Levítico 16:21 - Bible in Tzotzil de Chenalhó with Deuterocanon

²¹ Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Bible in Tzotzil de Chamula

²¹ Va'i un, ta scajan sc'ob ta sjol ti tentsune. Jamal ta xal ti ac'o yich'be batel scotol ti xchopolalique, ti stoyobbailique, xchi'uc smulic ti israeletique. Ti jech taj une, ta scajanbeic batel ti mulil ta sjol ti tentsune. Oy buch'u ta x'abolaj ta yiq'uel batel yo' jech ta scolta comel ta sbajtical banomil.

Levítico 16:21 Iomraidhean Croise

Esdras 10:1

C'alal te xquejet xpatet, te x'oc'olet ta sc'opanel Dios ta ch'ulna li Esdrase, te ital set sbaic ta stojol ep israeletic. C'alal ta vinic ta antsetic ta ololetic italic; bats'i ep laj yoc'ta sbaic ec.

Salmos 32:5

Ja' yu'un laj calbot ta jamal li jmule; mu'yuc bu la jmuc ta co'nton li c'usi chopol jpasoje. Jech la jnop: “Ja' lec ta xcalbe ta jamal jmul li Muc'ul Diose”, xichi. Jech laj apasbun perdón, laj ach'aybun li jmule.

Salmos 51:3

Ta jna' ti la jtoy jba ta atojole; mu xch'ay o ta co'nton li jmule.

Éxodo 29:10

“Ts'acal xavic' batel ta ch'ulna pasbil ta nucul li ch'ium vacaxe, yu'un ac'o yac' sc'obic ta sjol li Aarón xchi'uc xnich'nabe.

Proverbios 28:13

Li boch'o ta smuc smule mu'yuc lec chbat; yan li boch'o jamal chal, xchi'uc me tscomtsane, ch'aybil chc'ot smul.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

Levítico 1:4

Ac'o yac' sc'obic ta sjol li xvacaxique. Jech xu' chquich'beic sventa ta jch'aybeic o li smulique.

Levítico 16:20

“C'alal me laj xa slecubtasbe yut, xchi'uc scotol ch'ulna pasbil ta nucul, xchi'uc scajleb jmoton li Aarone, ac'o stac ta ich'el li jcot tentsun ti cuxul toe.

Levítico 16:22

Jech te cuchbil o batel smulic ta xocol banamil yu'un li tentsun yo' bu mu'yuc xa boch'o te nacale.

Levítico 26:40

“Pero me chlic avalic ta jamal ti ta melel oy amulique xchi'uc ti oy smul li atotique, ti ep laj ata amulic ta scoj ti laj atoy abaic ta jtojole, xchi'uc me chlic avalic ti ja' ta scoj contra laj avilicun

Levítico 5:5

“Li boch'o la sta smul ta sventa jchopuc li mulil le'e, ac'o yal ta jamal li smule,

Romanos 10:10

Yu'un ta co'ntontic tsc'an ta jch'untic ti jech xu' tuc' co'ntontic chijyilutic Diose. Xchi'uc tsc'an chloc' ta quetic ta jamal ti jech xu' chijcolutique.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.