Levítico 21:1 - Bible in Tzotzil de Chenalhó with Deuterocanon

¹ Li Muc'ul Diose jech laj yalbe li Moisese: “Albo li paleetic, xnich'nabtac Aarone, mu me xbat scap sbaic ta sq'uelel me oy chcham junuc yuts' yalale yu'un ta soques sbaic me jech tspasique.

Bible in Tzotzil de Chamula

¹ Ti Diose xi laj yalbe ti Moisese: “C'oponano ti paleetic snitilultac ti Aarone, albo ya'iic ti mu soques sbaic ta spiquel ti animaetic ta sventa ti yuts' yalaltaque.

Levítico 21:1 Iomraidhean Croise

Ezequiel 44:25

Mu me xnopajic batel ta sts'el jun anima, yu'un jech mu soques sbaic. Pero me ja' stot sme'ic, me squerem stsebic, o me xchi'ilic ta voq'uel ti mu'yuc malijemique, xu' chbat soques sbaic ta scoj.

Oseas 5:1

“Paleetic, a'yo ava'yic; israeletic, ts'e'ano lec achiquinic; smomnich'nab ajvaliletic, tuc'ulano lec ava'yic. Yu'un ja' ta aventaic li stojol mulile, yu'un li vo'oxuque xco'laj xchi'uc jyacvanej lac'otic te ta Mizpa; vo'oxuc laj alich'anbeic yoc' ch'ojon te ta vits Tabor.

Levítico 19:28

“Mu me xayayijes abec'talic ta scoj me oy boch'o ichame. Mu me xats'ibta anuculilic sventa senyail. Jech chcal vu'un li Muc'ul Diosune.

Levítico 21:11

Mu xu' ch-ochic ti bu oy animae, ac'o me stot, me sme'; mu xu' tsbolibtas sbaic o.

Malaquías 2:1

“Paleetic, li mantal li' chcale ja' ta aventaic:

Malaquías 2:4

Jech chana'ic o ti vu'un laj cac' li mantal li'i, jech mu soc li c'usi la jchapan jchi'uc li Leví ta vo'onee”, xi li Muc'ul Dios ti tspas ta mantal scotol te ta vinajele.

Números 19:11

“Scotol li boch'o tsta ta piquel sbec'tal jun animae, vucub c'ac'al chopol chcom.

Números 19:14

“Li mantal ta sventa c'usi tsc'an chapasic c'alal me oy boch'o chcham te ta yut scarpanae, ja' li'i: Scotol li boch'otic te oyic ta yut li carpanae xchi'uc li boch'otic te ta x'ochic batele, vucub c'ac'al chopol chcomic o.

Números 19:16

“Me oy boch'o la spicbe sbec'tal jun anima ta te'tic ti milbil ichame, o me jech no'ox icham stuque, o me sbaquil anima la sta ta piquel, o me muquinaltic, vucub c'ac'al mu'yuc lec chcom.

Números 5:2

“Albo scotol achi'iltac ta israelal ti ac'o sloq'uesic te yo' bu nacalic scotol li boch'otic yich'ojic c'a'el chamele, o me chamel ta sc'unilic ti chloc' ya'lele, o me mu'yuc yac'oj sba ta lecubtasel me oy la spiquic animae.

Números 6:6

Ti jayib c'ac'al yaloj oy c'usi tspase, mu xu' chnopaj batel ta sts'el ti bu oy animae.