Levítico 18:5 - Bible in Tzotzil de Chenalhó with Deuterocanon

⁵ “Pasilanic me batel scotol c'ac'al li mantaletic li chanubtaseletic cu'une. Li boch'o ta xch'un yu'une ta xcuxi ta sventa li mantaletique. Jech chcal vu'un li Muc'ul Diosun avu'unique.

Bible in Tzotzil de Chamula

⁵ “Chanic ta spasel ti oy c'usi tsots jbel albile, ti c'usitic nopbil cu'une. Ti buch'u ta xc'ot ta pasel yu'une, ta xch'i xc'opoj. Yu'un vu'un ti Ajvalilune.

Levítico 18:5 Iomraidhean Croise

Nehemías 9:29

Laj ataq'ui, yu'un ac'o xch'unic yan velta li amantaltaque, pero muc xich'ic ta muc'. Ja' no'ox la stoy sbaic ta atojol. Jech te la sta smulic ta sventa li mantaletic avu'un ti sc'oplal tsta o xcuxlejal li boch'o chch'une. La spas ta tsots yo'ntonic; la stoy sbaic ta atojol, jech muc xich'ic o ta muc' li taq'uiel avu'une.

Éxodo 6:2

Li Diose la sc'opan yan velta li Moisese, jech laj yalbe: —Vu'un li MUC'UL DIOSUNE,

Éxodo 6:29

jech i'albat: —Vu'un Muc'ul Diosun. Scotol li c'usi chacalbote, bat albo ya'ay faraón, ja' li ajvalil te ta Egiptoe —x'utat.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

Ezequiel 18:9

ti ja' no'ox tspas o li c'usitic caloje, ti jun yo'nton chch'un li mantaletic cu'une, le'e ja' tuc' yo'nton, mu'yuc smul, ja' ta xcuxi.

Ezequiel 20:11

Te laj cac'beic li mantaletic xchi'uc li chanubtaseletic cu'une, yu'un jech xu' chcuxiic li boch'o ta xch'unique.

Ezequiel 20:13

Pero li smomnich'nab Israele la stoy sbaic ta jtojol te ta xocol banamil. Muc ja'uc la xch'unic li jmantaltaque; la sbajic li chanubtaseletic cu'un ti sc'oplal xu' tsta o xcuxlejalic li boch'o ta xch'unique. Li sc'ac'alil cuxub o'ntonal cu'une la sbolibtasic ta jyalel. Ja' yu'un laj calbeic ti ta jmal ta stojolic li sc'ac'al co'ntone, ti ta xculesic o te ta xocol banamile.

Ezequiel 20:21

‘Pero li nich'naletique la stoy sbaic ta jtojol ec. Muc xch'unic li jmantaltaque; muc xich'ic ta muc' li tojobtaseletic cu'un ti caloj tsta xcuxlejalic o li boch'o ta xch'unique. La sbolibtasic li sc'ac'alil cuxub o'ntonal cu'une, jech la jnop ti ta xculesic te ta xocol banamile, yu'un jech chpaj li sc'ac'al co'nton ta stojolique.

Levítico 18:6

“Me junuc vinic mu me sc'opan jun ants ti ja' yuts' yalale, vu'un li Muc'ul Diosune.

Malaquías 3:6

“Vu'un li Muc'ul Diosune mu jna' jel o co'nton, ja' yu'un muc xaculesoxuc o vo'oxuc li smomnich'naboxuc Jacobe.

San Mateo 19:17

Itac'ov li Jesuse: —¿C'u yu'un chajac'bun ta sventa li c'usi leque? Mu'yuc boch'o yan lec, ja' no'ox lec stuc li Diose. Me chac'an chacuxi sbatel osile, ch'uno li smantaltac Diose —xut.

San Lucas 10:28

Itac'ov li Jesuse: —Toj lec latac'ov. Paso jech, jech chacuxi —xut.

Romanos 10:5

Yu'un me ja' ta sventa mantal tuc' co'ntontic chijyilutic Diose, ja' jech ts'ibabil sc'oplal yu'un Moisés chac li'i: “Li boch'o ta xch'un yu'une ja' ta xcuxi ta sventa li mantaletique”, xi.

Romanos 7:10

Li smantaltac Dios ti sc'oplal ja' chiyac'bun jcuxlejale, yo'to chiyac'un ta lajel.

Gálatas 3:12

Ja' yu'un li mantaletique muc xch'unojel co'ntonticuc no'ox tsc'an. Yu'un jech ts'ibabil: “Li boch'o ta xch'un yu'une, ja' ta xcuxi ta sventa li mantaletique”, xi ts'ibabil.

Deuteronomio 30:20

Ja' me c'anic li Muc'ul Dios avu'unique. Ch'unbeic li c'usi chayalboxuque, xchi'uc junuc avo'ntonic o ta stojol yu'un ja' te oy li acuxlejalique, xchi'uc ja' ta sventa xu' chacuxiic ep jabil te ta banamil ti yalojbe ono'ox ta jamal amoltotaquic ta vo'onee, ja' li Abrahame, li Isaaque xchi'uc li Jacobe”, xut xchi'iltac li Moisese.

Deuteronomio 30:6

Chascomtsanboxuc o ta avo'ntonic achi'uc anich'nabic xchi'uc amomnich'nabic li c'usi xchapanoj ono'oxe. Te chcom o jech chac c'u cha'al jun marca, yu'un jech xu' chlic ac'anic o ta scotol ajol avo'ntonic. Jech xu' chacuxiic.

Deuteronomio 4:1

“Jchi'iltac israeletic, a'yo me ava'yic li mantaletic xchi'uc li c'usitic yan la jchanubtasoxuque. Pasilanic me scotol ora yu'un jech jun avo'nton chanaquiic, xchi'uc jech chavich'ic li avosilic ti yaloj ono'ox Muc'ul Dios chayac'boxuque, ja' li Dios yu'un jmoltotactic ta vo'onee.