Levítico 15:13 - Bible in Tzotzil de Chenalhó with Deuterocanon

¹³ “Me ich'abi xchamel li vinique, ac'o yac' sba ta lecubtasel vucubuc c'ac'al. Ts'acal ac'o xchuc' lec sc'u'; ac'o spoc sba ta vo' ti bu lupbil tal ta nio'e, jech lecubtasbil xa chcom o.

Bible in Tzotzil de Chamula

¹³ “Mi ta xlic lecubuc ti vinic ti buch'u ta xich' svocol yu'un ti c'usi ta xjelave, ac'o xchap batel vucub c'ac'al sventa ti spoquel stusele. Ta xchuc' lec ti sc'u'e, ac'o spoc sba ta vo' ti pulbil talel ta sat vo'e. Va'i unbi, ja' to jech pocbil tusbil ta xc'ot.

Levítico 15:13 Iomraidhean Croise

Éxodo 29:35

“Ja' jech xapasbe li Aarón xchi'uc xnich'nab jech chac c'u cha'al la jchanubtasote. Vucub c'ac'al tsc'an chalecubtas.

Éxodo 29:37

Vucub c'ac'al te xachic' ta scajleb jmoton li matanal sventa mulile, jech ts'u'iltasbil chcom li scajleb jmoton, vu'un li Diosune. Jech bats'i ch'ul scajleb matanal chcom o. Scotol li c'usiuc no'ox chtal li' ta scajleb jmotone, ts'u'iltasbil chc'ot.

Jeremías 33:8

Ta jpocbe loq'uel scotol li smulic staojic ta jtojole, xchi'uc ta jpasbe perdón li sbolilic xchi'uc li stoyobbailic ta jtojole.

Levítico 14:10

Ta xvaxquibal c'ac'al ac'o yich' tal cha'cotuc ch'ium chij ti bu ven lequique, xchi'uc jcot tsebal chij ti bu leque, ti jun to jabil svoq'uele, xchi'uc o'lol svucubal kilo lequil arina vots'bil ta aceite, xchi'uc jutuc mu sta o'lol litro aceite.

Levítico 14:8

“Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.

Levítico 15:28

“C'alal me ich'abi li xchamele, ac'o to smala vucubuc c'ac'al ja' to jech lecuben chcom o.

Levítico 15:5

“Boch'ouc no'ox ta spic ti bu chmochi li vinique ac'o xchuc' lec sc'u', ac'o atinuc lec; pero chopol chcom o c'alal to ch-och ac'ubal.

Levítico 8:33

Li vucub c'ac'al yorail ich'ub abtelal avu'unique, mu me xaloq'uic batel yo' bu li ch'ulna pasbil ta nucule ja' to me its'aqui li vucub c'ac'ale, yu'un ta svucubal c'ac'ale voc'bil chacomic o.

Levítico 9:1

Li Moisese ta xvaxquibal c'ac'al laj yic' ta stojol li Aarón xchi'uc xnich'nabe xchi'uc li moletic yu'un xchi'iltac ta israelale.

Números 12:14

Li Muc'ul Diose jech laj yal: “Ti stotuc la stubtabe sate, vucub c'ac'al mu'yuc stu ta asatic chcom ti jechuque. Ja' yu'un loq'uesic ta atojolic vucubuc c'ac'al; mu me xaxchi'inoxuc te yo' bu oy acarpanaique. Ts'acal xu' chtal xchi'inoxuc yan velta”, xi.

2 Corintios 7:1

Ja' yu'un vo'oxuc ti lec jc'anojoxuque, ja' jc'oplaltic ti va'ay x'elan yaloj li Diose. Jech tsc'an ac'o me jq'uel jbatic ta sventa li c'usi tsoques jbec'taltic xchi'uc co'ntontique. Ja' tsc'an chijlecubutic o batel ta sventa ti quich'ojtic xa ta muc' li Diose.

Santiago 4:8

Nopajanic ta stojol li Diose, jech chnopaj ta atojolic ec. Comtsanic c'usitic chopol chapasic vo'oxuc jpasmuliletic. Lecubtaso avo'ntonic vo'oxuc ti cha'jot bu avac'oj avo'ntonique.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.