Levítico 18:25 - Bible in Tzotzil de Chenalhó with Deuterocanon

²⁵ Li banamil bu nacalique boliben o yu'unic. Ta jchapan ta sventa ti jech tspasique, jech ta xetaatic loq'uel yu'un li banamile.

Bible in Tzotzil de Chamula

²⁵ Va'i un, soquem com yu'un ti steclumalique. Ja' no'ox un, vu'un laj quich'be ye sti'ic yu'un ti xchopolalique. Jech ti lume laj sten loq'uel ti jnaclejetic yu'une.

Levítico 18:25 Iomraidhean Croise

Levítico 18:28

¡Mu me xapasic jech, naca me xetaoxuc loq'uel ec li banamil jech chac c'u cha'al tspasbatic li cristianoetic te nacalique!

Jeremías 2:7

Vu'un laj quic'oxuc tal li' ta yaxal banamil, yu'un ac'o ave'ic li c'usitic chloq'ue, li c'usitic toj lequic chac' sate; pero vo'oxuc tal asoquesic li cosile, laj abolibtasic o li jbanamile.

Jeremías 9:9

¿Me mu'yuc ta xcac'be stoj smulic ta sventa ti jech tspasique? ¿Me mu'yuc ta xcac'be stoj li jun banamil ti ja' jech tspase?”, xi li Muc'ul Diose.

Salmos 106:38

La smalbeic xch'ich'al li boch'o mu'yuc smule, ja' li xch'ich'al squerem stsebic ti la smilbeic smotonin li c'usi cuybil ta diosetic te ta Canaane, jech ibolib o ta scoj ch'ich' li yosilalique.

Oseas 2:13

Ta xcac'be stoj ti jayib c'ac'al la xchic' pom ta stojol baaletique, xchi'uc ta sventa ti la sc'ac'ubtas sba lec ta staq'uinal xchiquin, ta snats' ti c'alal bat sta yajmultaque, yu'un la ch'ayun o ta yo'nton li vu'une”, xi li Muc'ul Diose.

Jeremías 23:2

Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Jeremías 16:18

Chib velta lec ta xcac'boxuc atoj li amulique xchi'uc li c'usi chopol apasojique, yu'un laj abolibtasic cosil ta sventa yan diosetic ti mu cuxuluque, ti toj chopolique; jech inoj cosil ta sventa li c'usitic toj chopol chquile”, xi li Muc'ul Diose.

Jeremías 14:10

Li Muc'ul Diose jech chal ta sventa li israeletique: “Li jun lum li'i ja' no'ox lec cha'yic ti buyuc no'ox xloc' x'ech'ique; me jutuc mu'yuc bu chcuxic o, Jech mu'yuc lec chquilic ti jech tspasique. Li' ta orae ta jvules ta co'nton li c'usi chopol spasojique; ta xcac'be stoj smulic”, xi li Muc'ul Diose.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 5:9

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stoj li jun banamil ti jech tspase?

Isaías 26:21

Yu'un li Muc'ul Diose ta stots tal ta spasubmantal; chtal yac'be stoj smulic li cristianoetic ta banamile. Li banamile chac' ta ilel scotol li ch'ich' malbile; mu'yuc tsnac' c'u yepal li boch'o milbilique.

Deuteronomio 18:12

Yu'un li boch'otic jech tspasique, ilinem ta stojolic li Muc'ul Diose. Ta sventa ti jech toj chopol sbol talelic li muc'tic lumetic te ta osil bu chavich'ique, ja' yu'un li Muc'ul Dios avu'unique ta snutsboxuc loq'uel scotol.

Romanos 8:22

Yu'un scotol li jujuchop c'usitic spasoj Diose ta jna'tic ti toj c'ux svocol cha'yic c'alal to tanae. Ja' jech x'ayetic ta svocolic o batel jech chac c'u cha'al jun ants ti x'ayet ta xc'uxul xch'ut c'alal yu'un xa ta xcuxe.

Oseas 9:9

Vo'oxuc ech'em chopol labatic jech chac c'u cha'al ta yorail Gabaae. Pero li Diose mu xch'ay ta yo'nton li amulique; ta ono'ox xayac'boxuc atojic.

Isaías 24:5

Yu'un ibolib xa ta scoj li boch'otic te nacajtique, yu'un la sva'lupatinic li mantaletique; muc xch'unic li mantaletic albilique; la sbajic li c'usi chapanbil ti mu'yuc slajebale.

Salmos 89:32

ta xcac'be stoj smul ta scoj li stoyobbailique; ta xcac'be nucul ta scoj li sbolilique.

Deuteronomio 9:5

Ma'uc ta sventa avabtelic, xchi'uc ma'uc ta sventa alequilic ti chavich'ic li banamile. Ja' ta scoj smulic ti chich'ic nutsel loq'uel yu'un li Muc'ul Diose, xchi'uc ja' chc'ot ta pasel ti jech ono'ox yalojbe li jmoltotactic ta vo'onee, ja' li Abrahame, li Isaaque, xchi'uc li Jacobe.

Oseas 8:13

Lec xa'yic yaq'uel li milbil matanale xchi'uc sti'bel li sbec'tale, pero mu'yuc lec chquil li c'usi tspasique. Mu xch'ay ta co'nton li c'usi chopol tspasique. Ta xcac'be stoj li smulique, jech ta sutic batel ta Egipto banamil.

Levítico 18:26

Pero vo'oxuc li israeloxuque xchi'uc li yanlum ti te co'ol nacaloxuc achi'uquique, ja' me pasilanic batel li mantaletic, li chanubtaseletic cu'une; mu me xapasic li c'usitic toj chopol jech chac c'u cha'al tspasique.

Deuteronomio 21:23

pero li sbec'tale mu me teuc joc'ol chcom sjunul ac'ubal. Ac'o yich' muquel ta sc'ac'alil no'ox ti c'alal chchame. Yu'un li boch'o joc'ol ta te' chchame ja' ac'bil stoj smul yu'un Dios, jech mu me xasoquesbeic sc'oplal li avosilalic chayac'boxuc Muc'ul Diose.

1 Reyes 21:26

Yu'un bats'i chopol c'usi la spas, yu'un laj yich' ta muc' li c'usitic cuybilic ta diosetic jech chac c'u cha'al la spasic li amorretic ti la snuts loq'uel Muc'ul Dios ta stojol li israeletique.)

Esdras 9:11

ti laj avalbuncutic ta sventa avajtuneltac, ja' li j'alc'opetic avu'une. Jech laj avalbuncutic: ‘Li banamil yo' bu chacac'boxuque boliben ta scoj smulic li cristianoetic tee. Nojem ta sbol talelic, xchi'uc li c'usitic toj chopol tspasique’, xavutuncutic.