Levítico 19:15 - Bible in Tzotzil de Chenalhó with Deuterocanon

¹⁵ “Mu me chopoluc xachapanvanic. Mu me ja'uc xapojic li me'one; mu me ja'uc xavich'ic ta muc' li jc'uleje. Tuc' me xachapanic li achi'iltaquique.

Bible in Tzotzil de Chamula

¹⁵ “Ti c'alal xi s'elan ta xaval ti buch'u ta xachapbe sc'oplale, mu xapas xajoybin ti c'ope: Mu xapoj ti buch'u mu xu' yu'un ta spoj sbae. Mi ja'uc xapacbe sc'oplal ti buch'u xi'bile. Ja' me tamo ta spasel ti lequil chapel ti c'alal ta xachapanvane.

Levítico 19:15 Iomraidhean Croise

Job 13:8

¿Me xu' chanopic ti ta sventa Dios chavalic boch'o chc'uxubinate? ¿Me yu'un vo'oxuc chac'opojic sventa chacoltaic ta lo'il li Diose?

Job 32:21

Li vu'une mu'yuc ta jt'uj boch'o ta jc'uxubin; muc t'ujbiluc no'ox boch'o lec chquil.

Job 34:19

Li stuque mu'yuc tst'uj boch'o chc'uxubin, ma'uc tscolta li banquilaletique, ma'uc ech'em chich' ta muc' li jc'ulejetique, ma'uc tsjip li me'onetique; co'ol tspasbe, yu'un ja' spasoj scotol.

Salmos 82:2

“¿Jayib to c'ac'al ti jech toj ven chopol chachapanvanique, ti ja' no'ox chavac' abaic ta stojol li boch'otic chopolique?

Éxodo 18:21

Jech noxtoc t'ujo loq'uel ta stojol achi'iltac ta israelal jayibuc viniquetic ti oy lec sbijilique, ti lec yich'ojic ta muc' Diose, ti tuc' xc'opojique, ti mu xch'am smotonique. Ac'bo yabtelic; ac'o tsventainic li achi'iltaquique. Ac'bo sventainic jmil (1,000), vo'vinic (100), lajuneb yoxvinic (50), lajuneb ta jujuvoc'.

Proverbios 18:5

Li jchapanvanejetique mu lecuc me ja' tscoltaic li boch'o oy smule, xchi'uc me ja' mu xaq'uic c'opojuc li boch'o mu'yuc smule.

Proverbios 24:23

Li'i ja' bijubtaseletic laj yalic noxtoc li boch'otic bijique: Me t'ujbil no'ox boch'o chich' ich'bel ta muc' ya'yej c'alal oy chapanele, mu lecuc.

Proverbios 31:9

C'opojan, tuc' xachapanvan; coltao li me'onetique xchi'uc li boch'otic toj abul sbaique.

Levítico 19:35

“Mu me xapasic manya ti c'alal chabis avosilique xchi'uc li c'usiuc no'ox chabisique.

San Juan 7:24

Mu me xatiq'uic mulil ta ora no'ox ta sventa c'usi chich' pasel. Ja' tsc'an chaq'uelic lec ta melel me oy li mulile —xi li Jesuse.

Hechos 23:3

Li Pabloe jech laj yalbe: —Ja' ta xlic smajot stuc li Diose, vo'ot ti ja' jechot jech chac c'u cha'al pac'benal na ti bonbil lec ta tane. Chotolot xa chachapanun ta sventa smantaltac Dios acuyoj aba. Pero vo'ot atuc chabajbe smantal Dios ta sventa ti laj aval ac'o smajbicun quee —xut.

Deuteronomio 1:17

C'alal chachapanvanique, mu me xat'ujic li boch'o chac'uxubinique. Co'ol me xachapanic scotol, ac'o me muc ich'bilicuc ta muc', o me ich'bilic ta muc'. Mu me boch'o xaxi'ic yu'un, yu'un li avabtelic chachapanvanique ja' sventa Dios. C'alal me oy c'usi toj tsots ti mu xu' avu'unique, xtal avalbicun. Vu'un ta jchapan’, xcutic.

Deuteronomio 10:17

Yu'un li Muc'ul Dios cu'untique ja' Dios yu'un scotol li yan diosetique, xchi'uc ja' Ajvalil yu'un scotol li ajvaliletique. Ja' no'ox stuc sventainoj scotol, ech'em tsatsal. Ja' no'ox stuc xi'bil. Muc t'ujbiluc no'ox tspas li boch'o chc'uxubine. Muc ta taq'uinuc chac' li c'uxubinele.

Deuteronomio 16:19

Mu me xasoquesic li tuq'uil chapanele. Mu me xat'ujic li boch'o chacoltaique. Mu me xach'amic taq'uin ti c'alal chachapanvanique. Yu'un li taq'uine tspas ta ma'sat yu'un li boch'otic bijique, xchi'uc chlic socbe sc'op li boch'otic tuc' yo'ntonique.

Deuteronomio 27:19

‘Ac'o ac'batuc stoj li boch'o chopol c'usi tspasbe jun yanlum cristianoe, me me'on ants, o me jun me'on olol’, ac'o xiicuc. ‘Jechuc’, ac'o xiicuc scotol li jchi'iltactique.