Levítico 21:8 - Bible in Tzotzil de Chenalhó with Deuterocanon

⁸ Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Bible in Tzotzil de Chamula

⁸ J'ech'el ch'acalicuc o avu'un ta stojol scotol. Yu'un ti stuquique ja' ta sva'an sbaic ta yaq'uel ti pan ta stojol ti Dios avu'une, ti oyuc yutsilal slequilal ta atojole. Yu'un ti vu'une, Ajvalilun, Ch'ul Diosun, vu'un ta xcac' c'otuc ta ch'ul jtunel.

Levítico 21:8 Iomraidhean Croise

Nehemías 13:29

Te la jc'opan Dios: “Dios cu'un, na'o me li boch'o la soques li abtel sventa paleale xchi'uc li c'usi achapanoj ta sventa paleetic xchi'uc levietique”, xichi.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Éxodo 19:14

Li Moisese iyal tal ta vits; vul yalbe xchi'iltac ti ac'o xchapan sbaic, ti ac'o xchuc' lec sc'u'ique.

Éxodo 28:41

“Ja' jech sc'u'ic xavac'be slap li abanquil Aarón xchi'uc xnich'nabe. Ja'o xamalbe aceite ta sjolic, yu'un jech voc'bil chcomic o ta paleal cu'un.

Éxodo 29:1

“C'alal chavoc'bicun ta sventa paleal li Aarón xchi'uc xnich'nabe, tsc'an jech chapasbe chac li'i: Tsaco jcotuc ch'ium tot vacax, xchi'uc cha'cotuc tot chij ti bu ven lequique.

Levítico 19:2

“Jech xavalbe ya'yic scotol li achi'iltac ta israelale: “Tuc'uc me avo'ntonic, yu'un vu'un li Muc'ul Diosun avu'unique tuc' co'nton.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 22:16

Yu'un chac'be sta smulic ta jtojol me chac'be sve'ic li c'usi ts'u'iltasbil cu'une; vu'un Muc'ul Diosun”, xi li Muc'ul Diose.

Levítico 3:11

Li palee ac'o xchic' scotol te ta scajleb jmoton. Ja' chic'bil matanal sventa ve'lil chc'ot ta jtojol, vu'un li Muc'ul Diosune.

Malaquías 1:7

Yu'un chavac'bicun jmotonin ta scajleb jmoton li pan ti mu'yuc leque. Jech chavalic noxtoc: ‘¿C'usi la jpascutic ti mu xaquich'otcutic ta muc' chavale?’, xachiic. Yu'un laj anopic ti mu'yuc tsots sc'oplal li mexa cu'une.

Números 28:2

“Albo scotol achi'iltac ti mu me scomtsanic yaq'uel li jmoton ti c'usi ora mero yorail ta aq'uele. Ja' li pane xchi'uc li jmoton chich' chiq'uel ta jujun muc'tic q'uine, yu'un ja' li matanal ti lec mu yic' chavac'bicun ta jtojole”, xut.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

San Juan 17:19

Ja' ta sventaic ti yutsil co'nton jtuc chcac' jbae, yu'un jech ta yutsiluc yo'ntonic ac'o yac' sbaic ta sventa ec li c'usi melele.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.