaq'ue. Ja' yu'un me jutuc mu'yuc spatubil avo'ntonic, mu'yuc Dios avu'unic li' ta banamil.

1 Juan 5:18

Li boch'otic stotinojic xa li Diose, ta jna'tic ti mu xa teuc tsa'ilan o smulique. Yu'un li Xnich'on Diose chchabi li xnich'nabe, jech mu xpicatic yu'un li pucuje.