Levítico 2:10 - Bible in Tzotzil de Chenalhó with Deuterocanon

¹⁰ Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' ac'o yich'ic li Aarón xchi'uc xnich'nabtaque.

Bible in Tzotzil de Chamula

¹⁰ Scomelal ti matanale, ti ja' c'ot ta yu'un Dios ti ta xich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Levítico 2:10 Iomraidhean Croise

2 Crónicas 31:14

Li Coré, ja' li leví vinic xnich'on Imna ti oy ta sventa chchabi li ti'ch'ulna ta sloq'ueb c'ac'ale, ja' la sventain li matanal ti yutsil yo'ntonic chaq'uic ta stojol Muc'ul Dios li israeletique, xchi'uc ja' tspuc li matanaletic ac'bil ta stojol Muc'ul Diose, xchi'uc ja' sventainoj li c'usitic ts'u'iltasbil ta sventa Diose.

Esdras 2:63

Li ajvalil yu'unique laj yal mantal ti mu xu' tsve'ic li ch'ul matanale, ja' to me oy junuc pale tsjac' ta Urim xchi'uc ta Tumime.,

Ezequiel 44:29

Ja' sve'elic chc'ot li trigoetic, li ts'unub ovoliletic chich' aq'uel sventa muliletique, xchi'uc scotol li ch'ul matanal chiyac'bicun li israeletique.

Ezequiel 46:20

Jech laj yalbun: “Li'i ja' yavil bu tspanic sbec'tal matanaletic li paleetique. Ja' li matanaletic chich' aq'uel ta sventa xch'ayubil muliletique, xchi'uc li yantic matanal chich' aq'uel jech chac c'u cha'al trigoe. Yu'un jech mu persauc chich'ic loq'uel ta amac'; jech mu snop sba xchi'uc achi'iltaquic li c'usitic ts'u'iltasbilique”, xiyutun.

Levítico 10:12

Li Moisese jech laj yalbe li Aarón xchi'uc xnich'nab ti cuxul to icomique, ja' li Eleazar xchi'uc Itamare: —Ich'ic li scomelal smoton Dios chcom ta chiq'uele, ja' li c'usitic jech chac c'u cha'al trigoe. Ve'anic, pero mu me xavac'beic svolesubil xch'ut, xchi'uc te no'ox xave'ic ta sts'el scajleb smoton Dios yu'un ja' bats'i lequil ch'ul matanal.

Levítico 14:13

Ts'acal ac'o smil te yo' bu chich' ono'ox milel li matanal sventa mulile xchi'uc li chic'bil matanaletique. Li milbil matanal ta sventa c'unil mulile ja' chich' li palee, xchi'uc ja' chich' noxtoc li milbil matanal ta sventa mulile yu'un ja' bats'i lequil ch'ul matanal xa c'otem.

Levítico 2:3

Ta sventa ti ts'u'iltasbil xa scotol li c'usitic chich' chiq'uel ta jmoton vu'un li Muc'ul Diosune, ja' yu'un li scomelale, ja' yu'un li Aarón xchi'uc xnich'nabtaque.

Levítico 21:22

Xu' tsve' li pan ac'bil ta jtojole, xchi'uc li yantic ch'ul matanaletique, xchi'uc li bats'i lequil ch'ul matanaletique.

Levítico 5:13

Li palee ac'o xch'aybe smul li boch'o c'usiuc smul staoje, jech ch'aybil smul chc'ot o. Li scomelale ja' xa yu'unic chcom li paleetique. Ja' co'ol chac c'u cha'al chich' aq'uel li c'usitic yan jech chac c'u cha'al trigoe”, xi li Diose.

Levítico 6:16

Li scomelale ja' xa ac'o sve'ic li Aarón xchi'uc xnich'nabe, pero mu me xavac'beic svolesubil xch'ut. Te ac'o sve'ic ti bu ts'u'iltasbil cu'un li banamil te ta yamaq'uil ch'ulna pasbil ta nucule.

Levítico 6:23

Li jmoton chaq'uic paleetique, ac'o yich' chiq'uel scotol; mu'yuc boch'o xu' tsve'”, xi li Muc'ul Diose.

Levítico 6:9

“Albo ya'ay Aarón xchi'uc xnich'nab c'usi tsc'an tspasic ta sventa li chic'bil matanaletique: Li jmoton chachiq'uique tsc'an te oy o sbejel ac'ubal ta ba si' ta scajleb li jmotone yu'un jech ac'o c'ac'uc.

Levítico 7:7

“Li matanal sventa bu chajelovic ta jtojole ja' co'ol xchi'uc li matanal ta sventa mulile. Ja' yu'un jun no'ox mantal ta sventa xchibal: li matanale ja' yu'un chc'ot o li pale ti laj yac' ta ch'ayel mulile.

Números 18:9

Li jmoton chiyac'bicun ti chic'bil tsc'ane, ja' xa avu'unic scotol ti bu mu'yuc chich' chiq'uele. Ja' li arinaetique, xchi'uc li matanal chiyac'bicun sventa mulile, xchi'uc li jmoton chiyac'bicun ta sventa c'unil muliletic tstaique. Scotol li matanaletic ti ac'bilun xa ta jtojole, ja' avu'unic o xchi'uc li anich'nabe.

1 Samuel 2:28

Vu'un la jt'uj loq'uel ta stojol li jaychop achi'iltac ta israelale, yu'un la jtic' ta paleal, yu'un ja' chchic'bicun jmoton te ta scajleb, xchi'uc chchiq'uic pom, xchi'uc tslapic tal ta jtojol li mocan c'u'ile. Xchi'uc ja' laj cac'beic ta sc'ob amoltotac li jmoton chaq'uic achi'iltaquic ta israelale.