Levítico 22:23 - Bible in Tzotzil de Chenalhó with Deuterocanon

²³ Li jmoton ti ta yutsil yo'nton chaq'uique, xu' chiq'uic tal jcotuc tot vacax, o tot chij ti bu mu co'oluc snatiquil yoc sc'obe. Pero me ja' jech chich'ic tal ta sventa tsts'aqui yu'unic spasel c'usi yalojic ta jtojole, mu'yuc ta jtsacbeic.

Bible in Tzotzil de Chamula

²³ Yan mi ja' ti matanal ta xich' aq'uel ta sventa ti loq'uem ayanem ta o'ntonale, xu' jcotuc tot vacax, mi jcotuc tot chij, ac'o mi mu co'oluc snatiquil ti yacane. Yan mi ja' sventail ti oy c'usi albil sc'oplal ti ta xich' aq'uele, mu'yuc tsacbil ta xc'ot.

Levítico 22:23 Iomraidhean Croise

Éxodo 35:29

Scotol li israel viniquetic xchi'uc li antsetic ti tsots sc'oplal laj ya'yic chaq'uic ta yutsil yo'ntonic li c'usitic chtun sventa li abtel jech chac c'u cha'al i'albat yu'un Muc'ul Dios li Moisese laj yich'ic tal ta stojol Dios scotol li c'usitic iloc' ta yo'ntonic chaq'uic tunuc yu'un Muc'ul Diose.

Levítico 21:18

Me junuc mu me xnopaj tal ti me mu'yuc leque: me ma'sat, me coxo, me mu'yuc lec xchiquin, o me sni',

Levítico 22:22

Mu me ja'uc xaq'uic li ma'sate, ti tuch'ultic sbae, ti mu'yuc lec yoc sc'obe, ti oy xch'ocale, ti oy ch'inin ta sbec'tale, ti oy xchamel snuculilique. Xchi'uc mu me xaq'uic sventa chich' chiq'uel te ta scajleb jmoton; vu'un li Muc'ul Diosune.

Levítico 22:24

Jech noxtoc mu xu' chich'bicun tal jmotonin sts'unub yovolic me tuch'emic, o me t'usem sbec' sc'unilic, o me pasbilic ta capone. Le'e mu me jechuc xapasic te ta avosilalic.

Malaquías 1:8

Xchi'uc ja' chavac'bicun jmotonin ti bu ma'sate. ¿Me mu chopoluc le'e? Jech noxtoc ja' chavac'bicun jmotonin li coxoe, xchi'uc ti bu oy xchamele. ¿Me mu chopoluc le'e? Bat ac'beic quic smotonin li banquilal avu'unique, jq'ueltiquic me toj lec chil, me xcuxet xa yo'nton chastsacboxuc”, xi li Muc'ul Dios ti tspas ta mantal scotol te ta vinajele.

Deuteronomio 15:21

Yan me mu'yuc leque me coxo, me tuben sat, o me oy c'usi yan ip cha'ye, mu me xavac'beic smotonin li Muc'ul Diose.

Deuteronomio 17:1

“Mu me xamilbeic smotonin Muc'ul Dios cu'untic, achijic o me avacaxic ti oy xchamele, ti mu'yuc leque, yu'un le'e toj chopol chil li Diose.