Levítico 18:21 - Bible in Tzotzil de Chenalhó with Deuterocanon

²¹ “Mu xachic' anich'onic ta smoton dios Moloc, yu'un ta soc o jc'oplal avu'unic, vu'un li Muc'ul Diosune.

Bible in Tzotzil de Chamula

²¹ “Mi junuc anich'on xavac' ta smoton ti dios Moloque. Ti jech taje, mu xasoquesbe sc'oplal ti Dios avu'une. Yu'un vu'un ti Ajvalilune.

Levítico 18:21 Iomraidhean Croise

1 Reyes 11:33

Li Salomone laj xa sbajun comel; ja' xa bat yich' ta muc' li Astorete, ja' li sme' diosic sidonetique, xchi'uc li Quemose, ja' li sdiosic moabetique, xchi'uc li Moloque, ja' li sdiosic amonetique. Toj chopol c'usitic la spas ta jtojol; muc ja'uc la xch'un li mantaletic, li chanubtaseletic cu'un jech chac c'u cha'al la xch'un li Davide, ja' li stote.

1 Reyes 11:7

Ja' yorail noxtoc lic spasbe sc'opanbil li Quemos, ja' li sdios moabetic, xchi'uc Moloc, ja' li sloc'obal sdios amonetic ti toj chopol chil Diose. Ja' te la spas ta vits ta stuq'uil sloq'ueb c'ac'al yu'un Jerusalén.

2 Reyes 16:3

Ja' la sts'aclin batel c'usi la spasic li ajvaliletic ta Israele. Jech noxtoc la xchic' xnich'on sventa smoton sdios jech chac c'u cha'al sbol talelic li yanlum cristianoetic ti inutsbatic loq'uel ta stojolic yu'un Muc'ul Diose.

2 Reyes 17:31

Li avaetique la spasbeic sloc'obal Nibhaz xchi'uc Tartac. Li sefarvaimetique la xchic' xnich'onic sventa smoton li sdiosic Adramelec xchi'uc Anameleque.

2 Reyes 21:6

Jech noxtoc la xchic' xnich'nab sventa smoton sdios, xchi'uc la xchan ic'-ch'ulelal, t'unul, yaq'uel j'ilc'op, xchi'uc ac'chamel. Bats'i toj chopolic c'usi la spas ta stojol li Muc'ul Diose, jech ilic sc'ac'al yo'nton yu'un.

2 Reyes 23:10

La soques noxtoc li xchic'ubil xnich'nabic Tofel te ta stenlejaltic Hinome, yu'un jech mu'yuc xa boch'o chbat xchic' squerem, o me stseb ta stojol li sdiosic Moloque.

2 Crónicas 28:3

Jech noxtoc la xchic' pom te ta stenlejaltic Ben-hinom, xchi'uc la xchic' xnich'nab ta smoton sdios jech chac c'u cha'al sbol talelic li yajvaltac banamil ti inutsbatic loq'uel yu'un Muc'ul Diose.

Jeremías 19:5

La spasic toyol scajleb matanaletic ta sventa sdiosic Baal; ja' te la xchic'beic smotonin li xnich'nabique. Ja' la spasic li c'usi mu jechuc calojbeic ti muc ta jmantaluc jech la spasique, me jutuc mu'yuc jnopoj me oy jech tspasic.

Jeremías 32:35

Jech noxtoc la spasic toyol c'opojebaletic ta sventa Baal te ta stenlejaltic Ben-hinom, jech te la xchic' squerem stsebic ta sventa smoton li dios Moloque. Ja' jech la sa' smulic o li Judaetique. Mu'yuc jech calojbeic mantal, me jutuc mu'yuc bu jnopoj me jech ta spasic.

Jeremías 7:31

La sva'anic noxtoc toyol scajleb matanal, Tofet, te ta stenlejaltic Ben-hinom, sventa te la xchic' squerem stsebic. Ja' la spasic li c'usi mu jechuc calojbeique, ti mu'yuc jech loq'uem ta jol ta co'ntone.

Ezequiel 20:26

Laj cac' bolibicuc o ta scoj li matanaletic chaq'uique xchi'uc ta scoj li sba xnich'nabic chchiq'uic ta c'oc' ta sventa smoton sdiosique, yu'un jech ac'o niquicuc ta xi'el, jech chlic sna'ic ti vu'un Muc'ul Diosune’, uto.

Ezequiel 20:31

Yu'un chavac'beic matanaletic, xchi'uc chachic' anich'nabic sventa smoton; solel chabolibtas abaic ta sventa li sloc'obaltac adiosique, ja' jech chapasic o c'alal to tana. Ja' yu'un ¿me vu'un xa chac'anic ta jtac'boxuc ec li c'usi tal ajac'bicune? Vu'un li Muc'ul Diosun ti cuxulun oe, vu'un li Avajvalicune, chacalboxuc ta jamal ti mu'yuc chajtac'boxuc oe.

Ezequiel 23:37

Yu'un mu junuc yo'ntonic ta jtojol; ep xa imulivajic, solel yatinoj ch'ich' noxtoc li sc'obique, ja' bat yich'ic ta muc' noxtoc li sloc'obal yan diosetique. Li jnich'nab la svoq'uesique la xchiq'uic ta c'oc' sventa smoton li sdiosique.

