Levítico 19:5 - Bible in Tzotzil de Chenalhó with Deuterocanon

⁵ “C'alal chavac'bicun milbil matanal sventa co'ol co'ntontique, ja' me xavaq'uic ti c'u cha'al xu' lec tsacbil chc'ot cu'un, vu'un li Muc'ul Diosune.

Bible in Tzotzil de Chamula

⁵ “C'alal ta xavac'beic Dios ti oy c'usi ta xich' svocol ta sventa ti slajesobil o'ntonale, ja' me pasic ti c'u s'elan ich'bil tsacbil ta muc' ta xc'ot yu'un ti Diose.

Levítico 19:5 Iomraidhean Croise

2 Crónicas 31:2

Li Ezequiase lic xchapan lec noxtoc c'u x'elan tsjelilan sbaic ta abtel li paleetic xchi'uc levietique, yu'un jech lec ta xchapalchapal tspas li yabtelic ta jujuvoq'uic c'alal chchic'beic smoton Dios, xchi'uc c'alal tsmilbeic smoton sventa co'ol yo'ntonic xchi'uque, xchi'uc c'alal tstojbeic ta vocol, c'alal chalbeic slequilal, xchi'uc c'alal chtunic ta stojol te ta ti'ch'ulnae.

Éxodo 24:5

Te lic yalbe jayibuc queremetic yu'un israeletic ti ac'o smilic tot vacaxetic sventa chchiq'uic ta smoton Dios ti c'u cha'al lec ch-ilatic yu'un Muc'ul Diose.

Ezequiel 46:12

C'alal me oy tsc'an chiyac'bun chic'bil matanal ta yutsil yo'nton li banquilal avu'unique, xchi'uc me chiyac'bun jmoton sventa co'ol co'nton jchi'uque, ja' ac'o yich' jamel li ochebal ta sloq'ueb c'ac'ale; ac'o yac' li matanaletic jech chac c'u cha'al chich' pasel ta sc'ac'alil cuxub o'ntonale. C'alal me iloq'ue, ac'o yich' maquel li ti'nae.

Ezequiel 46:2

Li banquilal avu'unique te ac'o ochuc batel ta ochebal; te ac'o jelovuc batel ti bu muc'ta cuartoe. Te ac'o sva'an sba ta jbej yoyal sti' sba c'olal amac' ti c'alal ja'o chchiq'uic milbil matanaletic li paleetique, xchi'uc ti c'alal ja'o chaq'uic li matanal sventa co'ol co'ntontique. Li banquilale ac'o spatan sba ta banamil te ta sts'el ti'na; ja'o xu' chloc' batel. Li ti'nae jamal ac'o comuc c'alal to ta mal c'ac'al.

Levítico 1:3

“Me vacax chaq'uic sventa chixchic'bicun jmotonine, ja' ac'o yaq'uic li stot ti bu ven leque. Ti c'u cha'al xu' chquich'beique, te ac'o tal yaq'uic ta ti'ch'ulna pasbil ta nucul ta jtojol, vu'un li Muc'ul Diosune.

Levítico 19:4

“Mu me xbat avich'ic ta muc' yan velta li yantic diosetique. Mu me xapas sloc'obal adiosic ta unijesbil taq'uin. Vu'un li Muc'ul Diosun avu'unique.

Levítico 19:6

Li matanal chavaq'uique ac'o yich' ti'el ta yorail no'ox, xchi'uc ta yoc'omal. Me icomelaj ta sventa yoxibal c'ac'ale, ac'o xa yich' chiq'uel.

Levítico 22:19

ja' ac'o yich' tal ti bu ven leque, yu'un jech xu' ta jtsac. Ja' ac'o tal yaq'uic li tot vacaxe, li tot chije, o li tot tentsune,

Levítico 22:21

“Jech noxtoc me oy boch'o chtal yaq'uic jmoton sventa lec chquilique, o me sventa its'aqui xa yu'un li c'usi yaloj tspasique, o me ja' li jmoton ti yutsil no'ox yo'nton chaq'uique, ja' no'ox ac'o yiq'uic tal vacax, o me chij ti ven leque yu'un jech ta jtsacbeic.

Levítico 22:23

Li jmoton ti ta yutsil yo'nton chaq'uique, xu' chiq'uic tal jcotuc tot vacax, o tot chij ti bu mu co'oluc snatiquil yoc sc'obe. Pero me ja' jech chich'ic tal ta sventa tsts'aqui yu'unic spasel c'usi yalojic ta jtojole, mu'yuc ta jtsacbeic.

Levítico 22:29

“C'alal chavac'bicun jmoton sventa oy c'usi chatojbicun ta vocole, ja' me jech xapasic jech chac c'u cha'al tsc'an pasel ta sventa lec tsacbil chc'ote.

Levítico 7:16

Yan me ja' matanal sventa chapasic c'usi avalojic ta jtojole, o me yutsil no'ox avo'nton laj avaq'uique, xu' chati'ic te no'ox ta sc'ac'alil noxtoc, xchi'uc xu' to chaq'uejic sventa yoc'omal ti c'u yepal chcom avu'unique.

Levítico 7:18

Me oy to boch'o tsti' ta xcha'ejal li matanal sventa chanopajic ta jtojole, mu'yuc ta jtsacbe o li boch'o laj yaq'ue, jech mu'yuc tsacbil ta venta chcom o. Mu'yuc stu chquil o li c'usi laj yich' aq'uele. Li boch'o la sti'e, oy smul chcom o.