Levítico 19:11 - Bible in Tzotzil de Chenalhó with Deuterocanon

¹¹ “Mu me xa'elc'ajic. Mu me xa'epalc'opojic; mu me xalo'la abaic.

Bible in Tzotzil de Chamula

¹¹ “Mu xa'elc'ajic. Mu xajutic c'op. Mi ja'uc xalo'laan abaic.

Levítico 19:11 Iomraidhean Croise

2 Samuel 17:20

C'alal ic'otic li svinictac Absalone, jech la sjac'beic li antse: —¿Bu oyic li Ahimaas xchi'uc Jonatane? —xutic. Itac'ov li antse: —Li' ijelovique; xi ibatic ta stuq'uil uc'ume —xi. Jech ibat st'unic, pero muc staic. Jech isutic batel ta Jerusalén.

1 Reyes 13:18

Pero li mol j'alc'ope lic epalc'opojuc, jech laj yal: —Li vu'une j'alc'opun ec jech chac c'u cha'al li vo'ote. Oy jun j'almantal tac'bil tal yu'un Muc'ul Dios laj yalbun ti persa chquic'ot batel ta jna, chbat ve'an chbat avuch' vo' tee —xut.

Salmos 101:7

Li jlo'lavanejetique mu xcac' comicuc li' ta jna; li j'epalc'opetique mu jc'an xtal va'iicuc ta jsat.

Salmos 116:11

Jech laj cal ti c'alal i'ech' xa co'nton laj ca'ye: “Mu'yuc c'usi ta jta o yu'un li cristianoetique, puru j'epalc'opetic”, xichi.

Éxodo 20:15

“Mu me xa'elc'ajic.

Éxodo 20:16

“Mu me xanopbe smul achi'ilic.

Éxodo 20:17

“Mu me xapich'-o'ntabe sna achi'ilic. Mu me xapich'-o'ntabe yajnil achi'ilic, me smozo, me squiara, me xvacax, me sburo, o c'usiuc no'ox yantic oy yu'un”, xi li Diose.

Éxodo 22:1

“Me oy boch'o ta xelc'an jcotuc vacax, o me jcotuc chije, me la smil, o me la xchon batele, ac'o yac' vo'cotuc vacax ta xq'uexol li jcot vacax laj yelc'ane. Xchi'uc ac'o yac' chancotuc chij ta xq'uexol li jcot chij laj yelc'ane.

Éxodo 22:7

“Me oy boch'o chac'be xchabi saquil taq'uin yuts' yalal, o me ja' li c'usi toj toyolic stojole, me tal elc'anbatuc loq'uel ta sna li boch'o xchabioje, me laj yich' tael li j'eleq'ue, ac'o stoj chib velta ti c'u yepal stojol c'usi laj yelc'ane.

Éxodo 23:1

“Mu me xavalic c'usi mu meleluc; mu me xachi'inic li boch'otic chopolique, yu'un jech mu teuc xa'ochic ta j'epalc'op testigo yu'unic ta sventa li c'usi chopol tspasique.

Proverbios 24:28

Mu me xava'an aba ta j'epalc'op testigo ta scontrainel li achi'ile; mu me xalo'lavan achi'uc li avee.

Jeremías 6:13

“Yu'un c'alal ta biq'uit ta muc' batem ta yo'ntonic sa'el li c'usi chtun yu'un stuquique. C'alal ta j'alc'opetic ta paleetic, puru lo'lavanej tspasic.

Levítico 19:10

Jech noxtoc mu me xbat ac'uxc'ultabeic sat li ats'usubique, xchi'uc mu xa me xatamic li butic bajemique. Te ac'o comuc ta sventa me'onetic xchi'uc ta sventa yanlumetic. Vu'un li Muc'ul Diosun avu'unique.

Romanos 3:4

Mu'yuc bu chlaj sc'oplal. Yu'un li Diose bats'i melel xc'opoj o; yan li cristianoetique mu xc'ot xc'opojic, jech chac c'u cha'al ts'ibabil ono'ox ta sc'op Diose: “Jech chvinaj ti tuc' chac'opoje, xchi'uc ti chatsalvan c'alal chavich' chapanele”, xi ts'ibabil.

Efesios 4:25

Ja' yu'un comtsanic li epalc'ope; meleluc scotol li c'usitic chavalbe abaique. Yu'un jun no'ox c'otemoxuc, jmoj atsacoj abaic ta acotolic.

Efesios 4:28

Li boch'o ch-elc'aje, mu xa me x'elc'aj. Ac'o abtejuc, ac'o stunes ta spasel lequil abtel li sc'obe, yu'un jech xu' chlic scolta li boch'otic abul sbaique.

Deuteronomio 5:19

‘Mu me xa'elc'ajic.

Colosenses 3:9

Mu xa me xavepalc'opta abaic, yu'un laj xa ajipic comel li poco' atalelique xchi'uc li yabtelal chapasic to'oxe.

1 Timoteo 1:10

xchi'uc li boch'o ta xmulivajique, xchi'uc ti chmulivajic ta xchi'il no'ox sbaic ta vinicale, xchi'uc li boch'o ta xchonvanic ta mozoile, xchi'uc li j'epalc'opetique, xchi'uc li boch'o tst'abbeic sbi Dios ta sventa yepalc'opique, xchi'uc li boch'otic ta scontrainic li lequil chanubtasele.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.