Levítico 19:22 - Bible in Tzotzil de Chenalhó with Deuterocanon

²² Li palee ac'o yac' ta ch'aybel smul li vinic ta sventa li jcot chij chaq'ue. Jech ch'aybil smul chc'ot li vinique.

Bible in Tzotzil de Chamula

²² Ta sventa ti jcot chij taje, ti ta xich' svocol ta scoj ti colo'ile, jech ti pale une ta sc'anbe Dios ti ac'o ch'aybatuc smul ti vinic taje. Jech ti bu laj sta smule, ch'aybil xc'ot.

Levítico 19:22 Iomraidhean Croise

Levítico 19:21

Li vinique ac'o yic'bun tal jcotuc chij te ta ti'ch'ulna pasbil ta nucul; ja' matanal ta sventa li smul la stae.

Levítico 19:23

“C'alal me la'ochic xa batel ta avosilalique, me laj ats'unic te'etic ti stac' lo'bel sate, oxib jabil mu xu' chatul alo'ic.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.