Levítico 19:12

“Mu me xat'abic jbi ta sventa li c'usi chavalique, yu'un xu' jech chasoquesbicun o jc'oplal, vu'un li Muc'ul Diosune.

Levítico 21:6

Ch'ul vinic ac'o spas sbaic o ta jtojol yu'un jech mu soquesbicun jc'oplal. Yu'un ja' oy ta sventaic chchiq'uic li matanaletique xchi'uc chaq'uic li pan te ta jtojole, ja' yu'un ta jc'an ti ch'ul vinic chcomic o ta jtojole.

Levítico 22:2

“Albo ya'ay Aarón xchi'uc xnich'nab ti ac'o sq'uel sbaic lec ta sventa li ch'ul matanaletic chaq'uic achi'iltaquic ti svoc'ojbicun xa oe, yu'un jech mu soquesic sc'oplal jch'ulbi vu'un li Muc'ul Diosune.

Levítico 22:32

“Mu me xasoquesbeic sc'oplal li jch'ulbie, yu'un jech chvinaj ti ch'ul Diosun o te ta atojolic, vo'oxuc li israeloxuque. Vu'un Muc'ul Diosun ti voc'biloxuc o cu'une.

Levítico 24:15

Jech xavalbe ya'yic scotol li achi'iltac ta israelale: Li boch'o chchopolc'opoj, o me yan xich' xal ta jtojol, vu'un li Muc'ul Diosun yu'une, te xcuchoj smul chcom o. Ac'o yich' milel ta ton yu'un scotol li achi'iltaquic ta israelale. Me yanlum, o me achi'ilic ta israelal ti chopol chc'opoj ta jtojol vu'un li Muc'ul Diosune, ac'o yich' milel.

Amós 2:7

Solel la xpech'ic ta teq'uel ta pucuctic li boch'otic mu'yuc stu ch-ilatique; mu'yuc tuc' la xchapanic li boch'o abul sbaique. Li querem xchi'uc stote la scoman chi'inic ta vayel li jun tsebe; ja' jech la soquesbicun o jc'oplal.

Amós 5:26

Pero tana xcuchet avu'unic li Moloc, ja' li banquilal dios avu'unique, xchi'uc li Quiún, ja' li dios yu'un c'analetic ti apasojan atuquique.

Miqueas 6:7

¿Me ja' lec chil Muc'ul Dios me chcac'be ep ta mil chijetique? ¿Me ja' lec chil ti chcac'be jech yepal aceite jech chac c'u cha'al yepal ya'lel lajunmil uc'umetique? ¿O me ja' lec chil ti ta jmilbe sba jnich'on ta sventa stojol jmul xchi'uc ta sventa jtoyobbaile?

Malaquías 1:12

Pero li vo'oxuque chasoquesbicun sc'oplal jbi ti c'alal jech chavalique: ‘Toj chopol li mexa yu'un Muc'ul Diose, xchi'uc mu'yuc lec li ve'lil te oye’, ti xachiique.

Hechos 7:43

Ja' no'ox laj acuchic batel adiosic Moloc, tiq'uil ta sna pasbil ta nucul. Xchi'uc laj avich'ic batel li sloc'obal c'anal apasoj ta adiosique, ja' li Refán sbie. Ja' apasojic sloc'obaltac, yu'un chavich'ic ta muc'. Ja' yu'un chajtacoxuc batel ta sjelovel to Babilonia banamil’, xi ono'ox ts'ibabil.

Romanos 1:23

Li Dios ti ech'em slequilal yutsilale, ti mu sna' xchame, la sc'atajesic ta sloc'obal cristiano ti sna' xchame, xchi'uc ta sloc'obal mut, ta sloc'obal c'usi xcotlajetic ta banamil, xchi'uc ta sloc'obal chonetic ti xquilet ta banamil chanovique.

Romanos 2:24

Ja' yu'un jech ts'ibabil ta sc'op Dios: “Vo'oxuc ta acojic ti chixchopolc'optabicun jbi li yanlum cristianoetique”, xi ts'ibabil.

Deuteronomio 12:31

Mu me jechuc xapasic ta stojol li Muc'ul Dios cu'untique. Yu'un li c'usi toj chopol ta pasel chil Muc'ul Dios ti mu xa sts'ic yu'une, ja' ti c'u x'elan chich'ic ta muc' sdiosic li yantic banamil le'e. Yu'un toj ech'em xa no'ox ibat yu'unic, c'alal xa ta xnich'nabic tsmilic, chchiq'uic ta c'oc' ta sventa smoton li sdiosique.

Deuteronomio 18:10

Mu me oyuc boch'o chac' ta milel xnich'on avu'unic sventa chchic' ta c'oc'. Xchi'uc mu me xachanic t'unul jech chac c'u cha'al tspasique, xchi'uc mu me xanopic ti xu' avu'unic sna'el c'usi chc'ot ta pasel ta ts'acale, xchi'uc mu me xachanic ac'chamel.