Levítico 21:12 - Bible in Tzotzil de Chenalhó with Deuterocanon

¹² Jech noxtoc mu xu' chloq'uic o ta ch'ulna; mu xu' tsoquesbeic sc'oplal li ch'ulna cu'une yu'un malbil xa ta stojolic li aceite sventa ich'ub abtelal avu'unique.

Levítico 21:12 Iomraidhean Croise

Éxodo 28:36

“Paso junuc unin biq'uit pech'pech' c'anal taq'uin. Pasbo sts'ibal jech chac c'u cha'al sello. ‘Voc'bil yu'un Muc'ul Dios’, xi sts'ibal xavac'be.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Levítico 10:7

Mu me xaloq'uic batel li' ta ch'ulna pasbil ta nucule, naca me xachamic. Yu'un li vo'oxuque avich'ojic xa aceite yu'un Muc'ul Dios sventa ich'ub abtelal —xut. Li c'usi i'albatic yu'un Moisese, ja' jech la spasic.

Levítico 21:13

“C'alal ta sa' yajnilique, tsc'an ja' ac'o yiq'uic ti bu stsebal toe.

Levítico 8:30

Li Moisese la stsac noxtoc li aceite sventa ich'ub abtelale, xchi'uc juteb li ch'ich' te oy ta scajleb smoton Diose. La svijbe ta sjol li Aarón xchi'uc xnich'nabe. La svijbe c'alal ta sc'u'ic sventa paleal. Ja' jech voc'bil icomic o li Aarón xchi'uc xnich'nabe xchi'uc c'alal ta sc'u'ic sventa paleal.

Números 6:6

Ti jayib c'ac'al yaloj oy c'usi tspase, mu xu' chnopaj batel ta sts'el ti bu oy animae.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.