Levítico 21:23 - Bible in Tzotzil de Chenalhó with Deuterocanon

²³ Ja' no'ox mu xu' ch-ochic batel te ta spat li veloe, xchi'uc mu xu' ta xnopajic ta sts'el li scajleb jmotone yu'un xu' tsoquesic jch'ulna ta sventa ti mu'yuc lequique. Yu'un li paleetique voc'bilic cu'un. Vu'un li Muc'ul Diosune”, x'utat li Moisese.

Bible in Tzotzil de Chamula

²³ Ja' no'ox un, mu xu' ta x'och batel ta spat ti bu lich'il ti muc' ta poq'ue, mi ja'uc ti ta xnopaj ta sts'el ti altare yo' jech mu spec'tsanbe sc'oplal ti Axibalna cu'un ta scoj ti ma'uc ts'acal vinique. Yu'un vu'un ti Ajvalilune, ti jech t'ujbil c'otic cu'une.”

Levítico 21:23 Iomraidhean Croise

Nehemías 13:29

Te la jc'opan Dios: “Dios cu'un, na'o me li boch'o la soques li abtel sventa paleale xchi'uc li c'usi achapanoj ta sventa paleetic xchi'uc levietique”, xichi.

Levítico 15:31

Ja' jech tsc'an chapasic yu'un jech chavoq'uic ta sventa yi'lalic li achi'iltaque, xchi'uc jech mu xchi'ucuc yi'lalic chtalic ta ch'ulna pasbil ta nucul yo' bu chajchi'inoxuque, jech mu xchamic cu'un”, xi li Muc'ul Diose.

Levítico 19:2

“Jech xavalbe ya'yic scotol li achi'iltac ta israelale: “Tuc'uc me avo'ntonic, yu'un vu'un li Muc'ul Diosun avu'unique tuc' co'nton.

Levítico 20:7

“Tuq'uibtaso me abaic, jech tuc' chac'otic ta jtojol; vu'un li Muc'ul Diosun avu'unique.

Levítico 21:12

Jech noxtoc mu xu' chloq'uic o ta ch'ulna; mu xu' tsoquesbeic sc'oplal li ch'ulna cu'une yu'un malbil xa ta stojolic li aceite sventa ich'ub abtelal avu'unique.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 21:24

Scotol li c'usi laj yich' albel Moisese, laj yalbe ya'ay li Aarón xchi'uc xnich'nabe, xchi'uc scotol li israeletique.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 22:16

Yu'un chac'be sta smulic ta jtojol me chac'be sve'ic li c'usi ts'u'iltasbil cu'une; vu'un Muc'ul Diosun”, xi li Muc'ul Diose.

San Mateo 23:17

¡Bol cristianooxuc, ma'satoxuc! ¿C'usi tsots sc'oplal: me ja' li c'anal taq'uine, o me ja' li ch'ulna yo' bu tiq'uil li c'anal taq'uine?