Levítico 21:9 - Bible in Tzotzil de Chenalhó with Deuterocanon

⁹ “Me oy stseb jun pale ti chlic mulivajuc jech chac c'u cha'al jun jmulavil antse, cuxul ac'o yich' chiq'uel ta c'oc' yu'un laj xa soquesbe sc'oplal li stote.

Bible in Tzotzil de Chamula

⁹ “Mi ta xbat ta yoc ta soques sba yantsil nich'on ti palee, ti ta sbolomalin sba yo' ta xac' sbae, ta scus ta yic'obal ti stote. Tsots sc'oplal ti cuxul ac'o yich' chiq'uele.

Levítico 21:9 Iomraidhean Croise

Génesis 38:24

I'ech' xa'ox van oxibuc u, jech ital albatuc li Judae: —Li avalibe, ja' li Tamare, oy xa xch'ut yu'un la xchi'in sbaic xchi'uc yan viniquetic —x'utat. Li Judae tsots i'avan: —¡Bat jochic loq'uel, chiq'uic ta c'oc'! —xi.

Éxodo 31:14

Ja' tsc'an chavich'ic ta muc' li sc'ac'alil chacux avo'ntonique yu'un ja' jun c'ac'al ti ts'u'iltasbil ta aventaique. Li boch'o mu xich' ta muq'ue, ac'o yich' milel. Xchi'uc li boch'o ta spas jchopuc abtel li jun c'ac'al le'e, ac'o yich' loq'uesel ta atojolic.

Isaías 33:14

Li jpasmuliletic te ta Sione ta xniquic; li boch'otic chopolique ep xi'el cha'yic, jech chalic: “¿Boch'o xu' yu'un chnaqui te ta c'oc' ti chijc'ac' yu'une? ¿Boch'o xcuch yu'un li natiquil yat c'oc' sbatel osile?”, xiic.

Ezequiel 9:6

Milic li moletique, li queremetique, li tsebetique, li ololetique, xchi'uc li antsetique; me junuc mu me xacomtsanic. Te xaliquesic ta jch'ulna. Yan li boch'otic yich'ojbeic senyaile mu me xavac' ac'obic ta stojol”, xut. Jech la sliques yabtelic ta stojol li moletic te oyic ta ch'ulnae.

Levítico 19:29

“Mu me xavaq'uic pasuc ta jmulavil ants li atsebique yu'un chabolibtasic. Mu me xavaq'uic socuc li alumalique; mu me xanojesic mulil.

Levítico 20:14

“Li boch'o ta xic' jun tseb xchi'uc sme'e, toj chopol li c'usi tspasique; cuxul ac'o yich'ic chiq'uel yoxibalic, yu'un jech mu x'epaj te ta atojolic li c'usi toj chopole.

Malaquías 2:3

“A'yo ava'yic, ta xcac'boxuc atojic xchi'uc li amomnich'nabique. Ta jipboxuc ta asatic li stso' xchi'uc li scomelal jmoton chavac'bicun ta q'uine; co'ol chajipoxuc loq'uel achi'uquic.

Deuteronomio 22:21

ac'o sloq'uesic ta sna li stote. Li viniquetic te ta lume ac'o smilic ta ton li tsebe yu'un toj chopol c'usi la spas te ta atojolic vo'oxuc li israeloxuque, xchi'uc muc xich' ta muc' li stot sme' te ta snae. Te no'ox sq'uelojbe sat. Me jech chapasique, mu x'epaj o boch'otic jech tspas te ta atojolic.

SUN TITO 1:6

Li boch'o ta x'och ta jcholc'ope tsc'an lec sc'oplal. Tsc'an jun no'ox yajnil, tsc'an xch'unojic xchi'uc yalab xnich'nab, yu'un xu' chtic'bat smulic me c'usiuc no'ox spasique, me jbajmantaletique.

Josué 7:15

Li boch'o yich'oj li c'usi albil xa sc'oplal cu'un chich' ulesel oe, ac'o yich' chiq'uel xchi'uc yalab xnich'nab, xchi'uc scotol c'usitic oy yu'un, yu'un muc xch'un li c'usi chapanbil cu'une, xchi'uc ja' la spas te ta atojolic li c'usi mu stac' chapasic oe —x'utat li Josuee.

Josué 7:25

Li Josuee jech laj yalbe: —¿C'u yu'un laj avac' taluc li vocol ta jtojoltique? Li' ta orae li Muc'ul Diose vo'ot chayac'bot acuch scotol li vocol li' laj avich' tal ta jtojoltique —xut. C'alal laj yal jeche, scotol li israeletique lic smilic ta ton li Acane, xchi'uc yajnil xnich'nab, xchi'uc li c'usitic oy yu'une. Ts'acal la xchiq'uic ta c'oc'.

1 Samuel 2:17

Ja' yu'un li queremetic le'e toj tsots smulic ta stojol Muc'ul Dios, yu'un mu xa xich'ic ta muc' li smoton Muc'ul Diose.

1 Samuel 2:34

Ja' senyail ta aventa chcom li chib anich'nab Ofni xchi'uc Finees ti ta persa chc'ot ta pasele, yu'un xchibalic chchamic ta jun no'ox c'ac'al.