Levítico 20:2 - Bible in Tzotzil de Chenalhó with Deuterocanon

² “Jech xavalbe ya'yic li achi'iltac ta israelale: “Boch'ouc no'ox, me israel, o me yanlum ti te nacal ta Israele, me ta xac' xnich'on ta smoton li dios Moloque, ac'o yich' milel ta ton yu'un li achi'iltaquic te ta avosilalique.

Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: “Buch'uuc no'ox, israeletic, mi jyanlumetic ti capalic ta naclej xchi'uc ti israeletic ti ta xac' ta stojol dios Moloc ti xnich'nabique, tsots sc'oplal ac'o yich'ic milel ta ton yu'un ti xchi'iltac ti nacalic ta lume.

Levítico 20:2 Iomraidhean Croise

1 Reyes 11:7

Ja' yorail noxtoc lic spasbe sc'opanbil li Quemos, ja' li sdios moabetic, xchi'uc Moloc, ja' li sloc'obal sdios amonetic ti toj chopol chil Diose. Ja' te la spas ta vits ta stuq'uil sloq'ueb c'ac'al yu'un Jerusalén.

2 Reyes 17:17

La xchic' squeremic, stsebic ta sventa smoton li diosetic yu'unique. La xchanic t'unul, xchi'uc ac'chamel. Ja' laj yac' yo'ntonic o ta spasel c'usi chopol, jech i'ilin o ta stojolic li Muc'ul Diose.

2 Reyes 23:10

La soques noxtoc li xchic'ubil xnich'nabic Tofel te ta stenlejaltic Hinome, yu'un jech mu'yuc xa boch'o chbat xchic' squerem, o me stseb ta stojol li sdiosic Moloque.

2 Crónicas 28:3

Jech noxtoc la xchic' pom te ta stenlejaltic Ben-hinom, xchi'uc la xchic' xnich'nab ta smoton sdios jech chac c'u cha'al sbol talelic li yajvaltac banamil ti inutsbatic loq'uel yu'un Muc'ul Diose.

2 Crónicas 33:6

Jech noxtoc la xchic' xnich'nab sventa smoton sdios te ta stenlejaltic Ben-hinom, xchi'uc la xchan ic'ch'ulelal, t'unul, xchi'uc mágia, xchi'uc laj yac' ta chanel li c'opanej ch'ulelaletique xchi'uc ac'chamel. Bats'i toj chopolic yabtel ta stojol li Muc'ul Diose, jech te ilic o sc'ac'al yo'nton yu'un li Muc'ul Diose.

Salmos 106:38

La smalbeic xch'ich'al li boch'o mu'yuc smule, ja' li xch'ich'al squerem stsebic ti la smilbeic smotonin li c'usi cuybil ta diosetic te ta Canaane, jech ibolib o ta scoj ch'ich' li yosilalique.

Jeremías 32:35

Jech noxtoc la spasic toyol c'opojebaletic ta sventa Baal te ta stenlejaltic Ben-hinom, jech te la xchic' squerem stsebic ta sventa smoton li dios Moloque. Ja' jech la sa' smulic o li Judaetique. Mu'yuc jech calojbeic mantal, me jutuc mu'yuc bu jnopoj me jech ta spasic.

Jeremías 7:31

La sva'anic noxtoc toyol scajleb matanal, Tofet, te ta stenlejaltic Ben-hinom, sventa te la xchic' squerem stsebic. Ja' la spasic li c'usi mu jechuc calojbeique, ti mu'yuc jech loq'uem ta jol ta co'ntone.

Ezequiel 20:26

Laj cac' bolibicuc o ta scoj li matanaletic chaq'uique xchi'uc ta scoj li sba xnich'nabic chchiq'uic ta c'oc' ta sventa smoton sdiosique, yu'un jech ac'o niquicuc ta xi'el, jech chlic sna'ic ti vu'un Muc'ul Diosune’, uto.

Ezequiel 20:31

Yu'un chavac'beic matanaletic, xchi'uc chachic' anich'nabic sventa smoton; solel chabolibtas abaic ta sventa li sloc'obaltac adiosique, ja' jech chapasic o c'alal to tana. Ja' yu'un ¿me vu'un xa chac'anic ta jtac'boxuc ec li c'usi tal ajac'bicune? Vu'un li Muc'ul Diosun ti cuxulun oe, vu'un li Avajvalicune, chacalboxuc ta jamal ti mu'yuc chajtac'boxuc oe.

Ezequiel 23:37

Yu'un mu junuc yo'ntonic ta jtojol; ep xa imulivajic, solel yatinoj ch'ich' noxtoc li sc'obique, ja' bat yich'ic ta muc' noxtoc li sloc'obal yan diosetique. Li jnich'nab la svoq'uesique la xchiq'uic ta c'oc' sventa smoton li sdiosique.

Ezequiel 23:39

C'alal la xchic' xnich'onic sventa smoton sdiosique, ja'o ital ochicuc ta ch'ulna cu'un noxtoc; la sbolibtasic ta jyalel. Ja' jech la spasic te ta ch'ulna cu'un.

