Levítico 16:8 - Bible in Tzotzil de Chenalhó with Deuterocanon

⁸ Ac'o spas canal tajimol ta sventa li cha'cot tentsune. Jcot ac'o c'otuc ta jventa vu'un li Muc'ul Diosune; jcot chc'ot ta sventa jcuchmulil.

Bible in Tzotzil de Chamula

⁸ Mi laj taj une, xi s'elan ta xlic sq'uelbe yorail ti cha'cot tentsune: Jun ta xc'ot ta yu'un ti Diose. Jun ta xc'ot ta yu'un ti Azazele.

Levítico 16:8 Iomraidhean Croise

Proverbios 16:33

Li cristianoetique ja' ta spasic canal tajimol, pero ja' stuc Muc'ul Dios tsnop c'usi xu' chc'ot ta pasel.

Ezequiel 48:29

“Scotol li banamil le'e ja' vo'oxuc chavich'ic; voc'bo abaic ti jaychop israeloxuque. Ja' avu'unic chcom o. Vu'un chcal jtuc, vu'un li Muc'ul Diosune.

Levítico 16:10

Li jcot chc'ot ta sventa jcuchmulile cuxul ac'o yac'bun ta jtojol li palee yu'un jech ch'aybil chc'ot smulic li israeletique. Ts'acal ac'o scolta batel ta xocol banamil yo' bu oy li Azazele.

Levítico 16:26

Li boch'o chbat scolta comel ta xocol banamil li tentsun sventa jcuchmulile, ac'o xchuc' lec sc'u'; ac'o atinuc lec, jech xu' ch-och tal ta acarpanaic.

Levítico 16:7

Ac'o stsac noxtoc li cha'cot tentsune; ac'o yac'bun ta jtojol te ta ti'ch'ulna pasbil ta nucul.

Levítico 16:9

Li jcot tentsun ti chc'ot ta jtojol, vu'un li Muc'ul Diosune, ac'o smil li Aarone; ja' matanal chc'ot ta sventa mulil.

Jonás 1:7

Jech lic yalbe sbaic li j'abteletic ta barcoe: —La' jpastic canal tajimol sventa ta jna'tic boch'o ta smul cu'untic ti vi x'elan jvocoltique —xut sbaic. C'alal la spasic li canal tajimole, ja' ic'ot ta stojol li Jonase.

Números 26:55

C'alal chavoq'uic li osile, tsc'an chapasic canal tajimol, ja' ti bu xc'ot ta stojol jujunique. Ta jujuchop ac'o yich' yosilic ti bu liquem tal sts'unubal li stotique.

Números 33:54

Pero ti c'alal chavoq'uique, tsc'an chapasic canal tajimol ta jujuchop sbiic li achi'iltac ti jaychopoxuque. Li jchop sbiic ti epique ja' muc' ac'o yich' yosilic. Yan me mu'yuc epique biq'uit no'ox ac'o yich' yosilic. Ta jujuchop sbiic te ac'o yich' yosilic ti bu chc'ot ta stojolique.