Levítico 17:10 - Bible in Tzotzil de Chenalhó with Deuterocanon

¹⁰ “Me oy boch'o ta sti' ch'ich', me israel, o me yanlum ti te co'ol nacaloxuc achi'uquique, ta jcontrain li boch'o jech ta spase. Ta jtu'pbe sts'unubal te ta atojolic.

Bible in Tzotzil de Chamula

¹⁰ “Ta jcontrain scotol ti israeletique, mi ja' ti jyanlum ti nacal ta atojolique, ti c'uc no'ox s'elan ta stun ta slajes ti ch'ich'e. Ta jten loq'uel ti ta ateclumalique.

Levítico 17:10 Iomraidhean Croise

Génesis 9:4

Pero oy jun ti c'usi mu xu' chati'ique: ja' li ti'bol ti oy xch'ich'ale yu'un ja' ta xch'ich'al ti cuxul oe.

2 Samuel 23:17

“Ac'o scoltaun li Muc'ul Diose, mu'yuc ta xcuch' li vo'e. Yu'un me chcuch'e, xco'laj xchi'uc ja' chcuch'be xch'ich'alic li viniquetic ti la sjip sbec'talic ta yich'el tal li vo'e”, xi. Jech mu'yuc laj yuch' o. Le'e ja' la spasic li oxib viniquetic ti lec tsots yo'ntonique.

Salmos 34:16

Yan li boch'o chopol c'usi tspasique ja' chopol ch-ilatic yu'un li Muc'ul Diose, yu'un jech ac'o ch'ayuc o sc'oplalic ta banamil.

Éxodo 30:33

Me oy boch'o tspas yan aceite co'ol jech chac c'u cha'al li'i, o me tsmalbe ta sjol boch'ouc no'oxe, ac'o yich' loq'uesel ta atojolic’, uto”, xi li Muc'ul Diose.

Jeremías 21:10

Yu'un jnopoj xa o ti chcac'be tal svocol li lum li'i; mu'yuc lec c'usi chtal ta stojol. Yu'un ta ono'ox x'och ta sc'ob li ajvalil ta Babiloniae; ta xchic' ta c'oc'’, xi li Muc'ul Diose.

Jeremías 44:11

‘Ja' yu'un jech chcal vu'un li Muc'ul Diosun ti ta jpas ta mantal scotol te ta vinajele, vu'un li Diosun yu'un Israele: Nopbil xa cu'un ti ta xcac' tal avocolic, ti ta xcules o scotol li Judae.

Ezequiel 14:8

Ta jva'lebin jba jchi'uc li vinique; ta xcac' comuc ta sventa senyail, xchi'uc ta ya'yej slo'il cristianoetic. Ta jts'et o loq'uel te ta stojol li jteclumale, yu'un jech tsna'ic o ti vu'un Muc'ul Diosune, xi li Diose’, uto.

Ezequiel 15:7

Vu'un ta jcontrainic. Ac'o me chcolic to loq'uel ta c'oc', pero ta ono'ox xc'aq'uic ta yan c'oc' noxtoc. C'alal ta xlic jcontrainique, ja' to te chlic sna'ic o ti vu'un Muc'ul Diosune.

Ezequiel 33:25

Ja' yu'un jech xavalbe ya'yic: ‘Jech chal li Cajvaltique, ja' li Muc'ul Diose: Li vo'oxuque xchi'uc xch'ich'al chati'ic li ti'bole, avich'ojic ta muc' noxtoc li sloc'obaltac adiosique, xchi'uc chamilvanic noxtoc, ¿Me chanopic ti vo'oxuc yajvaloxuc banamil chacomique?

Ezequiel 44:7

Yu'un chaviq'uic tal ta jch'ulna yan cristianoetic ti mu'yuc yich'ojic circuncisión ta yo'ntonic xchi'uc ta sbec'talique. Jech tsbolibtasic, tsoquesbeic o sc'oplal ch'ulna cu'un ti c'alal te oyic c'alal chavac'bicun jmotonin li xepuetic xchi'uc li ch'ich'e. Ta scoj ti jech toj chopol chapasique, jech chapaych'unbicun o li c'usi chapal cu'une.

