Levítico 18:9 - Bible in Tzotzil de Chenalhó with Deuterocanon

⁹ “Mu me xac'opan avixic, o avixlalic ac'o me ja' xnich'on atotic, o me yol ame'ic, yu'un ja' acha'vix, acha'ixlalic; mu me xac'opan aba achi'uquic.

Bible in Tzotzil de Chamula

⁹ “Mu stac' xata ta chi'inel ti achi'il ta voq'uele, mi ja' ti jun atotic xchi'uque, mi ja' ti jun ame'ic xchi'uque, mi ja' ti lavoq'uic ta jun na xchi'uque, mi ja' voc' talel ta yan nae. Ta jbel sc'oplal mu stac' xata ta chi'inel.

Levítico 18:9 Iomraidhean Croise

Ezequiel 22:11

Oy boch'o la sc'opanbe yajnil xchi'ilic noxtoc; oy boch'o la sc'opan yalib noxtoc ti solel toj q'uexlal sbae; oy boch'o laj yuts'intabe stseb stot noxtoc.

Levítico 18:10

“Mu me xac'opan amomnich'onic, me stseb aqueremic, o me stseb atsebic; mu me xachi'in aba achi'uquic. Me jech chapasique, chasoques ac'oplal atuquic.

Levítico 18:11

“Mu me xac'opanbe stseb atotic ta yan yajnil, yu'un ja' xnich'on atotic, xchi'uc ja' avixic, o me avixlalic, jech mu xu' chachi'in aba achi'uquic.

Levítico 20:17

“Me oy boch'o ta xic' yixlal, o me xvixe, ac'o me stseb stot, o me stseb sme', me la xchi'in sbaique, xchibalic ac'o yich'ic milel ta sat scotol li achi'iltaque, yu'un toj q'uexlal sba ta sventa ti la xchi'in sbaic xchi'uc yixlale, jech ta smul stuquic ta xchamic.

Deuteronomio 27:22

‘Ac'o ac'batuc stoj li boch'o ta sc'opan xvix, me yixlal, o me xcha'vix, o me xcha'ixlale’, ac'o xiicuc. ‘Jechuc’, ac'o xiicuc scotol li jchi'iltactique.