Levítico 18:3 - Bible in Tzotzil de Chenalhó with Deuterocanon

³ “Mu me xapasic jech chac c'u cha'al tspasic li egiptoetic ti bu to'ox lanaquiique. “Mu me xapasic jech chac c'u cha'al tspasic li canaanetic ti bu chaquic'oxuc batele, xchi'uc mu me xapasic jech chac c'u cha'al chal li mantaletic yu'unique.

Bible in Tzotzil de Chamula

³ “Mu xachanbeic stalel ti c'u s'elan ta spasic ti egipcioetic ta jteclum ti bu lanaquiic to oxe. “Mu xachanbeic stalel ti c'u s'elan ta spasic ti cananeoetic ta jteclum ti bu ta xquic'oxuc batele. Mi ja'uc xachanbeic ta spasel ti c'u s'elan liquem yu'unic ti oy c'usi jbel tsots albil yu'unique.

Levítico 18:3 Iomraidhean Croise

2 Reyes 17:8

Xchi'uc ja' la xchanbeic stalelic li yanlum cristianoetic ti inutsbatic loq'uel ta stojolic yu'un Muc'ul Diose, xchi'uc ja' la sts'aclinic batel c'usi la spasic li ajvaliletic yu'unique.

Salmos 106:35

Jech te lic scap sbaic xchi'uc li yan lumetique; te lic xchanbeic c'u x'elan li stalelique.

Éxodo 23:24

Mu me xachanic c'usitic chopol tspasic li yantic lum le'e. Mu me xavich'beic ta muc' li diosetic yu'unique; mu me xaquejan abaic ta stojol. Lilinic scotol li tonetic scuyoj ta sdiosique.

Ezequiel 23:8

Muc scomtsan li mulivajel ti laj ono'ox spas te ta Egiptoe, yu'un ta stsebal ono'ox laj yac' sba. Lec laj yac' ta c'upinel li xchu'e; solel laj yac' sbec'tal o ta mulivajel.

Levítico 20:23

Mu me xachanic c'usi tspasic li yantic lumetic ta jnuts loq'uel ta atojolique, yu'un li stuquique ja' jech tspasic jech chac c'u cha'al laj calboxuque, ja' yu'un mu sts'ic cu'un ti jech tspasique.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

Deuteronomio 12:4

“Li Muc'ul Dios cu'untique mu jechuc tsc'an chquich'tic ta muc'.

Deuteronomio 29:17

Ja' ti bu laj quiltic li c'usitic cuybilic ta diosetic pasbil ta te', ta ton, ta c'anal taq'uin, ta saquil taq'uine. Le'e toj chopol chil li Muc'ul Dios ja' yich'ojic ta muc' li cristianoetic te nacajtique.

Deuteronomio 9:4

C'alal me laj xa snuts loq'uel ta atojolic scotol li Muc'ul Dios avu'unique, mu me jechuc xlic avalic: ‘Ta sventa ti toj lec c'usi la jpastique, ja' yu'un li Muc'ul Diose laj yac'butic quich'tic li banamil li'i’, mu me xachiic. Ti jech chasnutsboxuc loq'uel scotol li Muc'ul Diose, ja' ta scoj ti toj chopol c'usitic tspasic li stuquique.