Levítico 22:10 - Bible in Tzotzil de Chenalhó with Deuterocanon

¹⁰ “Mu'yuc boch'o yan xu' tsti' li c'usi ts'u'iltasbil cu'une. “Me jvayna yu'un li palee, o me svinic ta abtel, mu xu' tsti' li c'usi ts'u'iltasbil cu'une.

Bible in Tzotzil de Chamula

¹⁰ “Mu xu' sve'ic ti c'usi ts'uiltasbil ti mi ma'uc yich'oj yabtel ta paleale. “Mi ja'uc yulo'tac ti palee, mi ja'uc ti yaj'abteltaque ti xu' ta sve'ic ti c'usi ts'uiltasbile.

Levítico 22:10 Iomraidhean Croise

Esdras 2:63

Li ajvalil yu'unique laj yal mantal ti mu xu' tsve'ic li ch'ul matanale, ja' to me oy junuc pale tsjac' ta Urim xchi'uc ta Tumime.,

Éxodo 12:43

Li Moisés xchi'uc Aarone jech i'albatic yu'un li Muc'ul Diose: “Li'i ja' mantal ta sventa li q'uin Coltaele: Me junuc yanlum cristiano mu xu' tsti' li jmoton chich' milele.

Éxodo 12:45

Li yanlum cristianoetic ti j'ech'elbeic no'oxe, o me te talemic ta sa' abtele, me junuc mu xu' tsti'ic li chije.

Éxodo 29:33

Ti jech tsti'ique, yu'un ja' ac'bil ta sventa chch'aybat smulic ti c'alal chich'ic ts'u'iltasel c'alal chich' yabtelic ta sventa paleale. Pero mu boch'ouc no'ox xu' tsti' yu'un ja' ch'ul matanal.

Ezequiel 44:8

Yu'un muc xapasic li c'usitic tsc'an pasel ta sventa li c'usitic ts'u'iltasbil cu'une. Ja' laj avac'beic sventainic li yanlum cristianoetique’, uto.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 22:13

Yan me ja' me'on ants, o ictabil yu'un smalal ti mu'yuc yalab, ti co'ol chac c'u cha'al stsebal tsut batel ta sna stote, xu' tsti'be sve'el li stote. Ja' no'ox mu xu' tsti' li boch'o yan bu liquem tale.

Números 3:10

Xchi'uc ja' me xavac'be o comel ta sventa Aarón xchi'uc smomnich'nab li abtel sventa paleale. Me oy boch'o chlic scuy sba ta paleal ti c'alal mu ja'uque, ac'o yich' milel”, x'utat yu'un Muc'ul Dios li Moisese.

San Mateo 12:4

Te i'och ta sna li Diose, ja' la sve'ic li pan te oy ta ba mexa ta stojol Diose. Ac'o me yaloj Dios ti ja' no'ox xu' tsve'ic li paleetique, pero la sve'ic xchi'uc xchi'iltac li Davide.

1 Samuel 21:6

Ja' yu'un li palee ja' laj yac'be li pan ac'bil o ta stojol Muc'ul Diose yu'un mu'yuc yan pan xu' chac'be. Jech la sloq'uesic li pan te ta stojol Muc'ul Diose, yu'un jech xu' chaq'uic yan c'ac'al pan c'alal chich' loq'uesel ti bu te ono'ox oye.

1 Samuel 21:7

C'alal jech ic'ot ta pasele, ja'o te oy ta ch'ulna jun yaj'abtel li Saule, Doeg sbi; ja' edom vinic. Ja' banquilal yu'un li jchabichijetic yu'un Saule.