Levítico 16:5 - Bible in Tzotzil de Chenalhó with Deuterocanon

⁵ “Li Aarone ac'o stsac cha'cotuc tentsun ta sventa scotol li israeletique, ja' milbil matanal ta sventa smulic. Xchi'uc ac'o stsac jcotuc chij ta sventa chic'bil matanal.

Bible in Tzotzil de Chamula

⁵ “Ti c'u yepal ti israeletique ta xac'beic cha'cotuc tot tentsun ti Aarone, ti ta xich' svocol ta scoj ti mulile, xchi'uc jcot tot chij ti ta xich' chiq'uele.

Levítico 16:5 Iomraidhean Croise

2 Crónicas 29:21

Laj yaq'uic ta smoton Dios vuccot tot vacax, vuccot tot chij, vuccot ch'ium chij, xchi'uc vuccot tot tentsun sventa xch'ayubil smul xchi'uc yalab xnich'nab li ajvalile, xchi'uc itun ta sventa ch'ulna, xchi'uc itun ta sventa scotol Judaetic. Lic spas ta mantal li paleetic smomnich'nab Aarón ta vo'one ti ac'o yac'beic smoton Muc'ul Dios te ta scajlebe.

Esdras 6:17

La smilic ta smoton Dios vo'vinic (100) ta cot ch'ium vacaxetic, lajunvinic (200) ta cot tot chijetic, chanib ciento (400) ta cot ch'ium chijetic. Xchi'uc laj yaq'uic lajcha'cot tot tentsunetic, jujucot ta sventa xch'ayubil smulic ta jujuchop sts'unubal li israeletique.

Levítico 1:10

“Me chij, o me tentsun chaq'uic sventa chixchic'bicun jmotonine, ja' ac'o yaq'uic li stot ti bu ven leque.

Levítico 4:3

“Me ja' stuc banquilal pale la sta smul ta jtojol, jech oy smul chc'ot yu'un li xchi'iltac ta israelale. Ac'o yac'bun jmotonin jcotuc ch'ium vacax ta sventa li smul staoje. Ja' ac'o yac'bun ti bu ven leque.

Levítico 8:14

Ts'acal lic yal mantal li ac'o yiq'uic tal li ch'ium tot vacax ta sventa mulile. Li Aarón xchi'uc xnich'nabe la scajan sc'obic ta sjol li vacaxe.

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Levítico 9:2

Jech laj yalbe li Aarone: “Tsaco tal jcotuc ch'ium vacax sventa smoton Dios ta sventa mulil xchi'uc jcot chij sventa chic'bil matanal ti bu ven leque. Bat aq'uic ta stojol li Muc'ul Diose.

Números 29:11

Aq'uic noxtoc jcot tentsun sventa chich' milel, jech ch'aybil chc'ot amulic. Ja' me slecoj li jmoton chamilbicun ta sc'ac'alil chajch'ayboxuc ta co'nton amulique xchi'uc li jmoton chachic'bicun ta jujun c'ac'ale xchi'uc li xchi'iltaque, ja' li trigoe xchi'uc li ya'lel sts'usubale.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.