Levítico 17:13

Me oy boch'o junucal avu'unic, me vo'oxuc li israeloxuque, o me yanlum ti tsmil jcotuc chonbolom, o me mutetic ti stac' ti'ele, malbeic li xch'ich'ale; but'ic ta banamil.

Levítico 17:15

“Boch'ouc no'ox, me achi'iltac ta israelal, o me yanlum tsti' li c'usi jech no'ox icham stuque, o me scomelal ta ti'el yu'un jti'vanej bolome, ac'o xchuc' lec sc'u'; ac'o atinuc lec, pero chopol chcom o c'alal to ch-och ac'ubal. Ts'acal lec chcom yan velta.

Levítico 17:8

“Jech xavalbe ya'yic noxtoc: Me oy junuc israel vinic, o me yanlum ti te co'ol nacaloxuc achi'uquic ti tsc'an chaq'uic chic'bil, o milbil matanal ta jventae,

Levítico 18:21

“Mu xachic' anich'onic ta smoton dios Moloc, yu'un ta soc o jc'oplal avu'unic, vu'un li Muc'ul Diosune.

Levítico 20:1

Li Muc'ul Diose la sc'opan yan velta li Moisese, jech laj yalbe:

Levítico 20:27

“Me oy jun vinic, o me ants ti xchanoj ic'ch'ulelale xchi'uc ti chchan xa t'unule, ac'o yich' milel ta ton. Ja' ta smul stuquic ta xchamic”, uto li achi'iltaque, x'utat yu'un Dios li Moisese.

Levítico 24:14

“Loq'uesic batel te ta acarpanaic li boch'o ichopolc'opoje. Li boch'otic laj ya'yic c'usi laj yale ac'o yac' sc'obic ta sjol. Ac'o smilic ta ton scotol li achi'iltac ta israelale.

Levítico 24:23

Li Moisese lic yalbe ya'ay scotol li xchi'iltaque. Jech te laj yiq'uic loq'uel li boch'o ichopolc'opoj ta stojol Diose; la smilic ta ton. Li israeletique ja' jech la spasic jech chac c'u cha'al i'albat yu'un Muc'ul Dios li Moisese.

Hechos 7:43

Ja' no'ox laj acuchic batel adiosic Moloc, tiq'uil ta sna pasbil ta nucul. Xchi'uc laj avich'ic batel li sloc'obal c'anal apasoj ta adiosique, ja' li Refán sbie. Ja' apasojic sloc'obaltac, yu'un chavich'ic ta muc'. Ja' yu'un chajtacoxuc batel ta sjelovel to Babilonia banamil’, xi ono'ox ts'ibabil.

Deuteronomio 12:31

Mu me jechuc xapasic ta stojol li Muc'ul Dios cu'untique. Yu'un li c'usi toj chopol ta pasel chil Muc'ul Dios ti mu xa sts'ic yu'une, ja' ti c'u x'elan chich'ic ta muc' sdiosic li yantic banamil le'e. Yu'un toj ech'em xa no'ox ibat yu'unic, c'alal xa ta xnich'nabic tsmilic, chchiq'uic ta c'oc' ta sventa smoton li sdiosique.

Deuteronomio 17:2

“Me oy junuc vinic, o me ants ta junuc lum yo' bu chayac'boxuc li Muc'ul Diose me mu xc'ot ta pasel yu'un li c'usi chale, me ja' chich' ta muc' li c'usitic cuybilic ta diose, me ja' tsquejan sba ta stojol, me c'ac'al, me u, me c'analetic ti mu jechuc yaloj li Muc'ul Diose q'uelic lec, yu'un tsc'an chana'ic me melel. Me laj ana'ic ti ta melel la spas c'usi toj chopol te ta atojolic vo'oxuc li israeloxuque, iq'uic batel ta stojol jchapanvanejetic ta lum. Ac'o yich' milel ta ton ta scoj ti la spas li c'usi toj chopol chil Diose.

Deuteronomio 18:10

Mu me oyuc boch'o chac' ta milel xnich'on avu'unic sventa chchic' ta c'oc'. Xchi'uc mu me xachanic t'unul jech chac c'u cha'al tspasique, xchi'uc mu me xanopic ti xu' avu'unic sna'el c'usi chc'ot ta pasel ta ts'acale, xchi'uc mu me xachanic ac'chamel.

Deuteronomio 21:21

Scotol li viniquetic te ta alumalique ac'o smilic ta ton. Jech ta x'ul o li c'usi chopol te ta atojolique. C'alal ta xa'yic scotol achi'iltaquic jech chc'ot ta pasele, ta xlic xi'icuc scotolic.

Deuteronomio 22:21

ac'o sloq'uesic ta sna li stote. Li viniquetic te ta lume ac'o smilic ta ton li tsebe yu'un toj chopol c'usi la spas te ta atojolic vo'oxuc li israeloxuque, xchi'uc muc xich' ta muc' li stot sme' te ta snae. Te no'ox sq'uelojbe sat. Me jech chapasique, mu x'epaj o boch'otic jech tspas te ta atojolic.