Levítico 19:2 - Bible in Tzotzil de Chenalhó with Deuterocanon

² “Jech xavalbe ya'yic scotol li achi'iltac ta israelale: “Tuc'uc me avo'ntonic, yu'un vu'un li Muc'ul Diosun avu'unique tuc' co'nton.

Bible in Tzotzil de Chamula

² “Xi xcholet xavalbe ya'iic scotol ti c'u yepal oy ti israeletic jech c'u cha'al li'e: Oyuc alequilalic avutsilalic, yu'un ti vu'un Ajvalil Diosun avu'unique, jelavem jlequilal cutsilal ta j'ech'el.

Levítico 19:2 Iomraidhean Croise

Salmos 99:3

Ac'o ich'biluc o ta muc', yu'un toj ech'em smuc'ul, ja' no'ox stuc xi'bil. Ja' Ch'ul Dios stuc.

Éxodo 19:6

Vo'oxuc pale c'otemoxuc cu'un, xchi'uc vo'oxuc jun lum ti voc'biloxuc o ta jtojole’, xi li Diose, uto li achi'iltaque —x'utat li Moisese.

Éxodo 22:31

“Li vo'oxuque tsc'an ch'ul vinic chapas abaic ta jtojol. “Mu me xati'beic scomelal sbec'tal ats'unub avovolic ti lajem xa ta ti'el yu'un jti'val chonbolometique; ac'beic sti' ts'i'etic.

Levítico 19:1

Li Muc'ul Diose la sc'opan yan velta li Moisese, jech laj yalbe:

Levítico 20:26

Ja' yu'un tuc' me xapas abaic ta jtojol, yu'un vu'un li Muc'ul Diosune tuc' co'nton. Vu'un la jt'ujoxuc loq'uel ta stojol li yantic lumetique, yu'un jech jteclumal chac'otic.

Levítico 20:7

“Tuq'uibtaso me abaic, jech tuc' chac'otic ta jtojol; vu'un li Muc'ul Diosun avu'unique.

Levítico 21:15

Yu'un jech mu chopoluc sc'oplalic xnich'nabtac xchi'uc smomnich'nabtaquic te ta stojol li xchi'iltaque. Yu'un vu'un li Muc'ul Diosune, vu'un la jts'u'iltasic jech voc'bil chcomic o ta jtojol”, xi li Muc'ul Diose.

Levítico 21:23

Ja' no'ox mu xu' ch-ochic batel te ta spat li veloe, xchi'uc mu xu' ta xnopajic ta sts'el li scajleb jmotone yu'un xu' tsoquesic jch'ulna ta sventa ti mu'yuc lequique. Yu'un li paleetique voc'bilic cu'un. Vu'un li Muc'ul Diosune”, x'utat li Moisese.

Levítico 21:8

Voc'bil ac'o comicuc o ta sventa scotol, yu'un ja' oy ta sventaic chaq'uic li pan te ta jtojol, vu'un li Diosune. Jech tsc'an ch'ul viniquetic ac'o comicuc o ta atojolic ec, yu'un vu'un ti la jts'u'iltasique, ch'ul Muc'ul Diosun.

Amós 3:3

Me oy chib co'ol ta xchi'in sbaic ta xanubale, yu'un lec chil sbaic.

San Mateo 5:48

Tsc'an vo'oxuc lec avo'ntonic jech chac c'u cha'al lec yo'nton li Jtotic Dios te oy ta vinajele”, xi li Jesuse.

2 Corintios 7:1

Ja' yu'un vo'oxuc ti lec jc'anojoxuque, ja' jc'oplaltic ti va'ay x'elan yaloj li Diose. Jech tsc'an ac'o me jq'uel jbatic ta sventa li c'usi tsoques jbec'taltic xchi'uc co'ntontique. Ja' tsc'an chijlecubutic o batel ta sventa ti quich'ojtic xa ta muc' li Diose.

Efesios 1:4

Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Deuteronomio 27:10

Ja' yu'un ja' tsc'an chach'unbeic scotol li smantaltaque xchi'uc li c'usitic yan yaloj li' chacalboxuc ava'yique”, xut.

Josué 24:19

Li Josuee jech laj yalbe: —Mu xu' avu'un chatunic yu'un li Muc'ul Diose. Yu'un li Diose bats'i tuc' yo'nton; it'ix yo'nton me yan boch'o chquich'tic ta muq'ue. Mu sts'ic yu'un li atoyobbailic ta stojole, xchi'uc li amulique.

1 Samuel 2:2

Mu'yuc yan ch'ul Muc'ul Dios jech chac c'u cha'al vo'ot. Dios cu'un, mu'yuc yan jpojubbail jech chac c'u cha'al vo'ot. Mu'yuc boch'o yan jech chac c'u cha'al vo'ot.