Levítico 21:6 - Bible in Tzotzil de Chenalhó with Deuterocanon

⁶ Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Bible in Tzotzil de Chamula

⁶ Yu'un c'ajomal jbeluc sc'oplal ti xchapanoj sba ta sventa ti Dios yu'unique, ti mu soquesbeic ti sc'oplale. Yu'un ti stuquique, ja' jelubtasej matanaletic ti ta xich' chiq'uele, xchi'uc ti pan ti ta xaq'uic ta stojol ti Dios yu'unique. Ja' yu'un un, ja' yabtelic ti tsots sc'oplal ac'o yac' sbaic ta tunele.

Levítico 21:6 Iomraidhean Croise

Esdras 8:28

Jech laj calbeic: “Li vo'oxuque ts'u'iltasbiloxuc yu'un Muc'ul Dios jech chac c'u cha'al ts'u'iltasbil li c'usitic chtun ta ch'ulnae. Li saquil taq'uin xchi'uc c'anal taq'uine ja' smoton li Muc'ul Diose, ja' li Dios yu'un jmoltotactique.

Éxodo 19:22

Albo noxtoc li paleetic ti mu me xjelovic tale, naca me chamicuc cu'un. Ac'o me xu' ono'ox chnopajic ta jtojol li stuquique, pero tsc'an chac' sbaic ta lecubtasel ec —xi.

Éxodo 28:36

“Paso junuc unin biq'uit pech'pech' c'anal taq'uin. Pasbo sts'ibal jech chac c'u cha'al sello. ‘Voc'bil yu'un Muc'ul Dios’, xi sts'ibal xavac'be.

Éxodo 29:44

Li ch'ulna pasbil ta nucul, xchi'uc li scajleb jmotone ts'u'iltasbil chcom o cu'un. Jech ec li Aarón xchi'uc xnich'nabe ja' ch'ul paleetic chcom o cu'un.

Isaías 52:11

¡Voc'o abaic loq'uel, voc'o abaic loq'uel; mu me xapiquic li c'usi toj chopole; loc'anic xa batel te ta Babilonia! Ac'o me sq'uel stuc'ulan sbaic lec li boch'otic chich'ic batel c'usitic chtun yu'un Muc'ul Dios te ta ch'ulnae.

Ezequiel 44:7

Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Levítico 18:21

“Mu xachic' anich'onic ta smoton dios Moloc, yu'un ta soc o jc'oplal avu'unic, vu'un li Muc'ul Diosune.

Levítico 19:12

“Mu me xat'abic jbi ta sventa li c'usi chavalique, yu'un xu' jech chasoquesbicun o jc'oplal, vu'un li Muc'ul Diosune.

Levítico 20:3

Li vu'une ta jcontrain li boch'o jech tspase; ta xcules te ta atojolic yu'un tsoques li ch'ulna cu'une, xchi'uc tsoquesbe sc'oplal jch'ulbi ta sventa ti chac'be smotonin Moloc li xnich'one.

Levítico 21:17

“Jech xavalbe ya'ay li Aarone: Li' ta ora, xchi'uc le' to batele mu me xac'be yabtel smomnich'nabtac sventa chtal yaq'uic pan ta jtojol ti me mu'yuc lec sbec'talique.

Levítico 21:21

Me oy jech mu'yuc chapal sbec'tal li smomnich'nabtac Aarone, mu me xtal xchiq'uic matanal li' ta jtojol. Me oy c'usi soquem yu'unique, mu xu' chtal yac' pan ta jtojol, vu'un li Diosune.

Levítico 21:23

Ja' no'ox mu xu' ch-ochic batel te ta spat li veloe, xchi'uc mu xu' ta xnopajic ta sts'el li scajleb jmotone yu'un xu' tsoquesic jch'ulna ta sventa ti mu'yuc lequique. Yu'un li paleetique voc'bilic cu'un. Vu'un li Muc'ul Diosune”, x'utat li Moisese.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Levítico 3:11

Li palee ac'o xchic' scotol te ta scajleb jmoton. Ja' chic'bil matanal sventa ve'lil chc'ot ta jtojol, vu'un li Muc'ul Diosune.

Números 16:5

Jech laj yalbe li Coré xchi'uc xchi'iltaque: —Li Muc'ul Diose sob oc'om chac' ta ilel li boch'o ja' yu'une xchi'uc li boch'o t'ujbil yu'un sventa chchic'be smotone. Ja' no'ox xu' chchic'be smoton Dios li boch'o t'ujbil yu'un stuque.

Números 28:2

“Albo scotol achi'iltac ti mu me scomtsanic yaq'uel li jmoton ti c'usi ora mero yorail ta aq'uele. Ja' li pane xchi'uc li jmoton chich' chiq'uel ta jujun muc'tic q'uine, yu'un ja' li matanal ti lec mu yic' chavac'bicun ta jtojole”, xut.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.