Levítico 19:10 - Bible in Tzotzil de Chenalhó with Deuterocanon

¹⁰ Jech noxtoc mu me xbat ac'uxc'ultabeic sat li ats'usubique, xchi'uc mu xa me xatamic li butic bajemique. Te ac'o comuc ta sventa me'onetic xchi'uc ta sventa yanlumetic. Vu'un li Muc'ul Diosun avu'unique.

Bible in Tzotzil de Chamula

¹⁰ Mi ja'uc xabejel c'uxc'ulta ta j'ech'el ti sat uvatic ti c'alal ta xatul ti oy ta avosile. Mi ja'uc xabejel tsob ti lamal ta lumtique. Comuc xa ta sventa ti me'un mu'natetique xchi'uc ti jyanlumetique. Yu'un vu'un ti Ajvalil Diosun avu'unique.

Levítico 19:10 Iomraidhean Croise

Isaías 17:6

ti jlicanticuc xa no'ox chcom yu'un ta nomstaje, xchi'uc li boch'o tsten sat oliva ti jbejcantic xa chcom yu'un ta jec sc'obe, ti oy ja' xa no'ox chcom chanbej, vo'bejuc yu'un ta scotole, xi li Muc'ul Dios yu'un Israele.

Isaías 24:13

Li yajvaltaque ja' jech jbejcantic chcomic jech chac c'u cha'al sat oliva ti c'alal chich' lilinele, o jech chac c'u cha'al sat ts'usub ti chich' cha'c'uxc'ultael c'alal me laj xa yich' tulbel scotol sate.

Jeremías 49:9

Li boch'otic ta stsobic ts'usube oy to bu ta xcom jutuc yu'unic. C'alal ta xtal j'eleq'uetic ta ac'ubaltique, ja' no'ox ta xich'ic batel li c'u yepal chtun yu'unique.

Levítico 11:44

yu'un vu'un Muc'ul Diosun avu'unic, jech tsc'an chavac' abaic ta tuq'uibtasel, xchi'uc tsc'an tuc' avo'ntonic yu'un li vu'une tuc' co'nton. Jech tsc'an ti mu xasoques abaic ta sventa li chonetic ti xjochet, ti xquilet ta banamil chanovique.

Levítico 19:11

“Mu me xa'elc'ajic. Mu me xa'epalc'opojic; mu me xalo'la abaic.

Levítico 19:25

Ta yo'bal jabile xu' xa chalo'beic li sate, jech chac' lec sat li ts'unubaltic avu'unique. Jech chcal, vu'un li Muc'ul Diosun avu'unique.

Levítico 19:9

“C'alal tsta yorail chatuch' atrigoique, mu me solel xquechetuc xatuch'ic, xchi'uc mu me xbat acha'q'uelic ti butic icome.

Levítico 23:22

“C'alal tsta yorail chatuch' atrigoique, mu me solel xquechetuc xatuch'ic scotol, xchi'uc mu xa me xbat acha'q'uelic ti butic chcome. Te ac'o comuc ta sventa me'onetic xchi'uc yanlumetic. Jech chcal; vu'un li Muc'ul Diosun avu'unique”, xi li Muc'ul Diose.

Levítico 25:6

Ti c'u yepal c'usitic chloc' c'alal yorail chcux li avosilique, ja' yu'unic o li amozoique, li aquiaraique, li aviniquic ta abtele, xchi'uc li yanlumetic ti te co'ol nacaloxuc achi'uquique.

Abdías 1:5

“Me oy chtal j'eleq'uetic ta ac'ubaltic, yu'un chtal yelc'anic c'usi oy avu'une, mu'yuc ta xich' batel scotol. Me chtalic li jtuch'-ts'usubetique, ta to xascomtsanboxuc jchojcantic li ats'usube. Pero li vo'ote j'ech'el chavich' ulesel o.

Miqueas 7:1

Ay, toj abul jba, yu'un ja' jechun jech chac c'u cha'al boch'o chbat xc'uxc'ulta li c'usi tulbil xae, ti chbat to sq'uel me oy to tsta li ts'usub ti c'alal tulbil xa'ox sat, ti c'alal pits'bil xa'ox ya'lele, pero mu'yuc xa jta jchojuc; me jbejuc sba sat ti ja' tsc'an co'ntone mu'yuc la jta.

Deuteronomio 24:19

“C'alal me oy chch'ay ta avo'ntonic jchucuc atrigoic ti c'alal yorail chatuch'ique, mu xa me sut at'unic. Te ac'o comuc ta sventa li yanlum cristianoetic te nacal ta atojolique o me me'onetic ti mu'yuc xa stot sme'ique o me me'on antsetic. Me jech chapasique, li Muc'ul Dios cu'untique chayac'boxuc ep bendición yu'un lec li c'usitic chapasique.

Deuteronomio 24:20

“C'alal chalilinbeic ta te' sat li oliva te'etic avu'unique, mu me sut atulic me oy to chcom ta sc'obc'obtaque. Te xa ac'o comuc ta sventa yanlumetic, ta sventa me'on ololetic, xchi'uc ta sventa me'on antsetic.

Deuteronomio 24:21

“Jech noxtoc c'alal chatulbeic sat li ts'usubetic avu'unique, mu me xbat acha'tulic me oy to chcom avu'unique. Te xa ac'o comuc ta sventa yanlumetic, ta sventa me'on ololetic, xchi'uc ta sventa me'on antsetic.

Jueces 8:2

Li Gedeone jech itac'ov: —Q'uelavilic, vo'oxuc toj ep laj apasic jech chac c'u cha'al la jpas li vu'une. Ac'o me mu'yuc ep c'usi laj apasic, pero ja' toj tsots sc'oplal; ja' jutuc no'ox tsots sc'oplal li c'usitic ep la jpascutic vu'uncutique.

Rut 2:2

Li Rute jech laj yalbe li Noemie: —Me chacoltaun batel, yu'un chibat ta trigoaltic, ta jq'uel me oy junuc jtuch' trigo chac'bun jtsob batel ti bu chcom ta tuch'el yu'une —xut. —Lec oy, batan tseb —xi itac'ov li sme'el'alibe.