Levítico 20:5 - Bible in Tzotzil de Chenalhó with Deuterocanon

⁵ vu'un jtuc ta jcontrain xchi'uc yajnil xnich'nab li vinique. Ta jloq'ues o te ta atojolic xchi'uc scotol li boch'otic co'ol chopol c'usitic tspasic xchi'uque, ti ja' chbat yich'ic ta muc' li Moloque.

Bible in Tzotzil de Chamula

⁵ vu'un ta xlic jcontrain xchi'uc ti c'u yepal oy ta snae. Ta jten loq'uel ti jech oy ta jteclum jmoj xchi'uc scotol ti buch'utic yan sjol yo'ntonic ta jtojol ti ta sbic'tajesel sbaic ta sts'ac-patiel ti dios Moloque.

Levítico 20:5 Iomraidhean Croise

2 Crónicas 21:11

Jech noxtoc lic spasanbe yav c'opojebaletic ta vitsetic te ta yosilal Judá. Ja' ta scoj ti la sta smulic ta stojol Muc'ul Dios li jnaclumetic ta Jerusalene. Solel laj yac' ch'ayicuc ta be scotol li judaetique.

Salmos 106:39

Jech la sbolibtas sbaic o ta sventa li yabtelique; jmulavil vinic ants ic'otic o ta scoj ti jech la spasique.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Jeremías 3:2

“Q'uelo batel lec avil li vitstique, nopo me lec; ¿me oy to bu junuc ti mu'yuc apasoj c'usi chopol tee? Xco'laj xchi'uc te chotolot ta ti'be yu'un chamala li boch'o chasc'upinote; ja' co'ol jech chapas jech chac c'u cha'al tspasic li arabetic ti chmacvanic ta be ta xocol banamile. Ta scoj amul, ta scoj achopolil isoc avu'un li alumale.

Jeremías 32:39

Ta jelbe yo'ntonic, xchi'uc ta jelbe sbeic, yu'un jech jun yo'nton chiyich'icun o ta muc' ti jayib c'ac'al cuxulique, yu'un jech lec oyic o, xchi'uc jech lec oyic c'alal ta smomnich'nabic.

Jeremías 44:11

‘Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Nopbil xa cu'un ti ta xcac' tal avocolic, ti ta xcules o scotol li Judae.

Oseas 2:13

Ta xcac'be stoj ti jayib c'ac'al la xchic' pom ta stojol baaletique, xchi'uc ta sventa ti la sc'ac'ubtas sba lec ta staq'uinal xchiquin, ta snats' ti c'alal bat sta yajmultaque, yu'un la ch'ayun o ta yo'nton li vu'une”, xi li Muc'ul Diose.

Oseas 2:5

Yu'un li ame'ique puru mulivajel la spas; li boch'o la svoq'uesoxuque la soques sc'oplal ti c'alal jech laj yale: ‘Ja' te chbat jchi'in li jc'upiltaque, yu'un ja' chiyac'bun jve'el xchi'uc ca'al; ja' chiyac'bicun jtsots, lino no, caceite, xchi'uc c'usitic chcuch'’, xi.

Levítico 17:10

“Me oy boch'o ta sti' ch'ich', me israel, o me yanlum ti te co'ol nacaloxuc achi'uquique, ta jcontrain li boch'o jech ta spase. Ta jtu'pbe sts'unubal te ta atojolic.

Levítico 17:7

Yu'un jech mu xa ja'uc chbat smilbeic smoton li pucujetic ti ja' to'ox yich'ojic ta muc' chac c'u cha'al sdiosique. Li'i ja' jun mantal chcom o ta atojolic c'alal ta avalab anich'nabic.

Levítico 20:4

Pero me mu sventaicuc li achi'iltaquique, me mu smilic li vinic ti chac' ta smoton Moloc li xnich'one,

Levítico 20:6

Me oy boch'o ta xbat ta stojol li j'ic'ch'ulelaletic xchi'uc jt'unuletique, laj xa xch'ay sbaic o. Ta jcontrain li boch'o jech tspase; ta jloq'ues o ta atojolic.