Levítico 22:2 - Bible in Tzotzil de Chenalhó with Deuterocanon

² “Albo ya'ay Aarón xchi'uc xnich'nab ti ac'o sq'uel sbaic lec ta sventa li ch'ul matanaletic chaq'uic achi'iltaquic ti svoc'ojbicun xa oe, yu'un jech mu soquesic sc'oplal jch'ulbi vu'un li Muc'ul Diosune.

Bible in Tzotzil de Chamula

² “Albo ya'i ti Aarone xchi'uc ti snitilultaque, sc'an bijicuc xchi'uc ti c'usi ta xch'aquic loq'uel ti ta xac'beicun ti israeletique yo' jech mu soquesbeicun ti jc'oplale. Yu'un vu'un ti Ajvalilune.

Levítico 22:2 Iomraidhean Croise

Esdras 8:28

Jech laj calbeic: “Li vo'oxuque ts'u'iltasbiloxuc yu'un Muc'ul Dios jech chac c'u cha'al ts'u'iltasbil li c'usitic chtun ta ch'ulnae. Li saquil taq'uin xchi'uc c'anal taq'uine ja' smoton li Muc'ul Diose, ja' li Dios yu'un jmoltotactique.

Éxodo 13:12

ja' tsc'an chavac'beic o li sba aqueremique xchi'uc li sba yol ats'unub avovolic ti me stote, yu'un ja' yu'un li Muc'ul Diose.

Éxodo 28:38

Jech te nabal o scotol c'ac'al ta sti'ba Aarón li pech'pech' taq'uine. Yu'un li Aarone ja' chcuch c'alal me oy c'usi mu'yuc lec tspasic israeletic c'alal tsvoc'bicun loq'uel li ch'ul matanaletic chaq'uique. Pero li pech'pech' taq'uin te nabal o ta sti'bae ja' sventa c'u cha'al xu' ta xquich'beic li ch'ul matanaletic chaq'uique.

Isaías 52:11

¡Voc'o abaic loq'uel, voc'o abaic loq'uel; mu me xapiquic li c'usi toj chopole; loc'anic xa batel te ta Babilonia! Ac'o me sq'uel stuc'ulan sbaic lec li boch'otic chich'ic batel c'usitic chtun yu'un Muc'ul Dios te ta ch'ulnae.

Ezequiel 44:8

Yu'un muc xapasic li c'usitic tsc'an pasel ta sventa li c'usitic ts'u'iltasbil cu'une. Ja' laj avac'beic sventainic li yanlum cristianoetique’, uto.

Levítico 15:31

Ja' jech tsc'an chapasic yu'un jech chavoq'uic ta sventa yi'lalic li achi'iltaque, xchi'uc jech mu xchi'ucuc yi'lalic chtalic ta ch'ulna pasbil ta nucul yo' bu chajchi'inoxuque, jech mu xchamic cu'un”, xi li Muc'ul Diose.

Levítico 18:21

“Mu xachic' anich'onic ta smoton dios Moloc, yu'un ta soc o jc'oplal avu'unic, vu'un li Muc'ul Diosune.

Levítico 19:12

“Mu me xat'abic jbi ta sventa li c'usi chavalique, yu'un xu' jech chasoquesbicun o jc'oplal, vu'un li Muc'ul Diosune.

Levítico 20:3

Li vu'une ta jcontrain li boch'o jech tspase; ta xcules te ta atojolic yu'un tsoques li ch'ulna cu'une, xchi'uc tsoquesbe sc'oplal jch'ulbi ta sventa ti chac'be smotonin Moloc li xnich'one.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 22:1

Li Muc'ul Diose la sc'opan yan velta li Moisese, jech laj yalbe:

Levítico 22:32

“Mu me xasoquesbeic sc'oplal li jch'ulbie, yu'un jech chvinaj ti ch'ul Diosun o te ta atojolic, vo'oxuc li israeloxuque. Vu'un Muc'ul Diosun ti voc'biloxuc o cu'une.

Números 18:32

Me laj xa aloq'uesic ti bu mero lequic ta sventa jmotone, xu' xa chave'ic ti c'u yepal chcome. Mu xata amulic o. Me jech chapasique, mu xabolibtasic li jmoton ti yac'ojbicun ta jtojol li achi'iltaquique, xchi'uc jech mu xataic o milel cu'un’, uto”, xi li Muc'ul Diose.

Deuteronomio 15:19

“Scotol li sba yol avacaxic achijique, me stote voq'uic ta sventa smoton li Muc'ul Dios cu'untique. “Mu me xavaq'uic abtejuc li sba yol avacaxique. Mu me xaloc'beic stsotsil li sba yol achijique.