Levítico 19:3 - Bible in Tzotzil de Chenalhó with Deuterocanon

³ “Jujunoxuc ich'ic ta muc' li atot ame'ique. “Chabiic me li sc'ac'alil chacux avo'ntonique, vu'un li Muc'ul Diosun avu'unique.

Bible in Tzotzil de Chamula

³ “Ti jujunoxuque, bic'tajeso abaic ta snijanel xchimanel abaic ta yich'el ta muc' ti atotique xchi'uc ti ame'ique. “Ich'ic ta muc' xtoc ti sc'ac'alil cuxob o'ntonale. Yu'un vu'un ti Ajvalil Diosun avu'unique.

Levítico 19:3 Iomraidhean Croise

Génesis 48:12

Li Josee la snit loq'uel li chib xnich'nab te patajtic ta yo' stote. Lic spatan sba ta banamil ta stojol li stote.

Nehemías 9:14

Laj avalbe noxtoc ti oy jun c'ac'al xcuxubil co'ntoncutique, ti ja' jun c'ac'al voc'bil o ta atojole, xchi'uc ti ja' ta sventa Moisés laj avac' comel li mantaletic, li chanubtaseletic, xchi'uc li c'usitic yantic laj avale.

Éxodo 16:29

Na'ic me ti vu'un cac'oj li jun c'ac'al sventa chacux avo'ntonic, vu'un li Muc'ul Diosune. Ja' yu'un ta svaquibal c'ac'ale chacac'boxuc ave'elic sventa chib c'ac'al. Ta svucubal c'ac'ale mu'yuc xa boch'o xu' chloc' ta sna avu'unic li jujunoxuque; te no'ox chacomic o —xut.

Éxodo 20:12

“Ich'o ta muc' atot ame', yu'un jech jal chacuxi te ta banamil ti bu chacac'boxuc vu'un li Muc'ul Diosun avu'unique.

Éxodo 20:8

“Na'ic me li sc'ac'alil chacux avo'ntonic sventa chavoc'bicun ta jventae.

Éxodo 21:15

“Li boch'o ta smaj stot sme'e, ac'o yich' milel.

Éxodo 21:17

“Jech noxtoc li boch'o yan xich' xalbe stot sme'e, ac'o yich' milel.

Proverbios 1:8

Jnich'on, a'yo me lec ava'ay c'u x'elan chaxchanubtasot li atote; mu me xabaj li bijubtasel chayac'bot ame'e.

Proverbios 23:22

Ch'uno me c'usi chayalbot li atote yu'un xnich'onot; mu me xabaj ame' ti c'alal me'el xae.

Proverbios 30:11

Oy boch'otic ta xchopolc'opta li stotique, xchi'uc mu'yuc lec chalbeic sc'oplal li sme'ique.

Proverbios 30:17

Li boch'o tsna'le stote xchi'uc ti tsbajbe smantal sme'e ja' smoton ti ac'o yich' loq'uesbel sbec' sat yu'un jojetique, xchi'uc ti ac'o yich' ti'el yu'un xiquetique.

Isaías 58:13

“Chabiic me li sc'ac'alil chacux avo'ntonique; mu me xachonolajic, mu me xamanulajic ta yorail li ch'ul c'ac'al cu'une. Li jun c'ac'al le'e, ja'uc me sc'ac'alil ti xcuxet no'ox avo'ntonique; ja'uc me ch'ul c'ac'al chc'ot avu'unic sventa chavich'icun ta muc'. Tsotsuc me sc'oplal chava'yic, mu me bu xaxanovic; mu me xachonolajic, mu me xamanulajic; mu me xachapan ava'yejic.

Ezequiel 20:12

Laj cac'beic noxtoc li sc'ac'alil cuxub o'ntonal cu'une, yu'un ja' sna'ubil chcom ta stojolic xchi'uc ta jtojol, jech tsna'ic ti vu'un jts'u'iltasoj, vu'un li Muc'ul Diosune.

Levítico 11:44

yu'un vu'un Muc'ul Diosun avu'unic, jech tsc'an chavac' abaic ta tuq'uibtasel, xchi'uc tsc'an tuc' avo'ntonic yu'un li vu'une tuc' co'nton. Jech tsc'an ti mu xasoques abaic ta sventa li chonetic ti xjochet, ti xquilet ta banamil chanovique.

Levítico 19:25

Ta yo'bal jabile xu' xa chalo'beic li sate, jech chac' lec sat li ts'unubaltic avu'unique. Jech chcal, vu'un li Muc'ul Diosun avu'unique.

Levítico 19:30

“Ich'ic me ta muc' li sc'ac'alil chacux avo'ntonique. Ich'ic me ta muc' li ch'ulna cu'une. Vu'un li Muc'ul Diosune.

Levítico 19:31

“Mu me c'usi xbat ajaq'uic ta stojol li j'ic'ch'ulelaletique xchi'uc li jt'unuletique. Mu me xabolibtas abaic ta scojic. Yu'un vu'un Muc'ul Diosun avu'unic.

Levítico 19:34

Cuyic jech chac c'u cha'al mero achi'ilic ta israelal, c'anic lec jech chac c'u cha'al ac'anoj abaic li vo'oxuque. Yu'un ja' jech yanlum c'otemoxuc ec ti c'alal te to'ox oyoxuc ta Egiptoe, vu'un li Muc'ul Diosune.

Levítico 23:3

“Vaquib no'ox c'ac'al xu' cha'abtejic; yan ta svucubal c'ac'ale ja' sc'ac'alil chacux avo'ntonic. Ja' yorail chapasic jun ch'ul tsobajel sventa chavich'icun ta muc', jech mu xu' chapasic jchopuc abtel. Buyuc no'ox nacaloxuc batel, ja' sc'ac'alil chacux avo'ntonic o li jun c'ac'al le'e.

Levítico 26:2

Chabiic me li sc'ac'alil chacux avo'ntonic cu'une; ich'ic me ta muc' li ch'ulna cu'une, vu'un li Muc'ul Diosune.

Malaquías 1:6

Li Muc'ul Diose jech chalbe li paleetique: “Li nich'onile chich' ta muc' li stote; li mozoe chich' ta muc' li yajvale. Pero vu'un li Atoticune ¿bu ti chavich'icun ta muq'ue? Vu'un li Avajvalicune ¿bu oy li jxi'elal chava'yique? Li vo'oxuque mu'yuc xa tsots sc'oplal ta avo'ntonic ti ich'biluc ta muc' li jbie, pero jech to chajaq'uic noxtoc: ‘¿C'usi la jpascutic ti mu'yuc tsots ac'oplal ta co'ntoncutique?’, xachiic.

Deuteronomio 27:16

‘Ac'o ac'batuc stoj li boch'o mu xich' ta muc' stot sme'e’, ac'o xiicuc. ‘Jechuc’, ac'o xiicuc scotol li jchi'iltactique.

Deuteronomio 5:16

‘Ich'o ta muc' atot ame'ic, jech chac c'u cha'al calojboxuc ono'ox vu'un li Muc'ul Diosun avu'unique. Jech lec chabatic, xchi'uc jech jal chacuxiic te ta avosilic ti bu chacac'boxuque.

Hebreos 12:9

Li jtotic li' ta banamile laj yalbutic mantal, laj yac'butic nucul ti c'alal ololutic toe, pero laj quich'tic ta muc'. ¿C'u yu'un mu ech'emuc to jech chquich'tic ta muc' c'usi chijyalbutic li Jtotic ti ja' laj yac'butic jch'uleltique, yu'un ja' sventa chijcuxiutic?