Levítico 2:4 - Bible in Tzotzil de Chenalhó with Deuterocanon

⁴ “C'alal chavac'bicun jmotonin li atrigoic xchi'uc c'usitic yan jech chac c'u cha'al trigo ti ta'ajem xa ta hornoe, ja' xavac'bicun li pan pasbil ta lequil arina vots'bil ta aceite ti mu'yuc yich'oj svolesubil xch'ute, o me bic'tal vaj vijbil ta aceite.

Bible in Tzotzil de Chamula

⁴ “C'alal ta xavac' ta matanal sat ts'unubil ti ta'ajesbil ta hornoe, pasbiluc me avu'un ta muc'tic pan ti lequil t'ujbil harina ti vots'bil ta aceitee, ti mu'yucuc yich'oj ti spajubtasobile, mi ja' ti jayaquil harina bacubtasbile, ti mu'yucuc yich'oj ti spajubtasobile, ti c'ajomaluc no'ox vijbil ti aceite ta sbae.

Levítico 2:4 Iomraidhean Croise

Salmos 22:14

Ja' jechun jech chac c'u cha'al vo' ti chmal batele; li jbaquiltaque bichc'ujemic xa loq'uel ta sts'acaliltac. Li co'ntone ta x'ul batel ta yut jbec'tal jech chac c'u cha'al chab.

Éxodo 12:8

Te no'ox ta yac'ubalil xati'ic li chije. Vobil ta c'oc' xapasic. Capal ta ch'ail vomol xati'ic, xchi'uc ta pan ti mu'yuc yich'oj svolesubil xch'ute.

Éxodo 16:31

Li israeletique maná laj yac'beic sbi li c'usi la stsobique, saquic jech chac c'u cha'al bec' culantu, lec chi' ta ve'el jech chac c'u cha'al bic'tal vaj ti bonbil ta pome.

Éxodo 29:2

Xchi'uc paso panetic xchi'uc yantic pan ti mu'yuc yich'oj svolesubil xch'ute ti vots'bil ta aceitee. Xchi'uc paso bic'tal jayal vajetic vijbil ta aceite. Paso ta lequil arina pasbil ta trigo.

Isaías 42:1

“Q'uelavilic li cajtunele, vu'un oy ta jc'ob, vu'un la jt'uj; toj xcuxet co'nton yu'un, laj xa cac'be li espíritu cu'une. Ja' chtal xchapan li jujun lume.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Ezequiel 46:20

Jech laj yalbun: “Li'i ja' yavil bu tspanic sbec'tal matanaletic li paleetique. Ja' li matanaletic chich' aq'uel ta sventa xch'ayubil muliletique, xchi'uc li yantic matanal chich' aq'uel jech chac c'u cha'al trigoe. Yu'un jech mu persauc chich'ic loq'uel ta amac'; jech mu snop sba xchi'uc achi'iltaquic li c'usitic ts'u'iltasbilique”, xiyutun.

Levítico 1:11

Te ac'o yich' milel ta jtojol ta jot xocon scajleb jmoton ta stuq'uil norte. Li paleetique, ja' li xnich'nabtac Aarone, ac'o svijic ta spat xocon scajleb jmoton li xch'ich'ale.

Levítico 10:12

Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 6:17

Mu me sta'ajesic xchi'uc svolesubil xch'ut. Yu'un ja' cac'ojbeic o ti c'u yepal chcom ta chiq'uele. Ja' ts'u'iltasbil matanal, jech chac c'u cha'al li matanal sventa mulil xchi'uc sventa c'unil mulile.

Levítico 7:12

Me ja' chamilbicun sventa oy c'usi chatojbicun ta vocole, aq'uic noxtoc muc'tic vaj mu'yuc yich'oj svolesubil xch'ut vots'bil ta aceite, xchi'uc bic'tal vaj mu'yuc yich'oj svolesubil xch'ut jaxbil ta aceite xchi'uc yan muc'tic vaj pasbil ta lequil arina vots'bil ta aceite.

Números 6:15

Jech noxtoc ac'o yac' junuc unin moch pan ti pasbil o ta lequil arinae, xchi'uc ti vots'bil o ta aceite ti mu'yuc yich'oj svolesubil xch'ute. Xchi'uc ac'o yac' jayibuc unin bic'tal jayal vajetic ti mu'yuc yich'oj svolesubil xch'ute, ti vijbil ta aceitee. Ac'o yich' batel xchi'uc yantic matanaletic, ja' li trigo, xchi'uc c'usitic yan co'oltic jech chac c'u cha'al trigoe xchi'uc li ya'lel ts'usube.

San Mateo 26:38

Jech laj yalbe: —Toj loq'uel ta xcat co'nton, chicham xa o ya'yel. Comanic li'i; co'ol me viq'uiluc jsatic —x'utatic.

San Juan 12:27

“Li' ta orae, solel oyun ta c'op-o'nton. ¿Pero c'usi xu' chcal?: ‘Tati, coltaun, mu me xicham’, ¿me xu' xichi? Yu'un ja' ta sventa tal chamcun ti lital li' ta banamile”, xi.

San Juan 3:34

Yu'un li boch'o ja' tacbil tal yu'un Diose ja' sc'op Dios ta xal, yu'un muc bisbiluc no'ox i'ac'bat li Ch'ul Espiritue.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.

1 Pedro 2:1

Ja' yu'un tsc'an chacomtsanic scotol li c'usitic chopole, li lo'lavaneje, ti chamacbeic sat achi'ilique, li ti'o'ntavaneje, xchi'uc scotol li lo'iltavaneje.

1 Pedro 2:22

Li Cristoe me jutuc mu'yuc smul, me jutuc mu'yuc x'epalc'opoj.