Levítico 17:11 - Bible in Tzotzil de Chenalhó with Deuterocanon

¹¹ Yu'un ja' ta sventa xch'ich'al cuxul li c'usitic cuxajtique. Xchi'uc li ch'ich'e ja' cac'oj ta sventa chich' aq'uel ta scajleb jmoton sventa aq'uexolic yu'un jech mu xachamic li vo'oxuque, yu'un ja' ta sventa ch'ich' tojbil chc'ot ti jech cuxul chacomique.

Bible in Tzotzil de Chamula

¹¹ Yu'un scotol ti c'usitic xvic'lajet ti sate, ja' cuxulic yu'un ti xch'ich'elic ti oy ta sbec'talique. Laj cac' ti c'ot ta jtunel ta atojolic ti ch'ich'e yo' jech ta xtun ta altar. Yu'un ja' ta sventa ti ch'ich'e, c'ot ta jpojvanej avu'unic yu'un ti ach'iel ac'opojelique. Ja' yu'un un, ti ch'ich'e, c'ot ta spojel ti ach'iel ac'opojelique.

Levítico 17:11 Iomraidhean Croise

Génesis 9:4

Pero oy jun ti c'usi mu xu' chati'ique: ja' li ti'bol ti oy xch'ich'ale yu'un ja' ta xch'ich'al ti cuxul oe.

Levítico 1:5

Te ac'o yich' milel ta jtojol li vacaxe. Li paleetique, ja' li xnich'nabtac Aarone, ac'o yaq'uic ta jtojol li xch'ich'ale. Ts'acal ac'o svijic ta scajleb jmoton xchi'uc ta spat xocon te ta ti'ch'ulna pasbil ta nucule.

Levítico 16:11

“Li Aarone ac'o smil li jcot ch'ium tot vacax ti ja' yu'un stuque, jech ta jch'aybe ta co'nton smul stuc xchi'uc smul yajnil xnich'nab.

Levítico 17:12

“Ja' yu'un jech ono'ox calojbeic li achi'iltac ta israelale: Me junuc mu me boch'o sti' ch'ich' avu'unic, vo'oxuc li israeloxuque, xchi'uc li yanlum te achi'inojic ta nacleje.

Levítico 17:14

Yu'un ta sventa xch'ich'al cuxulic li c'usitic cuxajtique. Ja' yu'un calojboxuc ti mu xu' chati'beic xch'ich'al li c'usitic chamilique yu'un ja' te cuxulic o ta xch'ich'alic. Li boch'o ta sti'be xch'ich'ale, ac'o yich' loq'uesel ta atojolic, xcut ono'ox li achi'iltaque.

Levítico 4:25

Li palee ac'o sts'aj sbic'tal sc'ob ta xch'ich'al li tentsune, ac'o sbon ta xulub scajleb xchic'ubil jmoton. Li scomelale te ac'o smal ta yoc li scajleb jmotone.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 8:15

Ja' xa stuc Moisés la smil li vacaxe. Lic sts'aj sc'ob ta xch'ich'al, la sbon ta sjoyobal xulub scajleb smoton li Diose. Li scomelale te la smal ta yoc li scajleb smoton Diose, jech ts'u'iltasbil icom o, yu'un ja' te chch'aybat li smulique.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Mateo 26:28

Li'i ja' jch'ich'al sventa chc'ot ta pasel li c'usi chapanbil ono'oxe. Yu'un ta xmal ta sventa ep cristianoetic, jech ep boch'o tsta perdón yu'un smulic.

Marcos 14:24

Jech laj yal li Jesuse: —Li'i ja' jch'ich'al; ja' chtun ta sventa li c'usi chapanbil ono'oxe. Ta xmal ta sventa ep cristianoetic.

Romanos 3:25

Yu'un li Diose ja' laj yac'be smal xch'ich'al li Jesucristoe, jech ic'ot ta jch'aymulil ta sventa li boch'otic ta xch'unique. Jech ivinaj ti tuc' yo'nton li Diose, yu'un te la sts'icbe smul li cristianoetic ta poco' vo'onee,

Romanos 5:9

Ja' yu'un c'u to x'elan lec chijyilutic ta sventa xch'ich'al li Cristoe, yu'un ja' ta sventa ti mu'yuc xa chbat jtoj jmultique.

Efesios 1:7

Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Deuteronomio 12:23

Yan li xch'ich'ale mu xu' chati'ic, yu'un ja' te cuxul o; jech mu xu' te capal chati'ic xchi'uc sbec'tal li xcuxlejale.

Colosenses 1:14

Ja' li Xnich'on ti la smanutic ta xch'ich'ale, ti ja' ta sventa la jtatic perdón yu'un jmultique.

Colosenses 1:20

xchi'uc ti ja' ta sventa chlecub scotol li c'usitic oye, me ta vinajel, me ta banamil. Lec chil scotol ta sventa xch'ich'al li Xnich'on icham ta cruze.

Hebreos 13:12

Ja' no'ox jech ec li Jesuse, c'alal la xch'aybe smul ta xch'ich'al li steclumale, ta pat lum to ay yich' milel.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.