Levítico 2:14 - Bible in Tzotzil de Chenalhó with Deuterocanon

¹⁴ “Me ja' chavac'bicun li sba sat atrigoic xchi'uc li c'usitic yan jech chac c'u cha'al trigoe, bacubtasic ta c'oc' li jujulic c'alal yox toe. Yan me sbec' chavich'ic tale juch'bil ta tse xavich'ic tal.

Bible in Tzotzil de Chamula

¹⁴ “Mi ja' ta xavac' ta matanal ta stojol Dios ti sba sat ats'unube, ta sc'an ti staoj xa lec syijil ti sjole, ti bacubtasbil ta c'oq'ue, ti ja' jun sba sat ach' ts'unubil ti chevbil ta voch'ele.

Levítico 2:14 Iomraidhean Croise

Génesis 4:3

C'alal i'ech' xa'ox jayibuc jabile, li Caine te laj yich'be tal ta smoton Muc'ul Dios li sat c'usitic sts'unoje.

2 Reyes 4:42

Ts'acal te ic'ot jun vinic liquem ta Baal-salisa, yich'oj batel ta stojol Eliseo jtob (20) pan pasbil ta sba sat cebada, xchi'uc yaxal bec' trigo stic'oj batel ta smoral. Li Eliseoe jech laj yalbe li smozoe: —Ac'bo sve'ic li jchi'iltactique —xut.

Levítico 2:15

Ac'beic yaceiteal xchi'uc pom yu'un ja' sventa jmoton.

Levítico 2:16

Li palee ac'o xchic' c'uuc yepal li juch'bil trigo xchi'uc aceite, xchi'uc li pome. Ja' sventa sna'ubil israeletic chc'ot, xchi'uc ja' chic'bil matanal chc'ot ta jtojol, vu'un li Muc'ul Diosune.

Levítico 22:29

“C'alal chavac'bicun jmoton sventa oy c'usi chatojbicun ta vocole, ja' me jech xapasic jech chac c'u cha'al tsc'an pasel ta sventa lec tsacbil chc'ote.

Levítico 23:10

“Jech xavalbe ya'yic scotol li achi'iltac ta israelale: C'alal me la'ochic xa'ox batel te ta avosilic yo' bu chacac'boxuque, me la sta yorail chatsob atrigoique, li sba chucal atrigoic chatuch'ique ich'ic batel ta stojol li palee.

Levítico 23:13

Xchi'uc ac'o yich'ic tal o'lol yo'bal kilo arina ti bu ven lec, ti vots'bil ta aceitee. Ac'o yich' chiq'uel; ja' matanal ti lec mu yic' chc'ot ta jtojol; vu'un li Muc'ul Diosune. Li c'usi tsc'an sventa chich' maltael oe, ac'o yac' jun litro ya'lel ts'usub.

Levítico 23:20

Li palee ac'o sye' ta jtojol li matanaletique, ja' li spanil sba sat c'usitic chloc' avu'unique xchi'uc li cha'cot ch'ium chije. Li matanaletic le'e ts'u'iltasbil xa chcom o cu'un ta sventa li paleetique.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

Números 28:2

“Albo scotol achi'iltac ti mu me scomtsanic yaq'uel li jmoton ti c'usi ora mero yorail ta aq'uele. Ja' li pane xchi'uc li jmoton chich' chiq'uel ta jujun muc'tic q'uine, yu'un ja' li matanal ti lec mu yic' chavac'bicun ta jtojole”, xut.

1 Corintios 15:20

Pero tana, li Cristoe icha'cuxi loq'uel ta smuquinal. Ja' sba sat ic'ot yu'unic li boch'otic ichamic xae.

Deuteronomio 26:2

scotol li sba sat c'usitic ats'unojic ta avosilique, tulic scotol. Ich'ic batel ta jun moch. Bat aq'uic te yo' bu st'ujoj Muc'ul Dios cu'untic sventa chich' ich'el ta muq'ue.

Apocalipsis 14:4

Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.