Levítico 20:8 - Bible in Tzotzil de Chenalhó with Deuterocanon

⁸ Ch'unic me, pasilanic me c'usi chal li mantaletic cu'une; vu'un Muc'ul Diosun ti voc'biloxuc cu'une.

Bible in Tzotzil de Chamula

⁸ Chanic ta spasel ti oy c'usi jbel tsots albil sc'oplale. C'otuc ta pasel avu'unic. Yu'un vu'un Ajvalilun ti laj jt'ujoxuque yo' jech ta xatunic cu'un.

Levítico 20:8 Iomraidhean Croise

Éxodo 31:13

“Li achi'iltac ta israelale, jech xavalbe chac li'i: ‘Tsc'an chavich'ic ta muc' li sc'ac'alil chacux avo'ntonic cu'une yu'un ja' sna'ubil chcom cu'untic c'alal ta avalab anich'nabic, yu'un jech chana'ic ti vu'un no'ox jtuc Muc'ul Diosun avu'unic, ti t'ujbiloxuc cu'une.

Ezequiel 20:12

Laj cac'beic noxtoc li sc'ac'alil cuxub o'ntonal cu'une, yu'un ja' sna'ubil chcom ta stojolic xchi'uc ta jtojol, jech tsna'ic ti vu'un jts'u'iltasoj, vu'un li Muc'ul Diosune.

Ezequiel 37:28

Jech tsna'ic o yantic banamil ti vu'un jtuc Muc'ul Diosun la jts'u'iltas yan velta li israeletique, yu'un j'ech'el te chcom o ta stojolic li ch'ulna cu'une, xi li Diose’, uto”, xiyutun.

Levítico 19:19

“Pasilanic me batel li mantaletic cu'une. “Mu me xavac' stec' sbaic avacaxic xchi'uc yan ats'unub avovolic ti mu jmojicuque. “Mu me capvots'uc xapasic li ats'unubique. “Mu me xalapic li c'u'il me oy c'usi yan capbil o ta jalele.

Levítico 19:37

“Ch'unic me, pasic me li mantaletic, li chanubtaseletic cu'un, vu'un li Muc'ul Diosune”, xi li Muc'ul Diose.

Levítico 20:26

Ja' yu'un tuc' me xapas abaic ta jtojol, yu'un vu'un li Muc'ul Diosune tuc' co'nton. Vu'un la jt'ujoxuc loq'uel ta stojol li yantic lumetique, yu'un jech jteclumal chac'otic.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Levítico 22:32

“Mu me xasoquesbeic sc'oplal li jch'ulbie, yu'un jech chvinaj ti ch'ul Diosun o te ta atojolic, vo'oxuc li israeloxuque. Vu'un Muc'ul Diosun ti voc'biloxuc o cu'une.

San Mateo 12:50

Yu'un scotol li boch'o ja' ta spasic c'usi tsc'an yo'nton li Jtot te oy ta vinajele, ja' quits'inab, ja' quixlaltac, xchi'uc ja' jme' chc'otic —xi li Jesuse.

San Mateo 23:17

¡Bol cristianooxuc, ma'satoxuc! ¿C'usi tsots sc'oplal: me ja' li c'anal taq'uine, o me ja' li ch'ulna yo' bu tiq'uil li c'anal taq'uine?

San Mateo 5:19

Me oy boch'o mu tsotsuc sc'oplal cha'ay jbeluc li smantal Diose, me jech ta xchanubtasvan oe, ja' its'inal chc'ot yo' bu chventainvan li Diose. Yan li boch'o tsots sc'oplal cha'ay scotol li smantaltac Diose, me jech ta xchanubtasvane, ja' banquilal chc'ot yo' bu chventainvan li Diose.

San Mateo 7:24

“Li boch'o ta cha'ay c'usi chcale, me ta xch'une, ja' co'ol jech chac c'u cha'al jun bijil vinic la spas sna ta ba ton.

San Juan 13:17

Me laj ava'yic lec scotol li c'usitic tsc'an chapasique, me jech chapasique, xcuxet no'ox avo'ntonic.

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

1 Tesalonicenses 5:23

Li Dios ti chac' jun o'ntonale, ac'o slecubtasoxuc o batel, ac'o slecubtas o atalelic xchi'uc ajol avo'ntonic xchi'uc abec'talic, yu'un jech mu'yuc amulic chvul staoxuc c'alal chtal li Cajvaltic Jesucristoe.

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

Santiago 1:22

Pasic me li c'usi chava'yic ta sc'op Diose. Mu me ja'uc no'ox chava'yilanic, yu'un jech mu ja'uc no'ox chalo'la abaic.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.