Levítico 22:21 - Bible in Tzotzil de Chenalhó with Deuterocanon

²¹ “Jech noxtoc me oy boch'o chtal yaq'uic jmoton sventa lec chquilique, o me sventa its'aqui xa yu'un li c'usi yaloj tspasique, o me ja' li jmoton ti yutsil no'ox yo'nton chaq'uique, ja' no'ox ac'o yiq'uic tal vacax, o me chij ti ven leque yu'un jech ta jtsacbeic.

Bible in Tzotzil de Chamula

²¹ “Buch'uuc no'ox ti oy c'usi ta xac'be yich' ti Diose, mi ja' junuc ti ta xich' svocol ta sventa ti lajesobil o'ntonale, mi ja' ta sventa ti oy c'usi yaloj ta xaq'ue, mi matanal ti loc' ayan ta yo'ntone, ac'o yac' jcotuc tot vacax. Mi mo'oje, ac'o yac' jcotuc tot chij ti mu'yuc jutebuc ti xchopolile yo' jech tsacbil ich'bil ta xc'ot.

Levítico 22:21 Iomraidhean Croise

Génesis 28:20

Li Jacobe jech laj yal ta jamal: “Me chixchi'inun, me chixchabiun ti bu chibate, me chiyac'bun jc'u' jpoc' xchi'uc jve'el li Diose,

Salmos 50:14

Li jmoton chavac'bicune ja' no'ox sventa chatojbicun ta vocol; ja' sventa ac'o c'otuc ta pasel avu'unic li c'usi avaloj chapasic ta jtojole.

Éxodo 35:29

Scotol li israel viniquetic xchi'uc li antsetic ti tsots sc'oplal laj ya'yic chaq'uic ta yutsil yo'ntonic li c'usitic chtun sventa li abtel jech chac c'u cha'al i'albat yu'un Muc'ul Dios li Moisese laj yich'ic tal ta stojol Dios scotol li c'usitic iloc' ta yo'ntonic chaq'uic tunuc yu'un Muc'ul Diose.

Proverbios 7:14

“Vu'une, cac'oj milbil matanal ta sventa lec chiyilun Dios; li' ta orae ic'ot xa ta pasel cu'un li c'usi caloj ta stojol Diose.

Levítico 22:22

Mu me ja'uc xaq'uic li ma'sate, ti tuch'ultic sbae, ti mu'yuc lec yoc sc'obe, ti oy xch'ocale, ti oy ch'inin ta sbec'tale, ti oy xchamel snuculilique. Xchi'uc mu me xaq'uic sventa chich' chiq'uel te ta scajleb jmoton; vu'un li Muc'ul Diosune.

Levítico 3:1

“C'alal chamilbicun jmoton sventa chanopajic ta jtojole, xu' chavaq'uic avacaxic, me stot, me sme', pero tsc'an ja' chavac'bicun, ti bu ven leque.

Levítico 3:6

“Pero me ja' xchij chiyac'bun jmotonin sventa xu' chnopaj ta jtojole, ja' ac'o yac'bun ti bu ven leque, ac'o me stot, o me sme'.

Números 15:3

C'alal chavac'bicun jmotonin jcot tot vacax, o me jcot chij sventa chachiq'uic yu'un chavich'icun ta muq'ue, ac'beic xchi'ilin batel chibuc kilo lequil arina vots'bil o ta jun litro aceite. Ja' jech tsc'an chapasic jech chac c'u cha'al c'alal chavac'bicun milbil matanal, o me ja' ti chich' chiq'uel scotlijil ti lec mu yiq'ue. C'usiuc no'ox matanalil, me ja' sventa ti its'aqui xa avu'unic li c'usi avalojic ta jtojol chapasique, o me ja' sventa li matanal ti ta yutsil no'ox avo'nton chavaq'uique, persa chavac'beic batel xchi'il.

Números 15:8

Yan me ja' sventa jcot vacax chich' milele, me chic'bil scotlijil tsc'an, o me ja' milbil matanal sventa lec chaquiloxuque, o me ja' sventa ti its'aqui xa li c'usi avalojic ta jtojol chapasique,