Levítico 17:11

Yu'un ja' ta sventa xch'ich'al cuxul li c'usitic cuxajtique. Xchi'uc li ch'ich'e ja' cac'oj ta sventa chich' aq'uel ta scajleb jmoton sventa aq'uexolic yu'un jech mu xachamic li vo'oxuque, yu'un ja' ta sventa ch'ich' tojbil chc'ot ti jech cuxul chacomique.

Levítico 19:26

“Mu me xati'ic xchi'uc xch'ich'al li c'usi chati'ique. “Mu me xachanic t'unul; mu me xanopic ti xana'ic c'usi chc'ot ta pasel le' to batele.

Levítico 26:17

Ta xlic jcontrainoxuc, jech tsalbil chac'otic yu'un li avajcontraique. Ja' chlic spasoxuc ta mantal li boch'otic chopol to'ox chavilique. Xchi'uc jech no'ox chajatovic batel, ac'o me mu'yuc boch'o chtal snutsoxuc.

Levítico 3:17

“Li'i ja' jech jmantal chcom o ta atojolic c'alal ta avalab anich'nabic ti buyuc no'ox nacaloxuque: mu xu' chati'ic li xepuale xchi'uc xch'ich'al ats'unub avovolique, uto li achi'iltaque”, x'utat yu'un Dios li Moisese.

Amós 9:4

Me chucbil chbatic yu'un li yajcontraique, te ta jtac batel milel ta espada ta stojolic noxtoc. Yu'un ta jq'uelbe o slajebic, mu'yuc ta jcoltaic”, xi li Diose.

Hechos 15:20

Ja' no'ox jpasbetic scartaic. Calbetic ti mu me sti'ic li c'usitic ac'bil ta smoton c'usitic cuybilic ta Diose, ti mu me xmulivajique, ti mu me sti'ic li c'usi mich'bil ta snuc' tsmilique, xchi'uc ti mu me sti'ic ch'ich'e.

Hechos 15:29

Mu me xati'ic c'usitic ac'bil ta smoton li loc'ometic ti cuybilic ta Diose, mu me xati'ic ch'ich', mu me xati'ic li c'usi mich'bil ta snuc' chchame, mu me xamulivajic. Me chach'unic scotol le'e, lec c'usi chapasic. Ja' no'ox jech chacalboxuc tal. Te ac'o xchi'inoxuc li Diose”, xiic batel ta carta.

Deuteronomio 12:16

Yan li xch'ich'ale mu xu' chati'ic. Malic batel jech chac c'u cha'al vo'.

Deuteronomio 12:23

Yan li xch'ich'ale mu xu' chati'ic, yu'un ja' te cuxul o; jech mu xu' te capal chati'ic xchi'uc sbec'tal li xcuxlejale.

Deuteronomio 15:23

Pero li xch'ich'ale mu xu' chati'ic. Malic batel jech chac c'u cha'al vo'.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

1 Samuel 14:32

Li israeletique muc xa xcuch yu'un laj ya'yic, jech la smilic li chijetic, li me' vacaxetic, li bic'tal tot vacaxetic, la spojique; te la sti'ic ta stseil xchi'uc xch'ich'al.

1 Samuel 14:33

Pero oy boch'o bat yalbe ya'ay li Saule, jech laj yalbe: —Li jchi'iltactique laj xa sa' smulic ta stojol li Muc'ul Diose yu'un la sti'ic ti'bol xchi'uc xch'ich'al —xutic. Li Saule jech laj yal: —¡Vo'oxuc j'ac'vanejoxuc ta vocol ta jyalel! Balijesbicun tal jbejuc muc'ta ton li'i.