Levítico 15:15 - Bible in Tzotzil de Chenalhó with Deuterocanon

¹⁵ Li palee ac'o smil jcotuc ta sventa mulil; li yan jcote ac'o yac' ta sventa chic'bil matanal. Ja' jech tsc'an pasel ta jtojol sventa chich' lecubtasel li boch'o oy xchamele.

Bible in Tzotzil de Chamula

¹⁵ Va'i un, ti palee ta xac'be yich' svocol jcotuc ta scoj ti mulile. Ja'uc ti jcote, ta xich' chiq'uel. Ta sliques yabtel ta spoquel stusel ta stojol Dios ta sventa ti vinic ti buch'u ta xich' svocol yu'un ti c'usi ta xjelave.

Levítico 15:15 Iomraidhean Croise

Levítico 11:24

“Li boch'otic tspasic jech chac li'i, me ta spiquic li chamen bic'tal chonetic le'e, chopol ta xcom o c'alal to ta x'och ac'ubal.

Levítico 11:25

“Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 11:27

“Scotol li chonbolometic ti oy chanib yacan, ti petajtic yut yacanique, mu xu' chati'ic. Li boch'o ta spicbe sbec'tal c'alal chamen xae, chopol ta xcom c'alal to ch-och ac'ubal.

Levítico 11:28

Jech noxtoc me oy boch'o ta xich'be batel sbec'tal ti chamen xae ac'o xchuc' sc'u', pero chopol chcom o c'alal to ch-och ac'ubal, yu'un li chonbolometic le'e mu xu' chati'ic.

Levítico 11:31

“Scotol le'e mu me xati'ic. Me oy boch'o ta spic c'alal chamenique, chopol chcom o c'alal to ch-och ac'ubal.

Levítico 11:32

“Jech noxtoc, me oy c'usi chbaj yalel te chc'ot yo' bu chamen jcotuc li chonetic le'e, chopol chcom o. C'usiuc no'ox, me te', me c'u'il, me nucul, me coxtal, o me abtejebal, chopol chcom o c'alal to ch-och ac'ubal. Ts'acal ac'o yich' ts'ajel ta vo', jech lec chcom yan velta.

Levítico 11:39

“Me oy chcham jcotuc chonbolometic ti stac' ti'ele, me oy boch'o la spique, chopol chcom noxtoc c'alal to ch-och ac'ubal.

Levítico 11:40

Me oy boch'o la sti' li c'usi jech no'ox chcham stuque, ac'o xchuc' lec sc'u', pero chopol chcom o c'alal to ch-och ac'ubal. Jech noxtoc li boch'o chbat xch'ay li c'usi chamene, ac'o xchuc' lec sc'u', pero chopol chcom o c'alal to ch-och ac'ubal.

Levítico 12:7

Li palee ac'o yac'bun ta jtojol; jech ch'aybil smul chc'ot yu'un li antse, jech lecubtasbil chcom o”, xi li Muc'ul Diose. Ja' jech jmantal chcom ta sventa c'alal me oy chvoc' queremetic, o me tsebetique.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:26

Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:31

Ac'o sloq'uesbe scotol li xepual jech chac c'u cha'al chich' pasbel li matanal ta sventa lec chaquiloxuque. Li palee ac'o xchic' te ta scajleb jmoton, jech lec mu yic' chc'ot ta jtojol, vu'un li Muc'ul Diosune. Ja' jech ac'o spas li pale sventa chch'aybe smul li boch'o oy smule, jech ch'aybil smul chc'ot o.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Números 15:25

Li palee ac'o yac'bun li jmoton sventa xch'ayubil amulic acotolique. Jech li vu'une ta jch'aybe ta co'nton smulic, yu'un muc ta yutsiluc yo'ntonic muc spasic li c'usi caloje, xchi'uc laj yac'bicun li jmoton sventa smulique.

Números 25:13

J'ech'el ta xcac'be o ta sc'obic xchi'uc smomnich'nab li abtel ta paleale yu'un toj it'ix ic'ot yo'nton ti c'alal muc vu'cun xiyich'icun ta muq'ue, xchi'uc ja' to jech la staic o perdón li achi'iltac ta israelale —xi.

San Mateo 3:17

Ta ora ivinaj c'op ta vinajel, jech laj yal: “Li'i ja' Jnich'on; lec jc'anoj, lec jpatoj co'nton yu'un”, xi.

Efesios 1:6

Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje.

Hebreos 1:3

Ja' ta sventa ivinaj c'u x'elan slequil yutsil li Diose xchi'uc c'u x'elan stalel. Jech noxtoc ja' ta sventa sc'op, ta sventa svu'el lec oy scotol li c'usitic oye. C'alal ilaj yabtel sventa la xch'aybutic jmultique, ibat chotluc ta sbats'ic'ob Dios ta toyol.