Levítico 14:8 - Bible in Tzotzil de Chenalhó with Deuterocanon

⁸ “Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.

Bible in Tzotzil de Chamula

⁸ “Ti buch'u ta xich' poquel tusele, tsots sc'oplal ac'o xchuc' lec ti sc'u'e. Ac'o spoc sba lec, ac'o xch'ul sba lec yo' jech pocbil tusbil ta xc'ot. Ts'acal to un, xu' xa x'och chi'invanuc ta naclej, ac'o mi tey to no'ox ta xcom vucub c'ac'al ta pana.

Levítico 14:8 Iomraidhean Croise

2 Crónicas 26:21

Li ajvalil Uziase te yich'oj o c'a'el chamel c'alal to icham. Stuc nacal o ta jbej na ta sventa li sc'a'el chamele; j'ech'el muc xa xaq'uic ochuc o ta xch'ulna Muc'ul Dios. Ja' lic ventainbatuc yabtel yu'un jun xnich'on, Jotam sbi; ja' lic spas mantal ta stojol li xchi'iltac te ta yosilale.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Éxodo 19:14

Li Moisese iyal tal ta vits; vul yalbe xchi'iltac ti ac'o xchapan sbaic, ti ac'o xchuc' lec sc'u'ique.

Levítico 11:25

“Me oy boch'o ta stsac jcotuc li chamen chon le'e ac'o xchuc' sc'u', pero te chopol chcom o c'alal to ch-och ac'ubal.

Levítico 14:20

Te co'ol ac'o yac' ta sba scajleb jmoton xchi'uc li c'usitic co'oltic jech chac c'u cha'al trigoe. Li palee ac'o yac' ta ch'aybel smul li boch'o ip cha'ye, jech lecubtasbil xa chcom o.

Levítico 14:9

Ta svucubal c'ac'al ac'o xjux yan velta li stsotsil sjole, li yisime, li smotsobe xchi'uc scotol li stsotsile. Ac'o xchuc' lec sc'u'; ac'o atinuc lec, jech lecubtasbil xa chcom o.

Levítico 15:13

“Me ich'abi xchamel li vinique, ac'o yac' sba ta lecubtasel vucubuc c'ac'al. Ts'acal ac'o xchuc' lec sc'u'; ac'o spoc sba ta vo' ti bu lupbil tal ta nio'e, jech lecubtasbil xa chcom o.

Levítico 8:6

Li Moisese lic yic' ta stojol li Aarón xchi'uc xnich'nabe. Laj yatintasan.

Números 6:9

“Me oy boch'o te chcham ta ora no'ox ta sts'el li boch'o yac'oj sba o ta jtojole, li stsotsil sjol ti lec to'ox chquile, mu xa lecuc chquil. Ja' tsc'an ac'o yac' sba ta lecubtasel vucubuc c'ac'al jech chac c'u cha'al sc'oplale. Ta svucubal c'ac'al ac'o yac' ta juxel scotol li stsotsil sjole, yu'un ja' sc'ac'alil ti chich' lecubtasele.

Números 8:7

Ti c'u x'elan tsc'an chalecubtase ja' jech chac li'i: Vijo ta vo', ja' li vo' sventa lecubtasele. Ts'acal ac'o xjux loq'uel scotol stsotsil sbec'talic, xchi'uc ac'o xchuc' lec sc'u'ic, jech lec xa chcomic o.

Deuteronomio 21:12

Ac'o yic' batel ta sna. Ac'o yac'be ta juxbel stsotsil sjol, xchi'uc ac'o sloc' sni'ni' yic'ach.

1 Pedro 3:21

Li vo' le'e ja' senyail li vo' chquich'tique, jech chijcolutic. Li vo' chquich'tique mu ja'uc sventa chispocbutic jbec'taltic. Ja' sventa ti lecuben xa jol co'ntontic ta stojol Dios ta sventa ti icha'cuxi li Jesucristoe.

Apocalipsis 7:14

Jech la jtac'be: “Cajval, mu jna'. Vo'ot xana'”, xcut. Jech laj yalbun: “Le'e ja' li boch'otic imilatic ta scoj ti tsots liquem vocol ta banamile. Xchuc'oj xa lec sc'u'ic, yac'oj xa sbaic ta sacubtasel ta xch'ich'al li Ch'ium Chije.