Levítico 2:12 - Bible in Tzotzil de Chenalhó with Deuterocanon

¹² Ja' no'ox xu' chavac'bicun li svolesubil xch'ut, xchi'uc spom muc'ta pom me ja' sventa sba c'usitic chloc' avu'unique. Pero mu xu' chich' chiq'uel te ta scajleb jmoton jech chac c'u cha'al chich' chiq'uel jmoton ti lec mu yiq'ue.

Bible in Tzotzil de Chamula

¹² Pisil une, xu' xavaq'uic ta smoton Dios ti yich'oj ti spajubtasobile, ti ajapome jech c'u cha'al sc'oplal ti sba sat ts'unubile, ja' no'ox un, mu spas ta xich' chiq'uel ta sba ti altar ti jun yutsil smuile.

Levítico 2:12 Iomraidhean Croise

Génesis 23:17

Ja' yu'un li yosil Efrón ta Macpela ti te xcom ta stuq'uil sloq'ueb c'ac'al yu'un Mamree, ja' yu'un ic'ot o li Abrahame. Te capal laj yich' li nailch'ene xchi'uc scotol li te'etic te oy ta yut osile. Ja' testigo icomic o li hetetique xchi'uc li boch'otic te ijelovic batel ta ti'coralton yu'un lume.

2 Crónicas 31:5

C'alal ipuc batel jeche, li israeletique lic yaq'uic li sba sat c'usitic chloc' yu'unique, ja' li ya'lel ts'usube, li aceitee, li pome, xchi'uc scotol li c'usitic chloc' ta yosilique. Jech noxtoc bats'i ep laj yich'ic tal li jujun ta lajlajuneb c'usitic iloc' yu'unique.

Éxodo 22:29

“Mu me xjalij avu'unic ti chavich'bicun tal jmotonin li sba sat c'usitic chloc' avu'unique xchi'uc li ya'lel ats'usubique. “Voc'bicun me li sba aqueremique.

Éxodo 23:19

“Li sba sat c'usitic ats'unoj ta avosilic ti toj lequique, ich'bicun tal ta Ch'ulna cu'un, vu'un li Muc'ul Diosun avu'unique. “Mu me xapanic ta ya'lel xchu' sme' li unin ch'ium tentsune.

Éxodo 34:22

“Pasbeic sq'uinal li Xemunaetique, ja' ti c'alal chloc' sba sat atrigoique, xchi'uc ti c'alal chlaj atsobic ta slajeb jabile.

Levítico 23:10

“Jech xavalbe ya'yic scotol li achi'iltac ta israelale: C'alal me la'ochic xa'ox batel te ta avosilic yo' bu chacac'boxuque, me la sta yorail chatsob atrigoique, li sba chucal atrigoic chatuch'ique ich'ic batel ta stojol li palee.

Levítico 23:17

Ich'ic tal chibuc pan pasbil ta lequil arina ti yich'oj svolesubil xch'ute. Ja' chanib kilo yalal li jujun pane; ja' jmoton chc'ot ta sventa li sba sat c'usitic chloc' avu'unique.

Levítico 7:13

Co'ol xavaq'uic xchi'uc li jmoton sventa oy c'usi chatojbicun ta vocole. Aq'uic noxtoc muc'tic vaj yich'oj svolesubil xch'ut sventa co'ol co'ntontic.

Números 15:20

Jech chac c'u cha'al chavac'bicun jmotonin li bec' trigo ti sba to chloc' avu'unique, ja' jech tsc'an chapasic noxtoc ta sventa li arina ti sba to chavots'ique, pasic ta pan. Ja' xavac'bicun jmotonin.

Números 18:12

Jech noxtoc li sba sat c'usi chloc' yu'unic li achi'iltac ti chiyich'bicun tal ta jujun jabile, xchi'uc li aceite ti ven lequic oy yu'unique, li ya'lel ts'usube, xchi'uc li trigoe, vo'ot chacac'bot scotol.

1 Corintios 15:20

Pero tana, li Cristoe icha'cuxi loq'uel ta smuquinal. Ja' sba sat ic'ot yu'unic li boch'otic ichamic xae.

Deuteronomio 26:10

Ja' yu'un laj quich' tal sba sat scotol li c'usitic iloc' cu'un ta cosil ti bu laj avac'bun, vo'ot li Muc'ul Diosot cu'une’, xachiic ta stojol li Muc'ul Diose. “Ta ora xavaq'uic ta stojol Muc'ul Dios cu'untic li moche, te xaquejan abaic ta stojol.

Apocalipsis 14:4

Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.