Levítico 19:18 - Bible in Tzotzil de Chenalhó with Deuterocanon

¹⁸ “Mu me tojtoj paqueluc avu'unic li c'usi chapasbatique; mu me tojtoj ilineloxuc no'ox ta stojol li achi'iltaquic ta israelale. C'ano achi'il jech chac c'u cha'al c'ux ta avo'nton abec'tal atuc, yu'un vu'un Muc'ul Diosun.

Bible in Tzotzil de Chamula

¹⁸ “Mu me ja'uc xapas ti ta xa xapac ava'i sutele. Mi ja'uc ti xti'et xa xcapet xa ajol ta stojol ti avinquilele. C'uxubino ti avinquilel jech c'u cha'al ta xac'uxubin abae. Yu'un vu'un ti Ajvalilune.

Levítico 19:18 Iomraidhean Croise

Génesis 4:23

Ta yan c'ac'al li Lameque jech laj yalbe li yajniltaque, ja' li Ada xchi'uc Zila: “A'yo ava'yic lec c'usi chacalboxuc: laj xa jmil jun vinic ta scoj la syayijesun, xchi'uc la jmil jun querem ta scoj la smajun.

2 Samuel 13:22

Jech ec li Absalone mu'yuc c'usi laj yalbe li Amnone, ac'o me toj chopol laj yil ti i'uts'intabat yixlale.

2 Samuel 13:28

Xchi'uc jech xa'ox yalojbe li smozotaque: “Q'uelic me lec, c'alal me laj avilic ep xa bat yuch'el vino yu'un li Amnone, me laj calboxuc ti ac'o amilique, milic ta ora. Mu me xaxi'ic, yu'un vu'un chacalboxuc mantal. Ja' yu'un tsotsanic me; mu me xaxi'ic”, xut.

Salmos 103:9

Mu j'ech'eluc ch-ilin o ta jtojoltic; muc teuc snac'oj o ta sbatel osil li sc'ac'al yo'ntone.

Éxodo 20:16

“Mu me xanopbe smul achi'ilic.

Proverbios 20:22

Mu me xaval ti vo'ot chapac ac'oplal atuque; malao c'u x'elan chascoltaot stuc li Muc'ul Diose.

Levítico 19:34

Cuyic jech chac c'u cha'al mero achi'ilic ta israelal, c'anic lec jech chac c'u cha'al ac'anoj abaic li vo'oxuque. Yu'un ja' jech yanlum c'otemoxuc ec ti c'alal te to'ox oyoxuc ta Egiptoe, vu'un li Muc'ul Diosune.

San Mateo 19:16

Te ital jun querem vinic, jech la sjac'be li Jesuse: —Jchanubtasvanej, ¿c'usi lec tsc'an ta jpas ti xu' chicuxi o sbatel osile? —xut.

San Mateo 19:19

Ich'o ta muc' atot ame'. C'ano achi'il jech chac c'u cha'al c'ux ta avo'nton abec'tal atuc’, xi li mantale —xut.

San Juan 13:34

Ta xcalboxuc comel jun ach' mantal, c'anano me abaic. Jech chac c'u cha'al la jc'anoxuc li vu'une, ja'uc me jech chac'anan abaic li vo'oxuque.

Hechos 16:28

Tsots i'avan li Pabloe, jech laj yal: —¡Mu xamil aba, li' oyuncutic jcotolcutique! —xut.

Romanos 12:17

Mu me chopoluc spacol xavac'beic li boch'o chopol c'usi chaspasboxuque. Aq'uic persa spasel c'usi lec ta stojol scotol cristianoetic.

Romanos 12:19

Vo'oxuc ti lec jc'anojoxuque, mu me xapac ac'oplal atuquic. Ja' ac'beic spac sutel stuc li Diose. Yu'un jech ts'ibabil ta sc'op Dios: “Vu'un oy ta jventa ta xcac'be spacol; vu'un jtuc ta xcac'be stoj”, xi li Cajvaltic Diose.

Romanos 13:4

Yu'un ja' yajtunel Dios li ajvaliletique, ja' sventa alequilalic. Pero me chopol c'usi chapasique, xi'anic me, yu'un mu alticuc ti oy ta sc'ob yabtejebique. Yu'un ja' yajtunel Dios; ja' oy ta sventa chac'be stoj smul li boch'otic chopol c'usi tspasique.

Romanos 13:9

Yu'un li mantale jech chal: “Mu me xamulivaj; mu me xamilvan; mu me xa'elc'aj; mu me xac'upinbe c'usi oy yu'un achi'il”, xi. Li yantic mantaletic yaloj Diose jmoj xa tsobol o xchi'uc li jun mantal yaloj Dios jech chac li'i: “C'ano achi'il jech chac c'u cha'al c'ux ta avo'nton abec'tal atuc”, ti xie.

Gálatas 5:14

Yu'un li smantaltac Diose ta jbel xa no'ox c'op xu' tstsac sba ta scotol jech chac li'i: “C'ano achi'il jech chac c'u cha'al c'ux ta avo'nton abec'tal atuc”, ti xie.

Gálatas 5:20

yich'el ta muc' c'usitic mu ja'uc Dios, ac'chamel, contrainvanej, liquesejc'op, ti'o'ntavanej, sbic'tal o'ntonal, tsalbail, voc'bail, sa'el c'usi lec ta ch'unel chca'itic,

Efesios 4:31

Jipic loq'uel ta atojolic li c'usitic toj c'uxic chavalbe abaique, li sc'ac'al avo'ntonique, li sbic'tal avo'ntonique, xchi'uc ti xac'aq'uet no'ox chac'opojique, xchi'uc li chopolc'optavaneje, xchi'uc li c'usitic yantic chopole.

Deuteronomio 32:25

Li yalab xnich'nabique ta xlajic ta milel ta espada te ta xoraltic. Puru xi'el cha'yic scotol c'ac'al ta jujun snaic. Ta xchamic li querem tsebetique li mol me'eletic xchi'uc li ololetic ti ta to xchu'unique.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.

Colosenses 3:8

Pero li' ta orae comtsanic scotol li c'usitic chopole: ja' ti stsoq'uet no'ox avo'ntonique, ti ta anil no'ox cha'ilinique, ti xcupet no'ox sc'ac'al avo'ntonique, ti chachopolc'opojique, xchi'uc li c'usitic mu'yuc stu chloc' ta aveique.

Hebreos 10:30

Yu'un ta jna'tic ti jech yaloj Diose: “Vu'un ta jpac sutel jtuc; vu'un ta xcac'be stojol”, xi. Jech yaloj noxtoc: “Vu'un Diosun, vu'un ta jchapan li jteclumale”, xi.

Santiago 2:8

Me ta melel chach'unbeic li smantaltac Dios ti ts'ibabil jech chac li'i: “C'ano me achi'il jech chac c'u cha'al c'ux ta avo'nton abec'tal atuc”, xie, ta melel lec c'usi chapasic.

1 Pedro 2:1

Ja' yu'un tsc'an chacomtsanic scotol li c'usitic chopole, li lo'lavaneje, ti chamacbeic sat achi'ilique, li ti'o'ntavaneje, xchi'uc scotol li lo'iltavaneje.

1 Juan 4:21

Yu'un li smantal Cajvaltic laj yalbutic comele: li boch'o ta sc'an Diose ac'o sc'an noxtoc li xchi'iltaque, xi.