Levítico 21:10 - Bible in Tzotzil de Chenalhó with Deuterocanon

¹⁰ “Li banquilal paleetique oy ta sventaic xu' tslapic li ch'ul c'u'iletique yu'un laj xa yich' malbel ta sjolic li aceite sventa ich'ub abtelale. Ja' yu'un tsc'an ti mu me sloq'uesic li xpix sjolique, xchi'uc mu me sli' sc'u'ic ta sventa me oy boch'o chcham yu'unique.

Bible in Tzotzil de Chamula

¹⁰ “Ti banquilal pale yu'un ti paleetic ti laj yich' tsots yabtel ta slapel ti ch'ul c'u'ile, ta sventa ti malbat ti jtunel aceite ta sjole, ja' yu'un un, mu me ja'uc spas ti tey xa no'ox yabinoj xq'uiet ti sjole, mi ja'uc ti xac' ta ilel ta xch'i' ta jatel ti sc'u' ta scoj ti vul o'ntone.

Levítico 21:10 Iomraidhean Croise

Génesis 37:34

Jech te la sli' sc'u' li Jacobe; la slap c'u'il sventa me'nal ti ch'ixlajan ta lapele. Ep c'ac'al laj yoc'ta, laj yat yo'nton ta sventa ti icham li xnich'one.

2 Samuel 15:30

Li Davide imuy batel ta muyebaltic te ta Olivatic. Te x'oc'olet muyel, xpixoj batel sjol, xchi'uc jeche' xbixbun batel yacan. Scotol li xchi'iltac bat xchi'ine xpixojic batel sjolic ec, xchi'uc x'oc'oletic batel.

Ester 6:12

C'alal isutic batel ta xanel lum li Mardoqueoe, te ibat ta sti' spasubmantal li ajvalile; yan li Amane ta ora isut batel ta sna, chat xa yo'nton xchi'uc smacoj batel sat.

Job 1:20

Li Jobe iva'i, la sli' sc'u', yu'un toj abul sba laj ya'ay. La xjux loq'uel stsotsil sjol; la squejan sba sventa chich' ta muc' Dios,

Salmos 133:2

Ja' jech yutsil jech chac c'u cha'al aceite ti laj yich' ac'bel ta sjol li Aarone ti iyal batel c'alal ta yisime, ti ic'ot c'alal ta snuc' sc'u'e.

Éxodo 29:7

Tsaco li aceite sventa ich'ub abtelale. Malbo ta sjol, jech voc'bil chcomic o.

Ezequiel 24:17

Oc'an ta mucul no'ox, pero mu me xalap c'u'il sventa at-o'nton jech chac c'u cha'al c'alal oy boch'o chcham yu'unique. Ac'o lec xpix ajol, lapo lec axonob; mu xapix asat sventa senyail at-o'nton, mu xave' pan jech chac c'u cha'al tsve'ic li boch'o chat yo'ntonique”, xiyutun.

Levítico 13:45

“Li boch'o ip cha'ay c'a'el chamele, li'emic sc'u' ac'o slap, xchi'uc mu me smac li sjole. Jvoc' no'ox ac'o smac li sate, jech ac'o yal: ‘Chopolun, chopolun’, ac'o xiuc.

Levítico 16:32

Li pale ti t'ujbil xa sventa ch-och ta xq'uexol stote ac'o spas li c'usi tsc'an pasel ta sventa ch'aybil chc'ot amulique. Ac'o slap li ch'ul c'u'il pasbil ta lino noe;

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 8:12

Ts'acal lic smalbe aceite sventa ich'ub abtelal ta sjol li Aarone, jech voc'bil icom o ta sventa paleal.

Números 35:25

Li achi'iltaquique ac'o spojic li boch'o imilvan ti me tsc'an chpacbat sutel yu'un yuts' yalal li boch'o ichame. Ac'o staquic sutel yo' bu sa'oj xa snac'ubbaile. Te ac'o comuc o, ja' to me icham li banquilal pale ti tiq'uil ta abtele.

Números 6:7

Ac'o me stot sme', o me xchi'iltac ta voq'uel, mu xu' chnopaj batel yu'un jech mu chopoluc chquil. Yu'un tsots sc'oplal ti ac'o xchabi lec sba ti c'alal yac'oj sba o chtun cu'une.

San Mateo 26:65

Li banquilal palee la sli' sc'u', jech laj yal: —¡Ichopolc'opoj xa ta stojol li Diose! ¿C'u yu'un ta jc'antic yan testigo? Laj xa ava'yic ti chopol ic'opoj ta stojol Diose.