Levítico 14:4 - Bible in Tzotzil de Chenalhó with Deuterocanon

⁴ ac'o stac ta ich'el cha'cotuc bic'tal mut ti bu lequique, xchi'uc ch'ut te', tsajal poc', xchi'uc hisopo te' sventa chich' lecubtasel o.

Bible in Tzotzil de Chamula

⁴ ta xalbe mantal ti ac'o ba sa' talel cha'cotuc lequil cuxul mut, jutebuc ch'ut te', tsajal poc', xchi'uc hisopo te', yo' jech ta xich' poquel tusel.

Levítico 14:4 Iomraidhean Croise

Salmos 51:7

Lecubtasun ta isopo te', jech lecuben chicom o; pocun me, jech xjelov to jsaquil chicom jech chac c'u cha'al li tayoe.

Éxodo 12:22

Ch'ambeic li xch'ich'ale. Sa'ic tal jyomuc isopo te', ts'ajic ta ch'ich', bonic ta xcha'jotal yoyal sti' anaic xchi'uc ta smarcoaltac. Pero me junuc mu me boch'o xloc' ta sna avu'unic, ja' to me isacub osile.

Levítico 1:14

“Yan me mutetic chich'ic tal sventa chachic'bicun jmotonin, vu'un li Muc'ul Diosune, ja' ac'o yich'ic tal jcotuc puruvoc stsu, o me stsumut.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 14:5

Ac'o yal mantal ti ac'o yich' milel jcotuc li mute. Te ac'o yich' milel ta jun bin ti oy ya'lel lupbil tal ta nio'e.

Levítico 14:6

Li palee ac'o stsac li jcot unin mut cuxule, xchi'uc li ch'ut te'e, li tsajal poq'ue xchi'uc li hisopo te'e. Ac'o sts'aj ta xch'ich'al li chamen mut te ta vo' ti lupbil tal ta nio'e.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Números 19:18

Ac'o taluc junuc vinic ti lec oye. Ac'o stsac jecuc sc'ob hisopo te', ac'o sts'aj ta vo'. Ac'o svij ta sba li carpanae, xchi'uc scotol li sbele, xchi'uc li boch'otic te oyic ta yute. Xchi'uc ac'o svij noxtoc li boch'o la spic sbaquil anima, o me sbec'tal anima ti milbil ichame, o me ja' ti jech no'ox icham stuque, o me ja' la spic li muquinaltique.

Números 19:6

Li palee ac'o stsac jutebuc ch'ut te', xchi'uc jecuc sc'ob hisopo te', xchi'uc tsajal poc'. Ac'o xchic' scotol te yo' bu chcac' li me' vacaxe.

Hebreos 9:19

Yu'un c'alal ilaj yo'nton ta yaptael scotol mantaletic ta stojol steclumal li Moisese, lic stsac li xch'ich'al ch'ium tot vacaxetique xchi'uc li xch'ich'al tot tentsunetic capal ta vo'e. La stsac noxtoc sc'ob isopo te' xchi'uc tsotsil chij bonbil ta tsoj. La svij ta ch'ich' li svunal mantaletique xchi'uc scotol li steclumale.