Levítico 14:12 - Bible in Tzotzil de Chenalhó with Deuterocanon

¹² Ac'o stsac jcotuc li ch'ium chije xchi'uc li aceite ti jutuc mu o'loluc litroe. Ja' milbil matanal ta sventa li c'unil mulil staoje. Ac'o sye'bun ta jtojol, vu'un li Muc'ul Diosune.

Bible in Tzotzil de Chamula

¹² Mi laj taj une, ta xlic yac' jcotuc ti chije, ti ta xich' svocol ta scoj ti mulil colo'ile jmoj xchi'uc ti jch'ac ta oxch'ac ti jun litro aceitee, ti sye'ilan xa ta stojol Dios sventa ti buch'u ta xich' poquel tusele.

Levítico 14:12 Iomraidhean Croise

Éxodo 29:22

“Ts'acal xatsobbe li xepualtac sne, xepualtac sbiquil, xepualtac secub, xchi'uc li chib srinyon c'alal ta xepuale, xchi'uc li sbats'i-o'e. Yu'un ja' sventa chich' yabtelic o li paleetique.

Éxodo 29:24

Scotol le'e ac'bo ta sc'ob li Aarón xchi'uc xnich'nabe; ac'o sye'ilanic ta jtojol, vu'un li Muc'ul Diosune.

Éxodo 29:26

“Li sna yo'nton chij sventa chich' yabtelic o li Aarone tsaco, toyo muyel ta jtojol, vu'un li Muc'ul Diosune. Le'e ja' xa avu'un chc'ot o.

Isaías 53:10

Li Muc'ul Diose jech la sc'an ti laj yac' ta uts'intaele, ti laj yac'be xcuch scotol vocole. Ta sventa ti ivu' yu'un laj yac' sba ta milbil matanal sventa mulile, jech ta to xil noxtoc c'u to yepal chbol li yu'untaque, ta xnatub lec yorail. Li c'usi chapanbil yu'un Muc'ul Diose, chc'ot ta pasel.

Levítico 14:10

Ta xvaxquibal c'ac'al ac'o yich' tal cha'cotuc ch'ium chij ti bu ven lequique, xchi'uc jcot tsebal chij ti bu leque, ti jun to jabil svoq'uele, xchi'uc o'lol svucubal kilo lequil arina vots'bil ta aceite, xchi'uc jutuc mu sta o'lol litro aceite.

Levítico 14:11

Li pale ti oy ta sventa tslecubtasvane ac'o sva'an ta jtojol li boch'o chich' lecubtasele xchi'uc li c'usi yich'oj tale. Te ac'o sva'an ta sti' ch'ulna pasbil ta nucul.

Levítico 14:19

Li palee ac'o yac'bun noxtoc li milbil matanal sventa mulile yu'un ja' jech chac' ta ch'aybel o smul li boch'o ta xich' lecubtasele. Ts'acal ac'o smil li chij chich' chiq'uel ta sventa jmotone.

Levítico 5:15

“Me oy boch'o tsta smul ta sventa ti muc ta yutsiluc yo'nton muc ts'acaluc xac' li c'usitic voc'bil xa ta jtojole, ac'o yic' tal jcotuc chij ti bu ven leque. Ac'o tal yac' ta jtojol, vu'un li Muc'ul Diosune. Li chije ac'o yich' q'uelel jaysep saquil taq'uin stojol jech chac c'u cha'al chapanbil te ta ch'ulna ta sventa li muliletique.