Levítico 15:5 - Bible in Tzotzil de Chenalhó with Deuterocanon

⁵ “Boch'ouc no'ox ta spic ti bu chmochi li vinique ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Bible in Tzotzil de Chamula

⁵ “Ti buch'uuc no'ox ta stsac ti c'usiticuc ti bu laj xpuch'an sba ti vinic taje, tsots sc'oplal ac'o xchuc' ti c'u'ile, ac'o spoc sba ta vo'. C'otuc ta o'ntonal ti ta smalil to c'ac'al ta xch'ay ti sbolile.

Levítico 15:5 Iomraidhean Croise

Salmos 26:6

Pocbil xa lec li jc'obe; mu'yuc xa li jmule, jech xu' xa chinopaj batel ta sts'el li scajleb amotone.

Salmos 51:2

Pocbun o loq'uel ta j'ech'el li jchopolile; ch'aybun li jmule.

Salmos 51:7

Lecubtasun ta isopo te', jech lecuben chicom o; pocun me, jech xjelov to jsaquil chicom jech chac c'u cha'al li tayoe.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Isaías 1:16

Poco abaic, atinanic lec; loq'uesic scotol li achopolilic ta jtojole; comtsanic li c'usitic chopole.

Isaías 22:14

Li Muc'ul Dios ti ech'em svu'ele jech laj yalbun ta jamal: “Li smulic le'e mu'yuc ta jpasbe o perdón c'alal to chchamic”, xiyutun.

Ezequiel 36:25

Ta jvijoxuc ta lequil vo', jech lec sac chacomic. Ta jpocboxuc loq'uel scotol li avic'ubalic ti toj chopole, xchi'uc ta jipboxuc loq'uel ta avo'ntonic li sloc'obaltac adiosique.

Ezequiel 36:29

Ta jcoltaoxuc ta sventa achopolilic. Ta xcac'boxuc tal ep trigo, ta xquepajesboxuc; mu'yuc ta xcac'boxuc tal vi'nal.

Levítico 11:24

“Li boch'otic tspasic jech chac li'i, me ta spiquic li chamen bic'tal chonetic le'e, chopol ta xcom o c'alal to ta x'och ac'ubal.

Levítico 11:25

“Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 11:28

Jech noxtoc me oy boch'o ta xich'be batel sbec'tal ti chamen xae ac'o xchuc' sc'u', pero chopol chcom o c'alal to ch-och ac'ubal, yu'un li chonbolometic le'e mu xu' chati'ic.

Levítico 11:32

“Jech noxtoc, me oy c'usi chbaj yalel te chc'ot yo' bu chamen jcotuc li chonetic le'e, chopol chcom o. C'usiuc no'ox, me te', me c'u'il, me nucul, me coxtal, o me abtejebal, chopol chcom o c'alal to ch-och ac'ubal. Ts'acal ac'o yich' ts'ajel ta vo', jech lec chcom yan velta.

Levítico 13:34

Ta svucubal c'ac'al ac'o sq'uel lec yan velta. Me laj yil ti mu'yuc ta x'epaj batel li se'pbe xchi'uc ti mu'yuc ta xc'a' ochele, li palee ac'o yal ti stac' xa chi'inele. Ac'o xchuc' lec sc'u', jech stac' xa chi'inel o.

Levítico 13:6

Ta svucubal c'ac'al ac'o xcha'q'uel yan velta. Pero me te xa c'unc'un ta xch'ay batel, xchi'uc me muc yanticuc ch-epaj batele, li palee ac'o yal ti lec xa chcom li boch'o ip cha'ye yu'un ja' no'ox bic'tal chinetic te ich'i. Li boch'o ip cha'ye ac'o xchuc' lec sc'u', jech stac' xa chi'inel.

Levítico 14:27

Ac'o sts'aj jun sbic'tal sbats'ic'ob ta ch'ich' ti te xloch'oje; ac'o svij vucub velta ta jtojol, vu'un li Muc'ul Diosune.

Levítico 15:18

“C'alal chchi'in sbaic xchi'uc yajnil li vinique, ac'o atinicuc lec xchibalic, pero chopol chcomic o c'alal to ch-och ac'ubal.

Levítico 15:4

“Buyuc no'ox ta xmochi li vinic ti oy c'usi chloc' yu'une, chopol chcom ti bu chmochie. “Jech noxtoc li c'usi ta xchotlebine chopol chcom.

Levítico 15:6

“Boch'ouc no'ox ta xchoti te yo' bu chchoti li vinique ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Levítico 16:26

Li boch'o chbat scolta comel ta xocol banamil li tentsun sventa jcuchmulile, ac'o xchuc' lec sc'u'; ac'o atinuc lec, jech xu' ch-och tal ta acarpanaic.

Levítico 16:28

Li boch'o chbat xchiq'ue, ac'o xchuc' lec sc'u'; ac'o atinuc lec, jech xu' ch-och tal ta acarpanaic.

Levítico 17:15

“Boch'ouc no'ox, me achi'iltac ta israelal, o me yanlum tsti' li c'usi jech no'ox icham stuque, o me scomelal ta ti'el yu'un jti'vanej bolome, ac'o xchuc' lec sc'u'; ac'o atinuc lec, pero chopol chcom o c'alal to ch-och ac'ubal. Ts'acal lec chcom yan velta.

Números 19:10

Li boch'o la stsob batel li tane, ac'o xchuc' lec sc'u', pero mu'yuc to lecuben chcom c'alal to ta bat c'ac'al. Li'i ja' jun mantal chcom o ta atojolic, vo'oxuc li israeloxuque, xchi'uc ta stojol li yanlum cristianoetic te nacal ta atojolique.

Números 19:22

Scotol c'usi tspic li boch'o mu'yuc leque, chopol chcom ec li c'usi chich' piquele. Me oy boch'o tspic li boch'o mu'yuc leque, soquem chcom o c'alal to ta mal c'ac'al”, xi li Muc'ul Diose.

Hebreos 10:22

jech ac'o nopajcutic batel ta scotol co'ntontic, xchi'uc ta sventa ti j'ech'el jch'unojtic oe. Yu'un lecubtasbil xa co'ntontic, jech pocbil xa li c'usi chopol oy ta jol ta co'ntontique, xchi'uc pocbil xa jbec'taltic ta lequil vo'.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

Hebreos 9:26

Ti jechuc tspase, mu xa atbiluc jayib velta icham c'alal to ilic tal banamil ti jechuque. Pero li' ta ora ti slajebtic xa batel c'ac'ale jun no'ox velta laj yac' sba ta milel stuc, yu'un j'ech'el la xch'aybutic o li jmultique.

Santiago 4:8

Nopajanic ta stojol li Diose, jech chnopaj ta atojolic ec. Comtsanic c'usitic chopol chapasic vo'oxuc jpasmuliletic. Lecubtaso avo'ntonic vo'oxuc ti cha'jot bu avac'oj avo'ntonique.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.

1 Samuel 20:26

Li Saule mu'yuc to c'usi laj yal, yu'un la snop ti me oy c'usi ic'ot ta pasel yu'un ti mu'yuc to yac'oj sba ta lecubtasele.