Levítico 16:22 - Bible in Tzotzil de Chenalhó with Deuterocanon

²² Jech te cuchbil o batel smulic ta xocol banamil yu'un li tentsun yo' bu mu'yuc xa boch'o te nacale.

Bible in Tzotzil de Chamula

²² Ja' yu'un un, ti c'alal jech ta xch'ay batel ta sbajtical banomil ti tentsune, xcuchojbe batel scotol ti xchopolalic ta sts'ijlajan banomile.

Levítico 16:22 Iomraidhean Croise

Salmos 103:10

Mu sta jech ch-ilin ta jtojoltic jech chac c'u cha'al yepal li jmultique; mu sta jech yepal chac' jtojtic jech chac c'u cha'al yepal jchopoliltique.

Salmos 103:12

Bats'i nom la sjip loq'uel ta stojol li jmultique, jech chac c'u cha'al nom xil sbaic li sloq'uem c'ac'al xchi'uc smaleb c'ac'ale.

Ezequiel 18:22

Scotol li c'usitic chopol la spase mu'yuc xa ta xich' t'abbel o. Ta sventa ti ja' la spas li c'usi tuq'ue jech ta xcuxi.

Ezequiel 4:4

“Ts'acal xamochan aba ta stuq'uil ats'etc'ob, yu'un vo'ot chacuchbe smul li achi'iltac te ta Israele. Ti jayib c'ac'al te mocholote, ja' stojol smul li achi'iltaque.

Levítico 14:7

Ts'acal ac'o svij ta ch'ich' vucub velta li boch'o chich' lecubtasel ta sventa c'a'el chamele. Ac'o yal ti lec xa icome. Li jcot mut cuxul icome ac'o scolta batel.

Levítico 16:21

Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 16:23

Ts'acal ac'o ochuc ta ch'ulna pasbil ta nucul li Aarone; ac'o sloc' li sc'u' spoc' la slap sventa ch-och ta ch'ulna pasbil ta nucule; te ac'o sq'uej comel.

Miqueas 7:19

C'uxubinuncutic to yan velta; muco ta banamil li jchopolilcutique; jipo batel c'alal ta xchac natil nab li jmulcutique.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

Gálatas 3:13

Ja' yu'un i'ay li Cristoe, ay scoltautic ta sventa li stojol mulil ti sc'oplal chquich'tic ta sventa li mantaletique. Ja' la xcuch scotol li stojol mulil ti sc'oplal chquich'tique. Yu'un jech ts'ibabil ta sc'op Dios: “Li boch'o joc'ol ta te' chchame, ja' ac'bil stoj smul yu'un Dios”, xi ts'ibabil.

Hebreos 9:28

ja' no'ox jech ec li Cristoe, jun no'ox velta laj yac' sba ta milel, yu'un j'ech'el la xch'aybe o smul epal cristianoetic. Ts'acal to c'alal chtal xchibal veltae, mu xa ja'uc sventa chtal xch'ay mulil. Ja' xa no'ox chtal scolta li boch'otic smalaojic coltael yu'une.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.